Молитва богородице соловецкой

Чудотворные слова: молитва богородице соловецкой в полном описании из всех найденных нами источников.

Оглавление

1 Молитвы преподобным и богоносным отцам нашим Зосиме, Савватию и Герману, Соловецким Чудотворцам.
2 Акафист Пресвятой Богородице пред иконой «Хлебная»

Молитвы преподобным и богоносным отцам нашим Зосиме, Савватию и Герману, Соловецким Чудотворцам.

О Преподобнии и богоноснии отцы наши Зосимо, Савватие и Германе, земнии ангели и небеснии человецы, ближнии друзи Христовы и угодницы Божии, обители вашея славо и украшение, всея же северныя страны, паче и всего православнаго отечества нашего необоримая стено и великое заступление! Се мы, недостойнии и многогрешнии, с благоговейною любовию ко святым мощем вашим припадающе, духом сокрушенным и смиренным прилежно молим вас: молите непрестанно благосердаго Владыку и Господа нашего Иисуса Христа, яко дерзновение велие к Тому имущии, да не отступит от нас Его вседействующая благодать, покров же и заступление Пресвятыя Владычицы нашея Богородицы на месте сем да пребудет, и да не оскудеют никогдаже истиннии ревнители ангельскаго жития во святей обители сей, идеже вы, богоноснии отцы и начальницы, безмерными труды и пощеньми, токи же слезными и всенощными бдении, непрестанными молитвами и моленьми начало иноческому житию положисте. Ей, угодницы святии, молитвенницы к Богу благоприятнейшии, теплыми вашими к Нему мольбами оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла: да непрестанно на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущие Его. О преблаженнии отцы наши, Зосимо, Савватие и Германе! Услышите ны грешныя, во святей обители вашей и под кровом вашего защищения недостойно жительствующия, и благомощными вашими к Богу ходатайствы испросите душам нашым грехов оставление, жития исправление и вечных благ восприятие в Небеснем Царствии: всем же верующим, иже на всяком месте и во всякой нужде призывают вас в помощь и заступление, и иже с благоговейною любовию во обитель вашу притекают, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телесней пользе. Наипаче же молите премилосердаго Бога, да утвердит и укрепит Церковь Свою святую и все наше православное Отечество в мире и тишине, в любви и единомыслии, в правоверии и благочестии да сохранит и соблюдет во веки веков. Аминь.

Святым преподобным Зосиме и Савватию, Соловецким

О, преподобнии отцы, велицыи заступницы и скории услышателие молитв, угодницы Божии и чудотворцы Зосимо и Савватие!

Не забудите, яко обещастеся, посещати чада ваша. Аще бо и отыдосте от нас телом, но духом присно с нами пребываете. Молим убо вас, о преподобнии: избавите ны от огня и меча, от нашествия иноплемеников и междоусобныя брани, от тлетворных ветров и от внезапныя смерти и от всех прилог бесовских, находящих на ны.

Услышите нас грешных, и приимите молитву сию и моление наше, яко кадило благовонное, яко жертву благоугодную, и души наша, злыми делы и советы и помыслы умерщвленныя, оживите. И якоже умершую отроковицу возстависте, и неисцельныя раны многих исцелисте, и от духов нечистых зле мучимыя избависте, тако и нас, содержимых во узах вражиих, изъимите, и от сетей диавола избавите, из глубины прегрешений изведите, и милостивым вашим посещением и ходатайством от враг видимых и невидимых оградите ны, благодатию и силою Пресвятыя Троицы, всегда, ныне и присно и во веки веков. Аминь.

О, преподобнии и Богоноснии отцы наши Зосимо и Савватие, земнии ангели и небеснии человецы, ближнии друзи Христовы и угодницы Божии, слава и украшение вашея обители необоримая стена и великое заступление северныя страны, и всего православнаго отечества нашего. Мы, недостойнии и многогрешнии, с благоговейною любовию припадаем к честной иконе вашей и духом сокрушенным и смиренным прилежно молим вы: молите непрестанно благоутробнаго Владыку и Господа нашего Иисуса Христа, яко имущии к Нему дерзновение велие, да не отступит от нас Его вседействующая благодать, покров же и заступление Пресвятыя Владычицы нашея Богородицы от места сего, и да не оскудеют никогдаже истиннии ревнителие ангельскаго жития во святей обители сей, идеже вы, Богоноснии отцы и начальницы, безмерными труды и пощенми, токи слезными и всенощными бдении, непрестанными молитвами и моленми положисте начало иноческому житию.

Ей, угодницы святии, молитвенницы к Богу благоприятнейшии, теплыми вашими к Нему мольбами, оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла, да выну на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущии Его. О, преблаженнии отцы наш Зосимо и Савватие! Услышите ны грешныя, под кровом вашего защищения недостойно жительствующия, и благомощными вашими к Богу ходатайствы, испросите душам нашим грехов оставление, жития исправление и вечных благ восприятие в Небеснем Царствии; всем же верующим, иже на всяком месте и во всякой нужде призывают вас в помощь и заступление, и иже с благоговейною любовию притекают во обитель вашу, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телеснея пользе. Наипаче же молите Премилосердаго Бога, да утвердит и укрепит Церковь Свою Святую, и все наше православное отечество в мире и тишине, в любви и единомыслии, во правоверии и благочестии да сохранит и соблюдет во веки веков. Аминь.

Тропарь Зосиме, Савватию и Герману, Соловецким Чудотворцам.

ТРОПАРЬ ПРЕПОДОБНЫМ, ГЛАС 4

Постническое и равноангельское житие ваше, преподобнии отцы Зосимо и Савватие, вселенней познаны сотвори вас, чудодеянии различными, Богоноснии, просвещаете верою призывающия вы и чтущия честную память вашу.

ИН ТРОПАРЬ ПРЕПОДОБНЫМ, ГЛАС 8

Яко светильницы явистеся всесветлии, во отоце окиана моря, преподобнии отцы Зосимо и Савватие, вы бо, крест Христов на рамо вземше, усердно Тому последовасте и, чистотою Богови приближившеся, отонудуже силами чудес обогатистеся. Темже и мы любезно притекаем к ракам честных мощей ваших и умильно глаголем: о преподобнии, молите Христа Бога спастися душам нашим.

Христовою любовию уязвившеся, преподобнии, и Того крест на рамо вземше, понесли есте, Божественне вооружившеся на невидимыя враги, и, непрестанныя молитвы, яко копие в руках, имуще, крепко победили есте бесовския ополчения; благодать Господню приемше целити недуги душ и телес притекающих к ракам честных мощей ваших, чудес лучи испущаете всюду. Тем зовем вам: радуйтеся, преподобнии отцы Зосимо и Савватие, монахов удобрение.

Акафист Зосиме, Савватию и Герману, Соловецким Чудотворцам

Икона Преподобным Зосиме и Савватию, Соловецким чудотворцем

Акафист Пресвятой Богородице пред иконой «Хлебная»

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 21 сентября (08 сентября ст. ст.)

Взбранной Воеводе победительная, яко избавльшеся от злых, благодарственная, Воительнице всех побед и Спасительнице земли Русской, Подательнице Хлеба жизни вечной, припадаем к Тебе неключимии раби Твои, подаждь нам радость спасения, да зовем Ти: радуйся, Невесто Неневестная Мати Божия Благодатная, хлебом жизни нас питающая.

Вси Небеснии Силы славят Тя, Пречистая, скорую миру Заступницу, подательницу Хлеба спасения, явила бо образ Свой «Хлебенный», мы же со ангелами со умилением поем Ти:

Радуйся, всей вселенной Мати чад Своих возлюбившая.

Радуйся, Царице Горних сил небесную помощь нам подающая.

Радуйся, ангелам хранителям в чистоте сохраняти нас повелевающая.

Радуйся, Воеводе Всепобеждающая врагов наших поражающая.

Радуйся, питающая нас Словом жизни истинныя.

Радуйся, от напасти и всяких бед спасающая.

Радуйся, о прощении грехов Сына Своего умоляющая.

Радуйся, тем милосердие и покров всем простирающая.

Радуйся, Невесто Неневестная Мати Божия Благодатная, хлебом жизни нас питающая.

Видящи Святая Себе в чистоте, глаголет Гавриилу дерзостно: преславное твоего гласа, неудобоприятельно души Моей является: безсеменнаго бо зачатия рождество: Сын Твой и Господь наш, видя Твое, Владычице, к людям Русским милосердие, хлебом питающая алчущих, глаголет Ти: «Мати Моя вся прошения Твоя исполню, ибо Аз есмь Хлеб жизни вечныя». Мы же почитая явление в стране Беломорстей Хлебенной иконы, вопием Богу: Аллилуиа.

Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? Отец Небесный явил Тя людям своим Подательницу хлеба насущнаго, егда и радость воссылаем Ти, егда всехвальный блаженный Филипп обрел сей образ святый за печию. Он же, радуяся иконе Твоей, миру Божиему явленной, благоговейно лобызая ю, радостно Тебе возопил, обаче зовый сице:

Радуйся, Пречистая, небожителей всех честнейшая.

Радуйся, всех иноков Помоще первейшая.

Радуйся, обители Соловецстей радость возвестившая.

Радуйся, от пречудной иконы Твоея милость нам подающая.

Радуйся, иконе сей предрекшая именоваться «Запечною».

Радуйся, Мати щедрот и милосердия.

Радуйся, покровом Твоим нас осеняющая.

Радуйся, просящих хлеба насущного не отвращающая.

Радуйся, Невесто Неневестная Мати Божия Благодатная, хлебом жизни нас питающая.

Сила Вышняго осени тогда к зачатию Браконеискусную, и благоплодная Твоя ложесна, яко село показа сладкое, всем хотящи жати спасение, Силою благодати Своея осени инока Филиппа благочестиваго, егда узрети ему святую икону Твою в хлебне, Владычице, и объят величием знамения Твоего возвести братии Соловецтей о дивном обретении своем. Они же возвестиша о сем людем, непрестанно славя Господа, внегда пети сице: Аллилуиа.

Имущи Богоприятную Дева утробу, Пресвятая Дева, икона Твоя силу неземную питати хлебом небесным страждущих людей, слезно к Твоему милосердию взывающих, яви и нам щедроты Твои в хлебопомощи нуждающимся и поющим Ти сице:

Радуйся, Всемилостивая, блага всяческия нам изливающая.

Радуйся, в скудости прибывающим и нуждающихся в хлебе не оставляющая.

Радуйся, болящим и расслабленным силу, пищу и отраду подающая.

Радуйся, просящим Надеждой и скорбящим слезы Изсушающей бывающая.

Радуйся, бедствующим скорое в нуждах вспоможение.

Радуйся, нищих незримое посещение.

Радуйся, алчущих хлеба несъедаемаго насыщение.

Радуйся, подающая телу здравие и душе спасение.

Радуйся, Мати Божия Благодатная, хлебом жизни нас питающая.

Гласом архангельским Гавриила к Тебе, о Марие: «Радуйся, Благодатная, Господь с Тобой», — спасение миру возвещается, и падшии люди восставляются. Мы же неустанно славим Тя, о Пречистая, яко Ты еси радость Ангелов и человеков, от всех христианских родов почитаемая, и молимтися, чудотворному образу Твоему преклоняяся и Спасу мира взываем, сице: Аллилуиа.

Слышаша пастырие Ангелов, поющих плотское Христово пришествие, и текше, яко к Пастырю, видят Сего, и прославляя

Твое Матернее заступничество за землю юже уделом Своим назваша и слышавшим чудеса, от иконы Твоея дивно явленныя, за пределы Северного Помория благоволила еси, явити образ сей багодатный. Взирая же на лик Твой Святый, неумолчно вопием Ти:

Радуйся, Божественного Сына Мати Пречистая.

Радуйся, Попечительнице о душах наших Благословенная.

Радуйся, Мати и Дева Пресветлая, Хлеб жизни принесшая.

Радуйся, обо всем мире пред Богом Предстательнице неизменная.

Радуйся, яко хлебом насущным наша Питательнице известная.

Радуйся, гласа нашего скорое услышание.

Радуйся, в жизни нашей Заступнице Усердная.

Радуйся, Всеблагая, Господь с Тобою, и с Богом Ты нас примиряеши.

Радуйся, Невесто Неневестная Мати Божия Благодатная, хлебом жизни нас питающая.

Боготечную звезду узревше волсви, тоя последоваша зари: и яко светильник держащее ю, тою испытаху крепкаго Царя: и достигшее недостижимаго, возрадовавшася, яко Боготечной звезде, подобно: икона Твоя Святая явишася, яко новое знамение нам на последние времена. В годину испытаний с верою к чудному образу Твоему прибегали есте люди земли Русской, и неизменную помощь обретали есте. И нас осени в греховной тьме сущих, да вопием Богу, сице: Аллилуиа.

Видеша отроцы Халдейстии на руку Девичу Создавшаго рукама человеки, и Владыку разумевающе Его, аще и рабий прият зрак, тако и люд земли Русской, видящий Твоя теплая к Богу моления о всех просящих хлеба насущного и в многоразличных нуждах бедствующих, имже и струи милости источаеши, уповаем на Тя, непостыдную Ходатаицу пред Богом о спасении рода христианскаго, и ублажаем Тя, благословенная Питательнице наша, хвалящи Ти сице:

Радуйся, Благая Мати, с высоты небесной руку помощи в жатве спасения душ наших простирающая.

Радуйся, неимущим хлеб насущный скоро посылающая.

Радуйся, в годину лютую в вере укреплявшая.

Радуйся, в блокадном граде Петра иконой Твоей страдальцев спасавшая и покровом Своим укрывавшая.

Радуйся, любви покров над нами простирающая.

Радуйся, гнев Божий за беззакония наша отводящая.

Радуйся, пред иконой Твоей молящихся, от несчастий сохраняющая.

Радуйся, с молением теплым к Тебе обращающихся утешающая.

Радуйся, Невесто Неневестная Мати Божия Благодатная, хлебом жизни нас питающая.

Проповедницы Богоноснии бывшее волсви, возвратишася в Вавилон, скончавше Твое пророчество: и проповедавшее Тя Христа всем, оставиша Ирода яко буесловяща, тако народ земли Русской обратишася к Тебе Царице Небесной, о

Пресветлая, Проповедница Божественной благодати явившася в стране Поморстей и под Покров Свой прияла еси обитель Соловецкую. В нейже Хлебом Жизни освящаемии иноцы со святым игуменом Филиппом, подражатели подвигов первооснователей обители сия преподобных Зосимы, Савватия и Германа, обретали тихое и надежное пристанище ко спасению. Ныне же зря в Горняя, с сонмом велиим святых Соловецких, хвалящих и величающих Тя, мы, грешнии, пред иконой Твоей, благодарное пение приносим: Аллилуиа.

Возсиявый во Египте просвещение истины отгнал еси лжи тму: идоли бо его Спасе, не терпящее Твоея крепости, падоша: сих же избавльшиися вопияху к Богородице, люди земли Русской, яко новое чудо явила еси, Владычице, яко благоволила списати образ Твой «Хлебенный», и с честию великою принесена бысть во обитель Леушинскую, в ней же духовно наставляема святым праведным Иоанном Кронштадским старица игумения Таисия положила еси неусыпно пети акафист образу Похвалы Твоея, , и закрома не имели в хлебе оскудения. Мы же Заступницу усердно воспеваем:

Радуйся, к торжеству веры православной языки северныя страны приводящая.

Радуйся, пред иконой Твоей молящимися радость душевная обретается.

Радуйся, Русского Севера Заступнице и Соловецстей обители Покровительнице.

Радуйся, града святого Петра великая Хранительнице.

Радуйся, обители Леушинской теплое заступление.

Радуйся, чад Своих верных неоскудным хлебом питающая.

Радуйся, скорбь нашу на радость претворающая.

Радуйся, Невесто Неневестная Мати Божия Благодатная, хлебом жизни нас питающая.

Хотящу Симеону от нынешняго века преставитися прелестнаго, вдался еси яко младенец тому, но познался ему и Бог совершенный: тако и народ глаголет: Вемы, яко Ты еси Воистину Мати Пресветлая душам нашим, и от святой иконы Твоея обретают помощь скорую вси притекающие к ней с верою. Питающая же нас Словом жизни, Пресвятая Богородице, утоли наша печали, и томимых душевным гладом хлебом духовным нас возрасти, да выну благодарим и величаем Тя, поя Богу сице : Аллилуиа.

Новую показа тварь, явлься Зиждитель, нам от него бывшим, из безсеменныя прозяб утробы, и сохранинив ю, якоже бе нетленну, тако и нам много прегрешившим, новую милость даровала еси Царица Небесная Пресвятая Богородице Дева, явлением чудотворной иконы Твоея «Хлебенной». Воссияй и нам путеводною звездою, во мраке скорбных дней наших. Возвесели сердца наша, в уныние поверженные, тьмою отчаяния объятые. Умножи Веру нашу и согрей огнем пламенным ожесточенныя души наша, да зряще Тя на Небесех, молитвенно зовем Ти:

Радуйся, отчаявшихся прибежище.

Радуйся, скорбящих слышанием.

Радуйся, Православной веры утверждение.

Радуйся, безнадежных в томлении духа ободрение.

Радуйся, отрада наша и дивное о нас попечение.

Радуйся, в бедах и печалех теплая заступление.

Радуйся, веру в жизнь будущего века в нас пробуждающая.

Радуйся, заблудших на путь покаяния наставляющая.

Радуйся, Невесто Неневестная Мати Божия Благодатная, хлебом жизни нас питающая.

Странное рождество видевшее, устранимся мира, ум на небеса преложше: сего бо ради высокий Бог на земли явися смиренный человек, хотяй привлещи к высоте, такожде и Царица Небесная Пресвятая Богородице, памятуя о всех, Владычице, странниках и пришельцах, от лет древних припадавших ко святей иконе Твоей, ныне же отшедших в Горняя, буди им Ходатаице пред Богом вкушати блага Небесныя во Царствии Сына Твоего, яко Ты еси Единая по Бозе Упование и Прибежище всех к Тебе прибегающих. Умилосердись и о нас, грешных, погибающих, да умолиши Сына Твоего за нас, вопиющих Богу: Аллилуиа.

Весь бе в нижних, и вышних никакоже отступи неописанное Слово: снисхождение бо Божественное, не прехождение же местное бысть, и рождество от Царицы Небесной Пресвятой Богородицы Девы прият, такожде и мы недостойнии молимтися и все упование, Благодатная, на Тя возлагаем, научи нас хранить веру и безропотно переносить посылаемые нам Богом испытания, да будет над нами Святая воля Его. Тебя же, Преблагословенная Дева, Бога всех рождшая, умиленно прославляем:

Радуйся, Радосте наша, образом Твоим унылых, ободряющая.

Радуйся, во искушениях нас не оставляющая.

Радуйся, славящих Тя, от гибели избавляющая.

Радуйся, немирных примиряющая.

Радуйся, падающих скорое возстание.

Радуйся, бесчинных наказание.

Радуйся, отчаянных надеждо благонадежная.

Радуйся, от глада и жажды нас спасающая.

Радуйся, Невесто Неневестная Мати Божия Благодатная, хлебом жизни нас питающая.

Всякое естество Ангельское удивися великому Твоего вочеловечения делу: неприступнаго бо яко Бога, зряше всем приступнаго Человека, такожде и Тя Царицу Небесную Пресвятую Богородицу, всем чтущим и прославляющим Тя, являеши Матернее заступление, и яко Подательнице Хлеба спасения, буди и нам, просящим ныне Твоея помощи, Радостию и Утешением, да вопием Богу: Аллилуиа.

Ветии многовещанныя яко рыбы безгласныя видим о Тебе, Богородице: такожде и не можно воспети всех чудес Твоих Богомати велие множество, омофором бо милости всех покрываеши и земли Русской всякое изобилие плодов и благ даруеши, о здравствующих, и почивших моление Богу возносиши, мы же верни, поклоняемся Пречистому Твоему образу и с любовию вопием:

Радуйся, Царице Самодержавная, с нами присно пребывающая.

Радуйся, рождшая Спаса Христа, Егоже Хлебом нас спасающая.

Радуйся, Земли Благая, злаки хлебные нам взращающая.

Радуйся, Нива, росу благодати на поле жизни изливающая.

Радуйся, в Народе Русском образ Свой дивный явившая.

Радуйся, в смутное время все козни вражии попалившая.

Радуйся, почивших сродников наших и за гробом не оставляющая.

Радуйся, Владычице, к небесной славе нас призывающая.

Радуйся, Невесто Неневестная Мати Божия Благодатная, хлебом жизни нас питающая.

Спасти хотя мир, Иже всех Украситель, к сему самообетован прииде, и Пастырь сый яко Бог, нас ради явися по нам человек: подобным бо подобное призвав, такожде и Ты Царица Небесная Пресвятая Богородица, спасти хотя люди, неизреченное чудо обретения святой иконы Твоея, Владычице, возвестила всем землям и весям, погибающим руку спасения простирая. Мы же в славе Тя видящи благодарне Триединому Богу поем: Аллилуиа.

Стена еси девам, Богородице Дева, и прибежище, и покров спасения всем верным людям к Тебе прибегающим: ибо небесе и земли Творец устрои Тя, Пречистая, вселься во утробе Твоей, и вся приглашати Тебе научив: призри на ны, смиренно молящихся пред иконою Твоею «Хлебенною», и воспевающих Ти, Благодатная, сице:

Радуйся, грешных с Богом примирение.

Радуйся, старцев и юных утешение.

Радуйся, яко издревле в Соловецстей обители образ Твой почитается.

Радуйся, Благая Мати, благоволение всюду ниспосылаеши, идеже иконе Твоей поклоняются.

Радуйся, сердце, всех сердец чистейшее.

Радуйся, Сил Небесных Превысшая.

Радуйся, ищущих спасения милости превеликия подающая.

Радуйся, сынов противления грозно наказующая.

Радуйся, Невесто Неневестная Мати Божия Благодатная, хлебом жизни нас питающая.

Пение всякое побеждается, спростретися тщащееся ко множеству многих щедрот Твоих: равночисленная бо песка песни аще приносим Ти Царю Святый, ничтоже совершаем достойно, яже дал еси нам, тако и Тебе Царица Небесная Пресвятая Богородица Пренепорочная пение всеумиленное возсылаем, Пречистая Мати Дева, яко имущая милосердие неизреченное, насыти нас пищею нетленною Слова Божия и научи нас всегда исполняти Всеблагую Волю Господню, да сподоби Богови: и нас Царствия Небеснаго, идеже со всеми святыми воспоем Ему: Аллилуиа.

Светозарную свещу имущи Тя во все времена Земля Русская: яко Светом Сына Твоего озаряла скипетр и Державу Русских Царей. И ныне даруй нам, Царица Небесная Пресвятая Богородица Владычице, воскресение великаго Царства Православнаго, да Тобою утвержденныя возможем право стояти в Законе Господнем, да не преткнемся в ночи последних времен, но хранимы Тобою, с Самодерждцем русским, воспоем Богови:

Радуйся, Царица Небесная Пресвятая Богородица Усердная Заступница земли Русской и всего мира надежда и утешение.

Радуйся, Русскаго Царства победа и ограждение.

Радуйся, Боговенчанным Царям Русским великая Заступнице.

Радуйся, самим царем державнейшим Иоанном Грозным воспетая.

Радуйся, Державы Русской скипетр приемшая.

Радуйся, вознесенную гордыню врагов Отечества нашего смиряющая.

Радуйся, святителя Филиппа Московскаго столпом Православия явившая.

Радуйся, благочестивых святителей и пастырей сохранившая.

Радуйся, Невесто Неневестная Мати Божия Благодатная, хлебом жизни нас питающая.

Благодать дати восхотев, долгов древних, всех долгов решитель человеком прииде Собою ко отшедшым Того благодати: и раздрав рукописание, о Царице Небесной Матушке Усердной сказав: Слово Любви. Егда же скудное время приидет, не оставь народ сей верный, и просящий Тя, благодатию покрый нас, о Пресвятая Дева, от дивной иконы Твоея, она же явится залогом благоволения Твоего к нам, и скорбныя сердца наша исполнит радости, яко Ты еси Мати Пресветлая и Хлеб неоскудевающий, да зовем Богу: Аллилуиа.

Поющи Твое рождество, хвалим Тя вси, яко одушевленный храм , Богородице: во Твоей бо вселився утробе, содержай вся рукою Господь, освяти, прослави и научи вопити Тебе всех:

Поющи Твоя неизреченныя милости и чудеса, являемые нам недостойным, преклоняем колена пред чудною иконою Твоею, Богородице Приснодева, «Хлебенной», и молим Тя усердно мир и тишину и вся потребное в житии сем подаждь нам недостойным, в кончине живота же нашего благую часть наследовати помози нам, и на Страшном Судилище Бога нашего заступление и ходатайство не остави. Ныне же приими моление наше, на Тя уповающих, с умилением славословящих Тя сице:

Радуйся, Материнским Покровом Твоим житие наше добре устрояющая.

Радуйся, Благая Матерь, Твоим небесным заступлением от всяких бед и напастей нас сохраняющая.

Радуйся, о нас немощных непрестанно молящаяся, надежду спасения в нас вселяющая.

Радуйся, во времена тяжкие уповающих на Тя, Кормилице, верная.

Радуйся, праведный гнев Божий на милость прелагающая.

Радуйся, в час кончины к Тебе молящихся не оставляющая.

Радуйся, на мытарствах воздушных чтущих Тя верная Путеводительнице.

Радуйся, Скоропослушнице Державная, молений наших не отвергающая.

Радуйся, Невесто Неневестная Мати Божия Благодатная, хлебом жизни нас питающая.

О, всепетая Мати, рождшая всех святых Святейшее Слово! Нынешнее приемши приношение, Царица Небесная Пресвятая Богородице Хлебом Жизни вечныя нас питающая! Ты еси Спасителя душ наших Мати Пречистая, елеем милости исполненная и Тебе, благой Заступнице нашей, со умилением вопием: приими сие малое наше моление, пред иконою Твоею чудотворною с верою возносимое о ниспослании нам хлеба спасения, от глада духовного оскудевшие души наша питающаго, помощь отчаянным и избавление от неверия. Буди нам Путеводительницей Пресветлой к жизни вечной, да Богу нашему верно воззовем: Аллилуиа.

Этот кондак читается трижды, затем 1-й икос и 1-й кондак.

Молитва первая

О, Всепетая, Мати, Хлебом жизни нас питающая! Приими молебное пение сие от нас неключимых рабов Божиих Тебе возносимое, и предстоя Образу Твоему дивящися величию чудес Твоих, показавшия от лет древних, и доныне струи милости источаеши, в хлебе насущном, Благодатная, всем Помощнице являешися, яви и нам Твое пречудное заступление. Прибегая к святой иконе Твоей «Хлебенной», не возгнушайся нас, грешных, но яко Милосердная Мати, пошли нам брашно и пищу во благо время, алчущую же душу напитай, и насыти сердца наша небесною сладостию, и умолена буди о всех призывающих Тя. Благослови всякий дом и люди Твоя, всякое житие доброе устрояти, и в хлебном довольстве соблюди в домах наших; да не тщетно взываем ко Господу: «Хлеб наш насущный даждь нам днесь». О, Прещедрая милости Мати Бога Слова Рождшая! Коль многое множества милости Твоея изливаеши на нас, грешных, и милость сугубо нам подающая в скорбех наших, и егда година трудная найдет на нас, и в скудости и нищете нашей пребудем еси, иже чаем получити от Тебе утешение благодатное и вспоможение, да не погибнет живот наш, иже рабы Божии, в скудости сущия, да всякое довольство от Тебя бо вси приемлем, Твоя бо рабы спасаеши присно от всяких лютых. О. Боголюбивая Мати наша, устрояющая и направляющая ко спасению земную жизнь нашу, вонми молению и прошению нашему; да не тщетна будет молитва наша, мы же сокрушаясь о гресех своих, в нищете нашей, сотвори и помози, Владичице, да в жизни сей любоохотно питаяся и слезным хлебом истиннаго о гресех раскаяния, насытимся некогда и Хлебом Животным, благословенным и святейшим Плодом чрева Твоего во веки веков. Вручая бо себе Твоему покрову и спасительному промышлению о нас, да не оскудеет хвала Твоя, от уст наших, ниже вера и любовь к Тебе, всегда разумети благоугодное Тебе творити и нам спасительною, и очи наша уповают на Тя, Госпоже Богородице, да непрестанно песнословим Ти: Радуйся, Благодатная, радуйся Обрадованная; радуйся Преблагословенная; радуйся Препрославленная во веки; и испроси у возлюбленнаго Сына Твоего, Спасителя нашего, милость нам, грешным, от Него же все приемлем, Егоже Хлебом спасающая души наша. Аминь.

Молитва вторая

Царица Небесная Пресвятая Богородица Пренепорочная Дева Мария Мати Господа Бога и Спаса нашего Иисуса Христа. Слезно молимтися к Тебе Заступнице Усердной не остави нас недостойных рабов Божиих милостию и покровом Своим, яко избраша землю Русскую уделом Своим. Матушка Небесная просим не остави нас по любви Своей Матерней и яви хлеб невещественный, яко явила Сына Божия в мир сей ради Спасения человеков всех, не остави нас яко и в глады и моры. Не оставляла без покрова народ Верный Триединому Богу Отцу, Сыну, и Духу Святому Животворящему. И избави народ весь от нашествия темных сил яко и в осажденных градах и весях избавляла и спасала по молитвам Пред Пречистым Образом Твоим много явила милости. Слезно молимтися услыши нас яко при осаде обители Соловецкой и в глад не оставила подвизающихся и народ по молитве святителя Филиппа без Материнского Своего заступления и милости, яко в граде Севастополе осажденном являла хлеб небесный, яко в осажденном граде Петровом являла много милости и помощи Своей Материнской Ко всем прибегающим в молитвах своих пред Пречистым образом Твоим «Хлебенным» в годы правления безбожных властей. Не попусти супостатам и в дни сии истребить народ Верный Пресвятой Единосущной и Нераздельной Троице и умоли Сына Своего и Бога нашего Иисуса Христа помиловать всех Православных предстоящих пред Пречистым образом Твоим. По любви Своей Материнской не остави нас грешных Не оставляв и Святителя Филиппа иже обрет за пещию образ Твой Святый. Молимтися услыши нас рабов Сына Твоего и Господа Бога и Спаса нашего Иисуса Христа и укрой покровом Своим удел Свой земной и весь народ Веры Православной. Притекающий к пречестному образу твоему «Хлебенней» В дни сии егда и власть имущи небрегут о народе сем от которого избраны на правление. Услыши ны и не остави нас без императора помазанника Божия яко избраша на правление в земле Российской.

Молитва третья

К Подательнице Хлеба спасения и к иконе Твоей «Хлебенной» ныне припадем с Верою зовущие из глубины души: О, Мати Божия, Хлебом жизни питающая нас, днесь же прославляем милость Твою, трапеза наша Пресвятая молим Тя; егда скудное время приидет и глад найдет на землю нашу, не отврати Твоя рабы тщы, яви залог Благоволения Твоего на ны милосердовавши и скорбных чад Твоих напитай и утеши, и спаси землю Русскую Тя бо и едину надежду имамы.

Чудотворная икона Богородицы “Хлебная” связана с Соловецким монастырем и именем Московского митрополита Филиппа, тогда еще простого инока. В тридцатилетнем возрасте будущий святитель Руси удалился в монастырь и стал послушником. По прошествии некоторого времени он был пострижен в монахи и отправлен нести послушание в монастырскую пекарню. Трудиться в пекарне было очень тяжело, поскольку в ней ежедневно изготавливались просфоры и большое количество хлеба для братии и для паломников. Однако Филипп нес свое послушание без ропота. За его кротость Матерь Божья чудесным образом даровала будущему митрополиту свою икону. Филипп поставил ее в пекарне и всегда молился перед ней, прося благословение на работу. Со временем братия монастыря стала именовать эту икону “Хлебной”, а также “Запечной”. Через несколько лет Филипп стал настоятелем обители, а еще через 18 лет царь Иван Грозный назначил его московским митрополитом. Московский митрополит Филипп в 1569 году принял мученическую кончину, а Хлебная икона Богородицы прославилась далеко за пределы Соловецкого монастыря.