Молитва андрею юродивому симбирскому

Чудотворные слова: молитва андрею юродивому симбирскому в полном описании из всех найденных нами источников.

Оглавление

1 Молитвы святому блаженному Андрею, Христа ради юродивому.
2 Акафист Святому Блаженному Андрею Симбирскому, Христа Ради Юродивому

Молитвы святому блаженному Андрею, Христа ради юродивому.

О, великий угодниче Христов, истинный друже и верный рабе Всетворца Господа Бога, Преблаженне Андрее! Услыши ны, многогрешный, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.

О святый угодниче Божий, блаженне Андрее! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойнии есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Во юродство претворився волею, мира сего красоты отнюд возненавидел еси, плотская мудрования увядил еси постом и жаждею, и зноем, и студению мраза, от дождя и снега, и от прочия воздушныя тяготы никогдаже уклонився, очисти еси себе яко злато в горниле, Андрее блаженно.

Тропарь Христа Ради юродивому, глас 1

Глас Апостола Твоего Павла услышав глаголющ, мы юроди Христа ради, раб Твой, Христе Боже Андрее,юрод бысть на земле Тебе ради: темже память его почитающе, Тебе молим, Господи, спаси души наша.

Кондак Христа ради юродивому, глас 8

Вышния красоты желая и нижния сласти телесныя точно оставил еси, нестяжанием суетнаго мира, Ангельское житие преходя, скончался Андрее, блаженне: с нимиже Христа Бога моли непрестанно о всех нас.

Молитва всем святым и бесплотным небесным силам

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго духа во веки. Аминь.

Новости раздела

Житие священномученика Николая Покровского,пресвитера Горюшкинского.

Житие священномученика протоиерея Неофита Любимова.

Житие священномученика Иоанна Ильинского,протоиерея Томыловского.

Житие священномученика Александра Телемакова, пресвитера Чумакинского.

Житие преподобномученицы Екатерины (Декалиной) инокини Симбирской.

Раздел подготовлен по материалам Комиссии по канонизации святых и исторического отдела Симбирской епархии.В данном разделе помещены жития,иконы и богослужебные тексты в честь Блаженного Андрея Симбирского (Огородникова),священномученика Иоанна Ильинского,священномученика Неофита Любимова,священномученика Николая Покровского,священномученика Александра Гневушева,священномученика Александра Телемакова,преподобномученицы Екатерины (Декалиной),преподобноисповедника Гавриила (Игошкина),которые решением Святейшего Патриарха Кирилла включены в состав Собора Симбирских святых 16 июня 2012 года.

Служба собору Симбирских святых

Житие святого блаженного Андрея Симбирского, Христа ради юродивого, чудотворца.

Святой блаженный Андрей родился 17 июля 1763 года (по старому стилю). Родители его были очень набожны и воспитали своих троих детей в истинной вере. Уже в 7 лет будущий праведник взял на себя нелегкий подвиг – подвиг юродства Христа ради. До самой смерти он жил лишь милостыней, перестал пользоваться обычной одеждой: носил только специально сшитые для него длинные рубашки, и в любое время года ходил без обуви и головного убора.

С 7 лет Андрей взял на себя и подвиг постничества (в пищу в продолжение всей жизни он употреблял лишь хлеб и разваренные сухие ягоды, а по праздникам – чай с мёдом), и подвиг молчания («разговаривал» при помощи жестов и отдельных звуков, хотя не был лишён дара речи).

Еще в младенчестве Господь наделил блаженного Андрея даром прозорливости (он всегда безошибочно сообщал домашним о времени возвращение с богомолья матери – Анны Иосифовны).

Всю свою жизнь Андрей был прихожанином Спасо-Вознесенского собора, где еженедельно приобщался Тела и Крови Христовых. К этому храму блаженный относился с особым умилением: мог всю ночь (даже зимнюю) молиться, стоя под стенами собора или на его колокольне, а иногда его видели даже ползающим возле ограды храма и целующим низенькие ее столбики.

Во все дни жизни своей Андрей Блаженный укрощал свою плоть, передвигаясь только бегом, а если и стоял на месте, то раскачивался, подобно маятнику. Спал он всегда очень мало, на досках или голом полу, ничего не подкладывая под голову, чтобы во время сна голова ничего не касалась.

Некоторые поступки блаженного казались окружающим странными и безрассудными, но всегда приводили к благу. Например, вытащив кляп из бочонка с маслом в лавке торговца, Андрей сохранил людей от смертельной опасности, так как в опустевшем бочонке нашли мертвую змею. В другой раз, вбежав в дом одной мещанки, блаженный выхватил из печки раскаленный чугунок со щами и, разбив его, убежал. На дне разбитого сосуда обнаружили огромного паука. Часто блаженный хватал руками раскаленный металл, целовал кипящий самовар, нередко обливаясь при этом кипятком, но всё это не причиняло ему ни малейшего вреда.

Андрей Блаженный так возвысился своими подвигами, что Господь дал ему особые благодатные дарования. Неоднократно он исцелял болящих и страждущих, обращавшихся к нему с просьбой о молитве. Возвращал здоровье, давая съесть больному кусок поданного ему ранее хлеба. Блаженному были открыты самые потаенные уголки человеческой души. Когда о монетке, поданной блаженному, милостивец в сердце своем сожалел, Андрей безошибочно находил ее в кармане, среди других монет, и отдавал дарителю.

Так как блаженный взял на себя и подвиг молчания, пророчествовал он знаками или жестами. Если он подавал кому-либо щепочки или ложился на чьей-то постели со скрещенными на груди руками, это означало скорую смерть человека. (Это предупреждение невозможно переоценить – ведь человек обретал возможность достойно приготовиться к смерти и Небесному суду).

Конечно, не все симбиряне сразу поняли, что значит для их, да и для нашего с вами спасения этот юродивый. Блаженный Андрей смиренно и кротко переносил все поношения, издевательства, а то и побои: стоял, потупя взор и опустив голову. Это вызывало растерянность обидчиков, а иногда и вразумление о подвиге блаженного.

Когда же началась война 1812 года и многие симбиряне, желая узнать о судьбе своих близких-воинов, поехали к прозорливым старцам, и в том числе к преподобному Серафиму Саровскому, неожиданно услышали: «Что приходите ко мне, убогому? У вас лучше меня есть – ваш Андрей Ильич». Так и возвращались симбиряне к своему святому за благословением и советом.

Когда, в 1841 году 28 ноября (по старому стилю), Андрей Блаженный предал дух Господу, событие это стало воистину всеобщим горем. В убогое жилище, где лежало тело усопшего, на протяжении пяти дней шли и шли симбиряне. Честь сшить новую рубаху для покойного, изготовить гроб, положить на него дорогие покрывала, хоть как-то участвовать в подготовке к погребению почитались как счастье. С умиленным, спокойным и приветливым лицом Андрей Ильич и после кончины был олицетворением посетившей его благодати Божией. На его отпевание пришли все горожане, за исключением лишь тех, кто не мог самостоятельно двигаться. Здесь были даже те, кто раньше даже не переступал порог храма, а также и различного толка раскольники. Так даже смертью своей Андрей Блаженный приводил людей ко Христу, призывал их к молитве и покаянию.

Дни памяти святого блаженного Андрея Симбирского:

3 июня (по нов. ст.) – день прославления и обретения св. мощей
10 декабря ( по нов. ст.) – день праведной кончины старца.

Новости митрополии

Стартует III Форум Симбирской православной молодежи

Сегодня, 22 декабря, на площадке санаторно-оздоровительного комплекса «Чайка» стартует III Форум православной молодежи Симбирской митрополии.

Со школьниками проводятся беседы о ценности жизни

Симбирский центр православной культуры реализует проект «Сохранить свою жизнь – продолжить свой род», направленный на профилактику суицидов в подростковой среде.

Акафист Святому Блаженному Андрею Симбирскому, Христа Ради Юродивому

Избранный угодниче и Христа ради юродивый святый блаженный отче Андрее, с юных лет подвиг отречения от благ житейских избравший, хвалебное ныне приносим тебе пение, чтуще святую память твою. Ты же яко имеяй велие дерзновение к милосердному Господу, от всяких нас бед и напастей свободи, да зовем ти:

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Равноангельского жития сподобился еси, блаженне Андрее, ибо по ранней смерти благочестивых родителей твоих отверг еси мира суетное служение и вся его ложные красоты. Того ради услыши от нас похвалы, тебе приносимыя:

Радуйся, доброго корени отрасль благочестная;

Радуйся, чадо молитвы родителей боголюбивых;

Радуйся, от рождения твоего Богом избранный;

Радуйся, подвиг юродства на себя от отрочества принявший;

Радуйся, семя Христова учения в сердце своем возрастивший;

Радуйся, вся красная мира ни во что же вменивший;

Радуйся, в немощном телеси силу велию явивый;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Видя престранное твое житие, ибо презрев всякое о плоти смертней попечение, в зной и стужу в рубище был облачен, верою теплою и

пламенной ко Христу любовию согревае-мый, вернии града Симбирска, видя доброту и смирение твое и Духа Святаго стяжание, воспели Богу: АЛЛИЛУИА.

Разум, от Бога тебе данный, во мнимом безумии сокрыл еси, блаженне; в видимом тела покое дух свой возбуждая, в безгласии своем положил еси хранение устам, но непрестанно в сердце своем молитвы о людях грешных Господу приносил еси. Мы же, дивясь таковому житию твоему, взываем хвалебно:

Радуйся, тяжкий крест юродства Христа ради приемший;

Радуйся, мнимым безумием сияние благодати сокрывший;

Радуйся, яко дитя неразумное пред людьми явился;

Радуйся, гордыни пламень с малых лет в себе угасивший;

Радуйся, дар прозорливости подвигом молитвы стяжавший;

Радуйся, даром сим страждущим послуживший;

Радуйся, всем просящим помощи скорое вспоможение;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Невозможная от человек Господом силою Духа Святаго соделается, и сила Божия в немощех совершается; немощный человек самоотвержением себе Христа ради вечнаго врага попирает. Укрепи, блаженне отче Андрее, молитвами твоими и нас, в мятеже суетнаго жития сего изнемогающих, да сподобимся с тобою в небесных чертозех воспевати песнь: АЛЛИЛУИА.

Ведая, блаженне, яко в земном житии ты провидцем судеб человеческих явлен был, целителем недуг тяжких многих, скорбных утешителем, немощных укреплявшим, заблудшим на путь правды наставником, и ныне вернии к помощи твоей прибегают, воспевающе тебе сице:

Радуйся, грядущая яко настоящая провидевый;

Радуйся, креста своего усердный носителю;

Радуйся, иго Христово и бремя Его благодушно подъемый;

Радуйся, дар исцелений от Бога приемый;

Радуйся, рубищем паче одежды златотканныя украсивыйся;

Радуйся, возлюбивший паче одра мягкаго на земли повержение;

Радуйся, поношения яко хвальбу приемлющий;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Видим тя, блаженне Андрее, новую светозарную звезду, чудно возсиявшую на тверди Церкви Российстей, явльшуюся нам в последние времена и сущим в гордыне и прелести ума своего показующую высоту смирения и любве, научая верных пети Богу: АЛЛИЛУИА.

Духом провидя преподобный Серафим Саровский равное ангельскому дивное житие твое, блаженне отче Андрее, назва тя крепким

предстателем и молитвенником граду Симбирску. Мы же, дивящеся таковому о нас недостойных и жестокосердых смотрению Божию, во

умилении зовем таковая:

Радуйся, волжских пределов светлое украшение;

Радуйся, граду Симбирску неложное похваление;

Радуйся, Духа Святаго чистое селение;

Радуйся, смирением и терпением бесплотным уподобление;

Радуйся, всем помощи просящим скорое вспоможение;

Радуйся, светильниче Божественнаго света;

Радуйся, в смирении своем чудно возвышенный;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗСТУПЛЕНИЕ.

Боготечней звезде уподобился еси, блаженне отче Андрее, житием твоим освятил еси пределы симбирския, блистающе велиим подвигом себя отвержением. Нас же, погибающих в бурях страстей моря житейского, наставляеши к тихой пристани спасения пособием молитв твоих. Мы же, прославляя Господа, прославльшаго тя, вопием Ему: АЛЛИЛУИА.

Сподобил тя, блаженне отче, Господь человекам служити и послал ти дар целения недугов плоти немощной; подавал еси страждущим хлеб и чрез него сии от Милосердного Бога исцеление прияли. Ныне же в чертогах небесных хлеб жизни вечныя вкушаеши и молиши за нас, телом и душею немощствующих, и к тебе в умилении взывающих:

Радуйся, недугов тяжких целителю;

Радуйся, от погибели нечаянной избавителю;

Радуйся, в родах тяжких вспомощниче;

Радуйся, лукавых бесов посрамителю;

Радуйся, отчаявшихся надеждо;

Радуйся, чад наших хранителю;

Радуйся, гнев Божий от нас отвращающий;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Проповедник и образ евангельского жития был еси в терпении и кротости: Господь, ви-дя высоту смирения твоего, блаженне Андрее, дарова тебе дар зрения тайных и сокровенных. Даром сим многих от погибельного пути греха на стези покаяния наставил еси. Мы же видевши о тебе таковая, Богу поем: АЛЛИЛУИА.

Предвидел еси, блаженне, кончину суетнаго человеческаго жития, и сохранить душу бессмертную у таковых человек желая, подавал им о сем видимый знак, персть земную или щепу недоуменным в десницу влагая. О сем ведуще, и мы со смирением к тебе припадаем, да умолиши Спаса душ наших христианскую кончину даровати всем ныне вопиющим ти таковая:

Радуйся, житием твоим суетность мира сего обличивый;

Радуйся, плоть свою со страстьми и похотьми поправый;

Радуйся, всякое пристрастие земное от себе отгнавый;

Радуйся, мир Христов в душе своей стяжавый;

Радуйся, источниче благодати обильный;

Радуйся, защитниче наш пред Господом сильный;

Радуйся, себе Богу всецело предавый;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Хотяще тебе, блаженнее Андрее, от земнаго жития разрешитися, приобщился еси Чест-наго Тела и Крови Христа Бога нашего, просветился еси лицем радостию небесною. Чтущия тя, стекшеся ко смертному одру твоему, видяще радость твою о Господе, токи умиленных слез проливаху, поюще к Богу: АЛЛИЛУИА.

Новое знамение благоволения своего яви Господь к нам, жестоковыйным, тонущим в гордыне и самообольщения ума своего: указа место

погребения и честныя мощи твоя, блаженне, до селе сокрытыя. Новаго тя молитвенника и предстателя пред милосердием Божиим, тя стяжахом, благодарно сердцем и усты вопием ти:

Радуйся, смирением высокая стяжавый;

Радуйся, очеса своя всегда с упованием на Господа возводивый;

Радуйся, скорый и безмездный врачу;

Радуйся, воине Христов непобедимый;

Радуйся, человече Божий, смирением и терпением, яко поясом златым препоясанный.

Радуйся, за незлобие твое Господом блаженством увенчанный;

Радуйся, заступником града Симбирска преподобным Серафимом нареченный;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Грех ради и беззаконий человеческих попущением Божиим буря безумнаго безбожия разруши державу Российскую, Церковь же Божию постиже огненное искушение. Руце нечестивых оскверниша место упокоения твоего, блаженне Андрее, но божественным промышлением в последняя времена явлено нам место погребения и честныя мощи твоя. Вернии же, чудящеся сему, радостно поют Богу: АЛЛИЛУИА.

Имея неисчерпаемое богатство чистоты душевныя и смиренномудрия, веру несумнен-ную и помысл чист, юродствуя во Христе, неленостно служил еси Господеви всем житием своим. Темже, яко звезда путеводная светиши всем в житии ко Христу идущим. Сего ради высокаго подвига твоего вопием ти сицевая:

Радуйся, живый храм Божественнаго терпения;

Радуйся, гордых сердцем обличавый смирением ;

Радуйся, красото смиренномудрия и воздержания;

Радуйся, образе кротости и послушания;

Радуйся, ангелоподобный человече;

Радуйся, безмолвниче дивный;

Радуйся, тайно в молитве от бед сохраняющий;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Все житие твое поработих заповедем Христовым, яко раб благий, его же дивно Сам Царь Славы прослави. Всякия скорби и тесноты претерпел еси: заушения, оплевания, поношения и осмеяния, радостно шествуя узким путем жития твоего, блаженне Андрее. Сего ради и Христос тя со блаженными вселил еси, с ними же в вечном Его Царствии поеши ангельскую песнь: АЛЛИЛУИА.

Витийствующий язык и гордый ум совопросников века сего не возможет по достоянию уразумети земное житие твое, блаженне Андрее, яже совершил еси, шествуя ко Христу. Кто бо доволен изрещи высоту подвига юродства твоего и кто изочтет самоотвержение и высоту духа твоего, небесный человече и земный ангеле. Мы же, смирением твоим побеждаеми, зовем ти таковая:

Радуйся, прибежище наше в земных скорбех;

Радуйся, скорый помощниче в тяжких обстояниях;

Радуйся, источниче обильный благодатию;

Радуйся, заре пресветлая смирения, души грешных озаряющая;

Радуйся, теплото любве божественныя нас согревающая;

Радуйся, звездо, лучами своими души гордых человек уроком смирения просвещающая;

Радуйся, силою Божией, данной тебе, бесноватых исцеляющий;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Господь хранит вся кости праведных, и ни едина от них сокрушиться. Ныне дивно яви-шася нам мощи твоя, блаженне Андрее, яко

животворный источник благодати, омывающий скверную нечистоту душ наших. Благодать бо изливаеши всем, с молитвою к тебе

притекающим и поющим Богу: АЛЛИЛУИА.

Стеною необоримою явился еси граду Симбирску и стране нашей, крепкий заступник в бедах и скорбех многомятежнаго сего жития живущим. Тебе убо молим, блаженне Андрее, укроти гордость ума нашего и научи воспевати тебе сице со смирением:

Радуйся, прелести мира ни во что же вменивый;

Радуйся, Христу Богу всем житием послуживый;

Радуйся, блаженство вечное унаследовавый;

Радуйся, всякую гордость в себе уничиживый;

Радуйся, греховных ран скорое врачевание;

Радуйся, ставших на путь покаяния доброе поддержание;

Радуйся, страны нашея чудное радование;

РАДУЙСЯ, БЛАЖЕННЫЙ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Пение наше молебное приими, блаженне отче Андрее, се бо верою и любовию к тебе прибегаем, преклоняем пред смирением твоим колена жестоковыйных сердец наших, и прославляем прославльшаго тя Господа, молимся ти: умири волнующееся море жития нашего, укроти смущение человеческия, да зовем дивному во святых своих Богу нашему: АЛЛИЛУИА.

Новоявленную звезду, путеводящую нас по пути ко спасению, ныне возсиявшую на тверди церковней, видим тя, блаженне Андрее, и светом подвига твоего озаряеми, твердо веруем и уповаем на предстательство твое пред Господем за нас недостойных и зовем ти таковая:

Радуйся, сосуде Духа Святаго исполненный;

Радуйся, дарами его просвещенный;

Радуйся, кротости и смирения Христова вместилище;

Радуйся, младенческия чистоты и искренняго незлобия хранилище;

Радуйся, яко и по преставлении твоем в небесныя нас не оставляющий;

Радуйся, яко милосердие Божие о гресех наших умоляеши;

Радуйся, всем притекающим к тебе пред Богом предстателю;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

Благодать приял еси от Господа, блаженне Андрее, провидети духовныма очима всяк тайный грех и сокровенный недуг душевный в людех: подаждь убо и нам, грехми ослепленным, зрение темноты и недостоинства своего, да исцеление молитвами твоими, чистым сердцем и усты, радостно поем ангельскую песнь Богу: АЛЛИЛУИА.

Воспеваем твоя великия подвиги, блаженне Андрее, почитаем самоотвержение и юродство твое во Христе, ублажаем твою святую кончину, славим в немощнем теле мужество неизреченное и, в похвалу подвига земнаго жития твоего, вопием ти сицевая:

Радуйся, жестоким путем юродства райских селений достигший;

Радуйся, нищетою богатство вечное обретший;

Радуйся, уничижением познавый мир высочайший;

Радуйся, поношением от безумных, Христа ради, вечную славу с Ним стяжавший.

Радуйся, чистым сердцем любовь Христову познавший;

Радуйся, омраченных духом прелести и гордыни смирявший;

Радуйся, лед злобы нераскаянных сердец любовию твоею растопивший;

РАДУЙСЯ, БЛАЖЕННЕ ОТЧЕ АНДРЕЕ, ГРАДА СИМБИРСКА ЧУДНАЯ ПОХВАЛО И ЗАСТУПЛЕНИЕ.

О, преславный угодниче Христов, добрый тайновидче душ человеческих, святый блаженный отче Андрее, крепкое наше заступление пред милосердием Божиим! Приими от нас, грешных и недостойных, сие малое моление наше от любве тебе приносимое, и твоим предстательством умири наши бури житейския, укроти гордыню ума человеческаго, исправи наш стропотный путь греха и даруй нам дар покаяния совершеннаго, очисти от всякия нечистоты, да в купе с тобою вопием Спасителю нашему и Господу ангельскую песнь: АЛЛИЛУИА, АЛЛИЛУИА, АЛЛИЛУИА.

Ты измлада мир сей видимый и привременный ни во что вменил еси, и иго неизреченныя любви Христовой на себя подъял, с ним же

безропотно шествовал всем житием твоим, заповеди Спасителевы исполняя со тщанием и смирением. Темже тя Господь Славы прославил и сподобил зрети Свет Истины.

Мы же грешнии, потемненными и гордыми очами умов наших зрящие лишь земная и суетная века сего развращенного и погибельнаго,

преклоняя колена озлобленных сердец наших пред высотою подвига твоего, смиренно молим тя, блаженне Андрее: молитвами твоими свободи нас от порочных земных помыслов и страстей, укроти злобствования и гордыню в душах наших, недугующих душею и плотию исцели, скорбящим помози, грешных на путь спасения настави, буди заступником усердным во всем житии нашем, тя бо великого ходатая и молитвенника за нас, недостойных, Господь нам послал. Ей, дивный угодниче Божий, исходатайствуй молитвами твоими вся, яже ко спасению нам способствующая, град сей и страну нашу от всякаго искушения и озлобления помощию твоею сохрани, да предстательством твоим соблюдаеми, славим велие долготерпение Божие к нам недостойным всегда, ныне, и присно, и во веки веков.