К дарам волхвов молитва

ПОЧЕМУ МЫ ПОКЛОНЯЕМСЯ ДАРАМ ВОЛХВОВ.Чудеса.

ПОЧЕМУ МЫ ПОКЛОНЯЕМСЯ ДАРАМ ВОЛХВОВ

6 января 2014 года Дары Волхвов вечером привезли в Храм Христа Спасителя. Великая святыня впервые покинула пределы Греции. Далее ее повезут в Белоруссию и Украину. Как воспринимать необычную реликвию, почему настоятель афонского монастыря святого Павла согласился «отпустить» святыню из Греции, и ждать ли скандалов с vip-пропусками — рассказали на пресс-конференции по поводу принесения Даров, которая 25 декабря 2013 года прошла в ИТАР-ТАСС.

«Мы поклоняемся не золоту, смирне и ладану»

— Один из самых часто задаваемых вопросов — почему мы поклоняемся Честным Дарам Волхвов, — отметил представитель монастыря святого Павла, в котором хранятся Честные Дары Волхвов, иеромонах Евфимий.

— Честным в Церкви называется то, что достойно чести, или почитания. В нашем монастыре свято верят в то, что к этим Дарам прикасался Сам Христос, а по учению Церкви то, к чему прикасалось божественное тело Иисуса Христа, становится священным, потому что на нем, по вере Церкви, почивает Божия благодать, Божественная энергия. Глубокое мистическое понимание православного поклонения предполагает, что, если какой-то предмет посвящается Богу, Божией Матери или святому, он становится священным. И то, что посвящается и приносится в дар Богу видимому (рожденному, воплотившемуся Сыну Божию), священно настолько же, насколько и посвященное Богу невидимому. Как сказано в тропаре Святым Дарам, «прикосновением святых рук Твоих, Иисусе, Дары получили божественную благодать». Мы поклоняемся не золоту, смирне и ладану, а той Божественной благодати, которая почила на Дарах в результате прикосновения к ним божественного тела Иисуса Христа».

«Смс» от Бога

Попытки вывезти Дары за пределы Греции для поклонения верующим предпринимались более 10 лет, однако настоятель афонского монастыря святого Павла дал на это разрешение только сейчас, рассказал сопредседатель рабочей группы по принесению Даров волхвов в пределы Русской Православной Церкви, председатель Благородного собрания Константин Малофеев.

Православие и мир

Чудеса, происходящие от Честных Даров волхвов

Чудесами называются сверхъестественные события, производимые Божественной силой и противоречащие законам земного мира. Чудеса в истории нашей Церкви были всегда, и многие из них описаны в Священном Писании и житиях Святых. Чудеса – это свидетельства присутствия Бога в нашем мире, и они подаются свыше, чтобы неверующих наставить на путь спасения, а верующих – укрепить в вере.

В ноябре 1980 года после разрушительного землетрясения в Салониках Высокопреосвященнейший митрополит Лангадасский Спиридон попросил монастырь Святого Павла о принесении Честных Даров в свою епархию для укрепления верующих. С Дарами поехал игумен и один из иеромонахов.

Дары волхвов

По благословению Святейшего Патриарха Московского и всея Руси КИРИЛЛА впервые в церковной истории в пределы Русской Православной Церкви приносятся Честные Дары волхвов-древнейшая христианская святыня, хранящиеся с XV века в монастыре святого Павла Святой Горы Афон. Честные Дары имеют благодать освобождать верующих от действия лукавых духов и подавать крепость сил и духовную радость.

В Зачатьевском монастыре имеется точная копия одной из частиц Честных Даров волхвов,освященная в обители святого Павла.

Святыня находится в Соборе Рождества Богородицы.

Молитвословия Господу, совершаемые перед Честными Дарами волхвов

Всечестным Твоим Даром: злату, ливану, смирне, яже от восток халдейския земли принесоша волсви, возложением же рук Твоих, Иисусе, благодать Твою приемшим, покланяемся и почитаем благоговейно, вопиюще Ти, Всещедре: слава Рождеству Твоему, Благий, слава Божественным Даром Твоим, имиже подаеши нам верным всем исцеления.

От Персиды происшедше волсви Дары принесоша Христу Рожденну:злато, вкупе же и смирну, и ливан, ихже яко многоценное сокровище стяжавши, Павла богомудраго обитель святая освящение черплет и просвещение поклонением им с верою.

Владыко Господи Иисусе Христе Боже наш, безначального Отца Соприсносущный Слове и Сыне и Святому Духу Содетельный и Собезначальный, Иже за безмерную милость человеколюбия вселивыйся в Пречиствую и Пренепорочную Деву, и из Нея, не претерпев изменения, родивыйся плотию в Вифлееме Иудейстем, и возродивый и возсоздавый естество наше от древния клятвы. Ты, Господи, Иже от колена Иудова возсиявый, яко звезда от Иакова, не оставль недра Отча, и еже по плоти Твоим Рождеством призвавый от Персиды волхвы в поклонение Тебе, иже необычною и светлою звездою путешествовавше, приидоша в Вифлеем, и, отверзше сокровища своя, принесоша Тебе Дары многочестныя: злато, ливан и смирну, Твою Славу и Божество проявляющия. Како воспоем, Господи, несравненное человеколюбие Твое? Яко сия многоценныя и священнейшия Дары, освященныя осязаньми и прикосновеньми Пречистых Твоих рук, оставил еси нам яко сокровище богодарованное освящающия Твоея благодати и утешение скорбящим, и исцеление душам и телесем, небесное испущающия благоухание, Владыко, веселящее и услаждающее сердца наша. Всяк бо приступаяй и покланяяйся им благоговейне исполняется веселия и обретает Божественныя Твоея милости тайная и неисповедимая подаяния, воспевая Твое неизреченное по плоти рождество, Человеколюбче Господи.

Сия предложенная и верно покланяемая возводят души наша к совершенной любви Твоей, Спасе, очищают ум наш и возжизают в сердцах наших блаженный и животворящий огнь, егоже пришел еси воврещи на землю, Владыко Всещедре. Даждь убо нам, Господи, сим Даром поклонением и сущим в них благодатным подаянием благодати Твоея силу на страсти, крепость душевную, здравие телесное, Божественную ревность к вящшей духовной жизни, любовь нелицемерну, покаяние чистое и всякое благое дарование ко спасению вечному.

Сохрани же и покрый и град сей , приемший сия яко многоценное сокровище, и небесное богатство, и святыню умную и Божественную.

Ты бо еси Спас и Упование наше, Иже волею младенствовавый, и в вертепе рождейся, и предлежащия Дары: злато, ливан и смирну приемый от волхвов, восточных царей, и Тебе славу и благодарение возсылаем, со Безначальным Твоим Отцем и Пресвятым, и Благим, и Животворящим Твоим Духом, ныне, и присно, и во веки веков. Аминь.

(«Афонский монастырь святого Павла и его святыни». М.2014)

Храм Тихвинской Иконы Божией Матери на проспекте Науки

Для келейного чтения

Многие из нас очень ждут прибытия в наш город Даров волхвов. Однако может так случиться, что кто-то не сможет по каким-то причинам попасть в Новодевичий монастырь и приложиться к святыне физически. Давайте попробуем прикоснуться к святыне молитвенно, верою. Хорошо известно, что Свою благодать Господь изливает именно по вере и по молитве.

На Афоне в наше время был составлен «Молебный канон пред святыми и честными дарами Спасителя нашего, златом, ладаном и смирною, пребывающими во святой обители преподобного Павла». Он пока используется только для келейного чтения. Предлагаем вашему вниманию перевод канона на церковнославянский язык.

Священник глаголет: Благословен Бог наш, всегда, ныне и присно, и во веки веков.

Священник : Слава тебе Боже наш, слава Тебе.

Лик: Царю Небесный: Трисвятое. Пресвятая Троице: Отче наш: Господи помилуй, трижды. Слава, и ныне: Приидите, поклонимся: трижды.

И чтем псалом 142:

Господи, услыши молитву мою, внуши моление мое во истине Твоей, услыши мя в правде Твоей: И не вниди в суд с рабом Твоим, яко не оправдится пред Тобою всяк живый. Яко погна враг душу мою: смирил есть в землю живот мой: посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои: душа моя яко земля безводная Тебе. Скоро услыши мя, Господи, исчезе дух мой: не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах: скажи мне, Господи, путь, воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой: дух Твой благий наставит мя на землю праву. Имене твоего ради, Господи, живиши мя, правдою Твоею изведеши от печали душу мою: И милостию Твоею потребиши враги моя и погубиши вся стужающия души моей: яко аз раб Твой есмь. Слава, и ныне. Аллилуия, трижды.

Таже: Бог Господь, и явися нам, благословен Грядый во Имя Господне.

Стих 1: Исповедайтеся Господеви, яко Благ, яко в век милость Его.

Стих 2: Обышедше обыдоша мя, и Именем Господним противляхся им.

Стих 3 : Не умру, но жив буду, и повем дела Господня.

Стих 4: Камень, егоже небрегоша зиждущии, сей бысть во главу угла: от Господа бысть сей, и есть дивен во очесех наших.

Глас 4. Подобен: Вознесыйся на Крест:

От Девы Рождейся неизреченно, за милосердие, Спасителю всяческих, дары приятныя приял еси яко Младенец, яже Тебе принесоша царие персидстии, злато, смирну и ливан, имже верно покланяющеся, освященным прикосновении пречистыми Твоими, освящение от них почерпаем. [Дважды.]

Яко сокровище и многочестное богатство святаго Павла обитель стяжавши, Спасе щедрый, дары Твоя честныя, сими удобряется и величается воистинну: сия бо от Византия царица честная со благоговением многим принесе, служащи Божественному хотению.

И ныне, богородичен: Не умолчим никогда, Богородице, силы Твоя глаголати, недостойнии: аще бо Ты не бы предстояла молящи, кто бы нас избавил от толиких бед? Кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.

И абие псалом 50:

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего и от греха моего очисти мя: яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих: яко да оправдишися во словесех Твоих и победиши, внегдасуди ти Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся: омыеши мя, и паче снега убелюся. Слуху моему даси радость и веселие: возрадуются кости смиренныя. Отврати лице твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отими от мене. Воздаждь ми радость Спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже Спасения моего: возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Бог не уничижит. Ублажи, Господи, благоволением твоим Сиона, и да созиждутся стены Иерусалимския: Тогда благоволиши жертву правды, возношение и всесожегаемая: тогда возложат на олтарь Твой тельцы.

Канон, егоже краегранесие:

Даров Христовых благодать со мною буди. Герасимово

Ирмос: Воду прошед, яко сушу, и египетскаго зла избежав, израильтянин вопияше: избавителю и Богу нашему поим.

Припев: Слава Тебе Боже наш, слава Тебе.

Подающе благодать Божественную обильно, честнии дары Спасовы всем нам предлежат, верою приступающим душею чистою. Якоже дары небесныя обители Павла преподобнаго подаде царица честныя дары Спасителя, к нимже приходяще, верно поклонимся.

Слава: Струями, Щедре, Твоих дарований, ороси вся, чтущия всеблагоговейно всечестныя дары, яже верою персидстии царие тебе принесоша.

И ныне, богородичен: Яко Мати всяческих Творца, Благодатная, Всеблагословенная Марие, непрестанно моли даровати нам согрешений наших прощение.

Ирмос: Небеснаго круга верхотворче Господи и Церкве зиждителю, Ты мене утверди в любви Твоей, желаний краю, верных утверждение, едине Человеколюбче.

Источник невещественный Божественный Твоея благости от ковчега происходит, Спасе, честных Твоих даров, орошающь вся к тайному благоплодию жития чистоты, едине Человеколюбче.

Руками Божественными Твоими, Спасе, освящение независтное прияша честныя дары, егда был еси Младенец, к нимже приходяще, радости исполняемся Божественныя, освящаеми душами и телесы.

Слава: Здравие источают всем Христовою благодатию, разрешение уныния и печали и всякия скорби дары три вещественнии, яже Спас наш яко Младенец рукама прият и освяти.

И ныне, богородичен : Да спасет мир от древняго падения, младый Младенец явися, Дево, Бог совершенный от кровей Твоих, воплотивыйся паче слова, подая всем живот вечный.

И абие Лик: Спаси всечестных Твоих даров благодатию, Спасе, от бесования лукаваго миродержца, прибегающих к ним со благоговением. Призри благосердием, всепетая Богородице, на мое лютое телесе озлобление и исцели души моея болезнь.

Таже иерей, или диакон: Помилуй нас Боже, по велицей милости Твоей, молим Тися, услыши, и помилуй.

Лик: Господи помилуй, трижды. Еще молимся о великом господине и отце нашем Святейшем Патриархе Кирилле, и о господине нашем преосвященнейшем епископе (или архиепископе, или митрополите) (имярек), и всей во Христе братии нашей. Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте. Еще молимся за всю братию, и за вся христианы.

Возглас: Яко Милостив и Человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков, аминь.

И абие глаголем седален, глас 2:

Подобен: Моление теплое:

Персидстии царие злато, смирну и ливан принесоша, Христе, плотию Тебе младенствовавшу, ихже даровал еси древле, неизреченным советом Твоим, Человеколюбче, рукою царицы верныя, обители Павла преподобнаго, яко Божественный дар.

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Якоже смирну, и ливан, и злато принести Тебе укрепи, жития чистоту, Спасе, припадающих даром Твоим.

Благоухание испущающе Твоего благоутробия, Божественнии дары Твои нам предлежат, Человеколюбче: темже величаем державу Твою.

Слава: Ковчегу припадающе Твоих всечестных даров, крепость приемлем и побеждаем змия, хвалу Спасу возсылающе.

И ныне, богородичен: О всех моли Сына Твоего, Отроковице, и всех Господа, даровати прощение прегрешений, имиже согрешихом.

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

Принесе на Афонскую гору святую от царствующаго из градов царица Мария благоговейно Христовы священныя дары и пречестныя.

Благодать тайную, яко невещественную росу душевную, источают дары Твои, Христе, яже освятил еси прикосновении руку Твоею, Владыко.

Слава: Всяк приходяй ко святым даром Твоим, уныния избавляется горькаго, воспевая благоутробия Твоего, Спасе, величие.

И ныне, богородичен : Избави мя, Чистая, бесования губителя, и подаждь мир непреложен уму и сердцу моему, молю Тя.

Ирмос: Молитву пролию ко Господу, и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Исцеления подает Божественных даров ковчег злата, смирны и ливана, осенением силы Божественныя: приидите припадем к сим страждущии, да лютых горестей избавимся Христовою благостию.

Стекается монашествующих лик во обитель святаго Павла усердно, имущую честныя дары богодарованныя и лобызает я, приемля страстей избавление.

Слава: Великаго воистинну благословения сподобихомся, верою прикасающиися устнами Божественным даром, ихже царие персидстии Тебе принесоша: прикосновением бо Твоим, Иисусе, сокровище Божественныя благодати явишася.

И ныне, богородичен: Престоле Царя славы, Палато велия Господня, многопетая Дево Отроковице, яже Бога неизреченно рождшая, Богородительнице Марие, от страстей гноища возстави мя.

И абие Лик: Спаси всечестных Твоих даров благодатию, Спасе, от бесования лукаваго миродержца, прибегающих к ним со благоговением. Пречистая, яже словом Слово неизреченно в последняя дни рождшая, Сего умоли, яко матерне имущи дерзновение.

Таже иерей, или диакон: Паки и паки миром Господу помолимся. Заступи, спаси, помилуй и сохрани нас Боже, Твоею благодатию. Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Возглас: Яко благословися имя Твое и прославися царство Твое, Отца, и Сына, и Святаго Духа, ныне и присно, и во веки веков, аминь.

И кондак, глас 2.

Подобен: Кровей твоих:

Яко дары приятны принесем житие честное и истинное покаяние Христу, рожденному яко Младенцу и приимшему злато, смирну и ливан, яже персидстии царие принесоша.

Прокимен, глас 4: Царие аравстии и Сава дары приведут.

Стих: Царие фарсийстии и острови дары принесут.

Евангелие от Матфеа (зачало 3):

Иисусу рождшуся в Вифлееме иудейстем, во дни Ирода царя, се волсви от восток приидоша во Иерусалим, глаголюще: где есть рождейся Царь Иудейский? Видехом бо звезду Его на востоце, и приидохом поклонитися Ему. Слышав же Ирод царь, смутися, и вся Иерусалима с ним. И собрав вся первосвященники, и книжники людския, вопрошаше от них: где Христос раждается? Они же рекоша ему: в Вифлееме Иудейстем. Тако бо писано есть пророком: И ты Вифлееме земле Иудова, ничимже меньши еси во владыках Иудовых: из тебе бо изыдет Вождь, иже упасет люди Моя Израиля. Тогда Ирод тай призва волхвы, и испытоваше от них время явльшияся звезды. И послав их в Вифлеем, рече: Шедше испытайте известно о Отрочати: егда же обрящете, возвестите ми, яко да и аз шед поклонюся Ему.

Они же послушавше царя, идоша. И се звезда, юже видеша на востоце, идяше пред ними, дондеже пришедши ста верху, идеже бе Отроча. Видевше же звезду, возрадовашася радостию велиею зело. И пришедше в храмину, видеша Отроча с Мариею Материю его, и падше поклонишася Ему: и отверзше сокровища своя, принесоша Ему дары: злато, и ливан, и смирну. И весть приемше во сне, не возвратитися ко Ироду, иным путем отидоша во страну свою.

Слава: Твоих всечестных даров благодатию, Спасе, очисти множества прегрешений наших.

И ныне: Молитвами Богородицы, Милостиве очисти множества согрешений наших.

Стих: Помилуй мя, Боже, по велицей милости Твоей, и по множеству щедрот Твоих очисти беззаконие мое.

Глас 6. Подобен: Все отложше:

Даром пречестным, яже Христу яко младенцу волсви царие персидстии верою принесоша, поклонимся: от них бо источается благословение Божественное, и Господу возопиим: якоже злато, и ливан, и смирну, приими убо, Человеколюбче, веру же, надежду и любовь от теплоты сердечныя нас, рабов Твоих, Иисусе, и просвещение спасительное подаждь душам нашим.

Священник: Спаси Боже люди Твоя:

Лик: Господи помилуй: трижды. Милостию, и щедротами, и человеколюбием Единороднаго Твоего Сына, с нимже благословен еси, со всесвятым, и благим, и животворящим Твоим Духом, ныне и присно, и во веки веков, аминь.

Ирмос: От Иудеи дошедше отроцы, в Вавилоне иногда, верою троическою пламень пещный попраша, поюще: отцев Боже, благословен еси.

Се отверзеся всем мироухающий ковчег и многовожделенный честных даров Христа Жизнодавца и, яко миро всечестное, облагоухает наша душевная чувства.

Освятишася, Спасе, прикосновеньми пречистых рук Твоих, Владыко, всечестнии твои дары, ими же освящаеши души и телеса покланяющихся им и Тя славословящих.

Слава: Яко многих Твоих щедрот залог, Спасе, Божественныя дары Твоя, обитель святаго Павла имущи в недрех, по достоянию славит Тя, приемлющи присно спасительная Твоя дарования.

И ныне, богородичен: Яко Бога порождши, милости Источника, приемшаго плоти дебельство, помилуй, Дево, смиренную душу мою, побеждаемую страстьми, и настави мя, Чистая, ко стези покаяния.

Ирмос: Царя Небеснаго, Егоже поют вои ангельстии, хвалите и превозносите во вся веки.

Честь и богатство обитель святаго Павла, Спасе, стяжав всечестныя Твоя дары: темже и величает Твое Человеколюбие.

Притрепетна ста, глас услышавши Божественный, царица, принесшая дары, и сия дланем отцев предаде.

Слава: Крепость получивши царица гласом Божественным возвратися к кораблем радующися, давши отцем дары Твоя, Щедре.

И ныне, богородичен: Пречистая Отроковице, Царице ангелов, Царствия Небеснаго сподоби мя, превозносящаго Твое величие.

Ирмос: Воистинну Богородицу Тя исповедуем, спасеннии Тобою Дево Чистая, с безплотными лики Тя величающе.

Укрепляемся сердцы, осязающе верою пречестныя дары Твоя, Человеколюбче, и многую славим Твою благостыню. [Дважды.]

Силу велиарову побеждаем в конец, силу и крепость приемлюще, Господи, от Божественных, Спасе, даров Твоих.

Мироухающе, яко шипок, Спасе, Твои дары, злато и смирна и ливан точат умное благоухание Твоея благости.

Слава: Онебеси, Щедре, наша сердца поклонением даром Твоим, Господи, и льсти вещныя нас измени.

И ныне, богородичен: Поем Твое Рождество, Благодатная: яко Христа Спаса родила еси и благословения мирови токи отверзла еси.

Достойно есть: и величания:

Даром пречестным, злату же, смирне и ливану, яже волсви Христу древле принесоша, яко благодати сокровищу, благоговейно ныне поклонимся.

Волсви от Персиды в Вифлеем приидоша, Спасе, и принесоша Тебе благоговейно злато же и смирну, и ливан, Щедре, державу славы Твоея всем поведающе.

От царствующаго из градов царица, Спасе, со благоговением же и тщанием во святую обитель богоноснаго Павла всечестныя Твоя дары верою принесе.

Благодать источают таинственно, радость и здравие, Духа дарованием, священнии Твои дары верою, Жизнодавче, от них взыскующим благословение Твое.

Святаго Павла радуется обитель, освящаема положением в ней даров Христовых пречестных, рукою царицы древле богомудрыя, изволением Божественным.

Яко злато и ливан, Иисусе, и смирну, приими из уст наших присно молебныя гласы, яко Всещедрый, и подавай нам прегрешений прощение.

Вся ангелов воинства, Предтече Господень, апостолов двоенадесятице, святии вси с Богородицею сотворите молитву, во еже спастися нам.

Священник: Помилуй нас Боже, по велицей милости Твоей, молим Ти ся, услыши, и помилуй. Еще молимся о великом господине и отце нашем Святейшем Патриархе Кирилле, и о господине нашем преосвященнейшем епископе (или архиепископе, или митрополите) (имярек), и всей во Христе братии нашей.

Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте. Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего. Еще молимся и о еже услышати Господу Богу глас моления нас грешных, и помиловати нас.

Возглас: Услыши ны Боже Спасителю наш, Упование всех концев земли и сущих в мори далече, и милостив, милостив буди, Владыко, о гресех наших, и помилуй ны, милостив бо и Человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Священник: Господу помолимся.

Лик: Господи помилуй.

Владыко Господи Иисусе Христе Боже наш, Безначальнаго Отца Соприсносущный Слове и Сыне, и Святому Духу Собезначальне, с Нимже вся соделал еси, иже за безмерную милость Человеколюбия вселивыйся в Пречистую и Пренепорочную Деву и из Нея, не претерпев изменения, родивыйся плотию в Вифлееме Иудейстем, и возродивый и возсоздавый естество наше от древния клятвы: Ты, Господи, иже от колена Иудова возсиявый яко звезда от Иакова, не оставль недра Отча, и еже по плоти Твоим Рождеством призвавый от Персиды волхвы в поклонение Тебе: иже необычною и светлою звездою путешествовавше, приидоша в Вифлеем и отверзше сокровища своя, принесоша Тебе дары многочестныя: злато и ливан, и смирну, Твою славу и Божество показующия.

Како воспоем, Господи, несравненное Человеколюбие Твое? Яко сия многоценныя и священнейшия дары, освященныя осязаньми и прикосновеньми пречистых Твоих рук, оставил еси нам, яко богодарованное сокровище Твоея освящающия благодати, утешение скорбящим, и исцеление душам же и телесем, испущающия небесное благоухание, Владыко, веселящее и услаждающее сердца наша. Всяк бо приступаяй и покланяяйся им со благоговением исполняется веселия и обретает тайная и неисповедимая подаяния Божественныя милости Твоея, воспевая Твое неизреченное по плоти Рождество, Человеколюбче Господи. Сия предложенная и верно поклоняемая возводят души наша к совершению любве, Спасе, очищают ум наш и возжизают в сердцах наших блаженный и животворящий огнь, еже пришел еси воврещи на землю, Владыко Всещедре.

Даждь убо нам, Господи, сим поклонением и богатым подаянием благодати Твоея силу на страсти, крепость душевную, здравие телесное, Божественную же ревность к вящей духовней жизни, к любви нелицемерне, к покаянию чисту и всякому благому дарованию ко Спасению вечному. Сохрани же и покрый и град сей, приемший сия, яко многоценное сокровище и Небесное богатство и святыню умную и Божественную. Ты бо еси Спас и Упование наше, Иже волею младенствовавый, и в вертепе рождейся, и предлежащия дары, злато, ливан и смирну приемый от волхвов, восточных царей, и Тебе славу и благодарение и поклонение возсылаем со безначальным Твоим Отцем и Пресвятым и Благим и Животворящим Твоим Духом, ныне и присно и во веки веков.

Священник: Премудрость. Пресвятая Богородице, спаси нас.

Лик: Честнейшую Херувим:

Священник: Слава Тебе, Христе Боже, Упование наше, слава Тебе.

Лик: Слава, и ныне: Господи помилуй, трижды . Благослови.

И отпуст: Христос истинный Бог наш, молитвами Пречистыя Твоея Матере, преподобных и богоносных отец наших, и всех святых, помилует и спасет нас, яко Благ и Человеколюбец.

Также поем во глас 2. Подобен: Егда от Древа:

Всех, покланяющихся верно святому кивоту Божественных даров Твоих, Господи, яже волсви персидстии царие представиша Тебе, Твоея благодати веющии воню Небесную, злосмрадия избави нечистых страстей, приносити же укрепи, Спасе, жития чистаго благоухание, милосердием твоим, Человеколюбче.