Молитва ко святой евгении

Молитва ко святой евгении

Январь 5th 2011 –

Молитва святой преподобномученице Евгении Римской, преславной покровительнице нашей

Девственниц похвало и мучениц славо, Евгение преподобная! К тебе во умилении сердец припадаем и заступления твоего у Господа просим! Ты бо, преподобномученице преславная, велие дерзновение ко Владыце всех стяжала еси, яко прославившая Его в чистой душе твоей и телеси твоем страдальчестем, зане, вся прельщения врага и прещения мучителя презревши, вся терпящи, вопияла еси: «Христос есть богатство мое и похвала!» Темже от того богатства и нашей нищете духовная подаждь дарования и от безмерных прегрешений нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу и твое теплое предстательство во веки веков. Аминь.

Агница Твоя, Иисусе, Евгения зовет велиим гласом: Тебе Женише, мой, люблю и Тебе ищущи страдальчествую и сраспинаюся и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Благородия нравом тя честноподобне украсив обоживый Господь, в рабии зраце от Девы нам соединися, Иже тя в лик дев свещеносиц вчини и с мученики сочета, Евгение, яко воистину благородия Божественныя славы венец улучи.

Акафист Святому мученику воину Евгению Родионову

Мы, же, дивящися таковому о тебе Божию смотрению, во умиление сердец зовим ти:

Радуйся, Христа ради на земли пострадавый!

Радуйся, с Ним на небесех воцаривыйся!

Радуйся, светлое звездо Российския земли!

Радуйся, Отечество земны молитвами твоими не оставляй!

Радуйся, заступниче скорый тя призывающих!

Радуйся, предстателю крепкий на тя уповающих!

Радуйся, целомудренных усердный охранителю!

Радуйся, в скорбех наших присный утешителю!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, Духом Святым просвещенный!

Радуйся, соблазнами мира сего не прельщенный!

Радуйся, жизнь за Христа отдавый!

Радуйся, страданиями Его подражавый!

Радуйся, очи твоя к Богу обративый!

Радуйся, волю твою в добродетели утвердивый!

Радуйся, змия лукавого посрамивый!

Радуйся, лик святых возвеселивый!

Радуйся, святый и преславный мучениче Евгение, скорый помощниче и молитвениче о душах наших!

Радуйся, в единем Христе утешение полагаяй!

Радуйся, во старданиях призывати Бога научаяй!

Радуйся, чада наша от соблазнов мира соблюдаяй!

Радуйся, оных в целомудрие и чистоте укрепляй!

Радуйся, за грешных Бога умилостивляющий!

Радуйся, блазих в добре утверждающий!

Радуйся, мятущихся помыслов умирителю!

Радуйся, вражиих советов преславный разорителю!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, воине Христов непобедимый!

Радуйся, в терпении твердейший адаманте невредимый!

Радуйся, яко от неблагомысленных наветы претепел еси!

Радуйся, яко от яростных поношения приял еси!

Радуйся, сердец смятенных умирителю!

Радуйся, от озлобления на нас враждующих охранителю!

Радуйся, яко от неверия избавляеши!

Радуйся, яко от малодушия исцеляеши!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, кровию твоею торжество веры истинныя утвердивый!

Радуйся, яко Сам Господь свыше презре на страдания твоя!

Радуйся, паче мужей сильных крепчайший явившийся!

Радуйся, заточение темничное Христа ради претерпевый!

Радуйся, всемощную силу благодати познавый!

Радуйся, на подвиг мученичества свыше укрепленный!

Радуйся, огнем земным Христа ради опаленный!

Радуйся, Божественным огнем сердца наша возжигающий!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, триех воинов светом Христовым просветивый!

Радуйся, во страдания оных надеждою укрепивый!

Радуйся, купно с ними в Чертоги Отчии востекший!

Радуйся, купно с ними венец нетленный обретший!

Радуйся, яко заблуждающихся на путь истины наставляеши!

Радуйся, яко всех нас к покаянию ныне призываеши!

Радуйся, яко паче лучей солнечных благодатию просиял еси!

Радуйся, яко светом невещественным души наша просвещаеши!

Радуйся, святый и преславный мучениче Евгение, скорый помощниче и молитвениче о душах наших!

Радуйся, злобы мучителей твоих не устрашивыйся!

Радуйся, муки нестерпимыя победно претерпевый!

Радуйся, язвы Господа на теле твоем носивый!

Радуйся, терпение крепкое во страданиях явивый!

Радуйся, от веры Православныя не отступивый!

Радуйся, страстем Христовым мужественно подражавый!

Радуйся, веру, надежду и любовь до конца сохранивый!

Радуйся, подвигами твоими верных христиан возвеселивый!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, смерти телесныя не устрашивыйся!

Радуйся, до смерти верен Господу пребывый!

Радуйся, за веру и отечество живот свой положивый!

Радуйся, ум и сердце посреди мучения ко Господу устремивый!

Радуйся, радостно за главу Церкви Христа главу свою под меч приклонивый!

Радуйся, венец славы из рук Господа приявший!

Радуйся, бды и печали от любящих тя отгоняющий!

Радуйся, всем призывающим тя, скорую помощь подавающий!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, яко и по преставлении твоем с нами пребываеши!

Радуйся, яко в селениях небесных почивая, нас не оставляеши!

Радуйся, венцем нетленным украшенный на небеси!

Радуйся, всечестно почитаемый на земли!

Радуйся, неверных светом веры просвещаяй!

Радуйся, чад Церкви Христовой в вере утверждаяй!

Радуйся, о спасении нашем Спасителя умоляяй!

Радуйся, милость Богородицы к нам преклоняяй!

Радуйся, святый и преславный мучениче Евгение, скорый помощниче и молитвенниче о душах наших!

Радуйся, Святыя Православныя Церкви украшения!

Радуйся, о чадах ея теплое моление!

Радуйся, чаше, елей милости Божия к нам содержащая!

Радуйся, горо, тучи гнева Господня от нас отводящая!

Радуйся, печальниче болящим и безпомощным!

Радуйся, заступниче убогим и обидимым!

Радуйся, яко помраченных просвещаеши!

Радуйся, яко просвещенных утверждаеши!

Радуйся, святый и преславный мучениче Евгение, скорый помощниче и молитвенниче о душах наших!

Радуйтеся, яко орли, к Солнцу Правды воспаривши!

Радуйтеся, к Свету Невечернему из юдоли плача востекшии!

Радуйтеся, Царствия небесного наследници!

Радуйтеся, вечныя славы сопричасници!

Радуйтеся, теплотою Божественныя любве души наша согревающии!

Радуйтеся, в скорбях и болезнех терпению Христову нас научающии!

Радуйтеся, от сетей вражиих верныя избавляющии!

Радуйтеся, ходити в заповедях Божиих на наставляющии!

Радуйтеся, святый и преславный мучениче Евгение, скорый помощниче и молитвенниче о душах наших!

Радуйся, выну уповати на Творца нас наставляющий!

Радуйся, к покаянию всех нас призывающий!

Радуйся, омраченныя умы наша просветляющий!

Радуйся, окаменелые сердца наша оживляющий!

Радуйся, скорби наша в радость претворяющий!

Радуйся, светом надежды нас озаряющий!

Радуйся, чтущих тя пред Богом поминающий!

Радуйся, о праславляющих тя, Господа умоляющий!

Радуйся, святый и преславный мучениче Евгение, скорый помощниче и молитвениче о душах наших!

Христова, Евангелия святаго проповедника, Русския страны богодухновеннаго просветителя Андрея преславнаго, песньми восхвалим, стояще.

Перевод с португальского А. В. Эмин Посвящается А. М., воину света, и Мауро Саллешу

Цель возведения памятника святому преподобному Трифону Вятскому – восславить его великий духовный подвиг и подвиг строителя во имя.

В соответствии с законом 143350-6 с 2013 года подняты платежи в пф для индивидуальных предпринимателей более, чем в 2 раза

Дано Святому Преподобному Сергию трижды спасти Землю Русскую. Первый раз при князе Дмитрии, второй раз при Минине. Третий следует.

Эта книга с любовью посвящается нашему драгоцен­ному Святому Духу, Который каждый день делает реаль­ной исцеляющую силу Господа Иисуса.

Первозваннаго Апостола Христова, Евангелия святаго проповедника, Русския страны богодухновеннаго просветителя, Андрея преславнаго.

Свободны ли вы от вашего буржуазного издателя, господин писатель’ от вашей буржуазной публики которая требует от вас порнографии.

Божией Матери и Царице, скоропослушливо внемлющей молитвам смиренным, и токи целебныя изливающей верным от иконы Своея святыя, благодарственное.

Молитва ко святой евгении

НОВАЯ ИНФОРМАЦИЯ

В Новогоднюю ночь (с 31 декабря на 1 января) в Свято-Духовском кафедральном соборе Херсона будет совершаться ночная литургия и Новогодний молебен. Начало Богослужения в 23.00

В Рождественскую ночь (с 6 на 7 января) в Свято-Духовском кафедральном соборе Херсона будет совершаться праздничная Божественная литургия, которую возглавит митрополит Херсонский и Таврический Иоанн. Начало Богослужения в 23.00

19 января, в праздник Крещения Господня, состоится Крестный ход от Свято-Духовского кафедрального собора Херсона к Георгиевскому храму (на берегу Днепра возле гостиницы «Фрегат»). Начало Крестного хода – 10.30. Освящение воды на Днепре – 11.00

Акафист святой преподобномученице ЕВГЕНИИ

Агница Твоя, Иисусе, Евгения зовет велиим гласом: Тебе Женише, мой, люблю и Тебе ищущи страдальчествую и сраспинаюся и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Благородия нравом тя честноподобне украсив обоживый Господь, в рабии зраце от Девы нам соединися, Иже тя в лик дев свещеносиц вчини и с мученики сочета, Евгение, яко воистину благородия Божественныя славы венец улучи.

Избранная добродетелей подвижнице, учения Христова проповеднице Евгение, похвальная восписуем ти по достоянию. Ты же, яко имущая дерзновение ко Господу, от всяких бед и напастей свободи и наследниками Царствия Небеснаго соделай нас, да зовем ти: Радуйся, святая преподобномученице Евгение, монашествующих украшение.

Ангелом уподобилася житием твоим, святая преподобномученице: от младых бо лет чистоту души и тела соблюла еси, Христу любовию усердно последовала еси и достигла еси совершенства духовнаго. Сего ради слышиши от нас сия достодолжныя похвалы:

Радуйся, от юности Богом предизбранная.

Радуйся, благоволением Сына Божия от нечестия земнаго Рима, ко благочестию горняго Иерусалима призванная.

Радуйся, родителей твоих дщерь благородная и града Александрии прозябение.

Радуйся, пламенную любовь ко Христу явившая.

Радуйся, Его ради самоотвержение чудное показавшая.

Радуйся, богатство мира сего возненавидевшая.

Радуйся, мужески его радости отвергшая.

Радуйся, нищетою духовною и верою обогатившаяся.

Радуйся, чистоту девственную Христа ради непорочно сохранившая.

Радуйся, Жениху Нетленному девство твое обручившая.

Радуйся, иноческое житие возлюбившая.

Видящи непостоянство красот мира сего, тлению причастных, благородная дево Евгение, возлюбила еси блага нетленныя, вечныя, Христом обетованныя, ихже постигнути всем сердцем возжелала еси. Того ради умыслила еси просити родители твоя отпустити тя во едину от весей их, прохлады ради и шествуя на колеснице со евнухи и рабы, егда услышала иноков, поющих: «Вси бози язык бесове. Господь же небеса сотвори», – высокому благородию вперилася еси, дом, родителей и богатство оставити потщалася еси, да Христу угодна будеши и возможеши невозбранно пети Ему: Аллилуиа.

Разумом совершенным познала еси истиннаго Бога и Его ради еллинскую мудрость отвергла еси, к подвигом иноческаго жития рачение имеющи, немощь естества женскаго отложила еси: возвращающуюся бо колесницу ко граду своему, в дом отеческий, оставила еси, власы главы своея постригши и в мужеское одеяние облекшися, вкупе со евнухами своими во обитель притекла еси, идеже Божиим Промыслом святителя Еллия узрети сподобилася еси. Сего ради ублажаем тя сице:

Радуйся, земле благая, приявшая семя небеснаго учения.

Радуйся, свыше удостоившаяся Божественнаго просвещения.

Радуйся, произрастившая клас живыя веры.

Радуйся, мирскаго треволнения избежавшая.

Радуйся, звездо, возсиявшая во тьме языческаго нечестия.

Радуйся, град отечествия твоего оставившая, да Вышняго Града наследие обрящеши.

Радуйся, богатство земное нивочтоже вменившая.

Радуйся, нищету самоизвольную себе избравшая.

Радуйся, послания апостольския добре уразумевшая.

Радуйся, чрез них Господа познавшая.

Радуйся, служити Ему во иночестве изволившая.

Радуйся, яко уневестила еси душу твою Жениху Христу.

Радуйся, святая преподобномученице Евгение, монашествующих украшение.

Силу Христа Спасителя, влекущую к Нему, уразумела еси, святая дево Евгение, душею и телом сему влечению последовала еси, и яко Ангел, на крилех добродетелей к Нему воспарила еси, непрестанно воспевая Богу: Аллилуиа.

Имела еси душу, мужеством о Христе преисполненную, Евгение богомудрая: Бога точию боящися, не устрашилася еси тяготы жития иноческаго. Кров же оставльши отчий, Господа молила еси, всехвальная, да скорбь родителей, твоим отшествием учиненная, на радость преложится, да ты Христу послужиши и за рождших тя молишися. Темже тя хвалим достойно:

Радуйся, всем сердцем Спаса Христа возлюбившая.

Радуйся, стезею святых тещи восхотевшая.

Радуйся, суету мира сего познавшая.

Радуйся, истины и правды искавшая.

Радуйся, яко к Вышнему течение твое исправила еси.

Радуйся, яко дом и родители твоя Господа ради оставила еси.

Радуйся, нищету возлюбившая.

Радуйся, спасение души обретшая.

Радуйся, земная презревшая, о небесных помышлявшая.

Радуйся, девственнице чистая.

Радуйся, путь иноческаго жития избравшая.

Радуйся, чину иноческому добрый путь предпоказавшая.

Радуйся, святая преподобномученице Евгение, монашествующих украшение.

Буря недоумений смущаше тя, святая дево Евгение, еще некрещенной ти сущей, еже како бы получити знамения христианския веры. Бог же тайным Своим Промыслом приведе тя во обитель иночествующих, да ту возродишися водою и Духом, и в чистоте сердца, посреде лика иноческаго воспоеши Христу: Аллилуиа.

Слышала еси, мудрая дево Евгение, яже Апостол рече: «глаголю безбрачным и вдовицам, добро им есть, аще пребудут, якоже аз: не оженивыйся бо печется, како угодити Господеви!» – сему поревновала еси. Темже со слезами о сем Господа молила еси. Господь же о тебе и сущих с тобою откры святителю Еллию, пришедшему во обитель, и той вы призвав, вопроси тя о именах, роде и отечестве вашем. И ответившей ти: «Нам, о божественная главо, род и отечество есть Рим прекрасный, братия есмы по плоти: имя же первому Прот, другому – Иакинф, аз же Евгением нарицаюся». Исполненный дара прозорливости, святитель глагола: «Вправду Евгением, нарицаешися, о Евгение, образ женск и имя изменив, любве ради Божественныя: блаженни есте таковаго ради дружества и соединения со Христом!» Таже во имя Пресвятыя Троицы крести вы и во ангельский образ облече. Мы же восхваляем, тя сице:

Радуйся, святым крещением во обители просвещенная.

Радуйся, во святом крещении дарами Святаго Духа исполненная.

Радуйся, яко вольным твоим разумом ко Господу приступила еси.

Радуйся, яко от руки святителя образ иноческий, аще и юна сущи, прияти сподобилася еси.

Радуйся, в нем житие добродетельное старческое показавшая.

Радуйся, иго благое Господне на рамо твое вземшая.

Радуйся, яко усердно последовала еси стопам Христовым.

Радуйся, яко на вся подвиги иноческия уготовала еси душу твою.

Радуйся, в трудех и подвизех рано Господеви послужившая.

Радуйся, образ совершенства явившая.

Радуйся, сообразно монашескому званию жившая.

Радуйся, святая преподобномученице Евгение, монашествующих украшение.

Боготечней звезде уподобилася еси, преподобная дево Евгение, мир и вся, яже в нем оставила еси, мужескою одеждою и именем прикровенна, в веси, идеже отец твой епарх бысть, в обители неведома добре подвизалася еси, непрестанно воспевая Богу: Аллилуиа.

Видевше братия, сподвижницы твоя, преподобная Евгение, твое мужемудренное и богоугодное житие, всех сущих в монастыре постников несравненно превосходящее, по триех летех жития твоего во иночестве, единодушно моляху тя прияти начальство. Ты же, ово боящися, да не противу закона, жена сущи, мужами обладати будет, ово же стыдящися толиких честных лиц моление отринути, повелела еси принесену быти святому Евангелию, и егда прочтоша: «Иже кто хощет в вас вящий быти, да будет вам слуга!» – со смирением повинулася еси Христову повелению и со многим усердием для братии служила еси, понуждая всех вопити тебе:

Радуйся, образе жизни духовныя.

Радуйся, естество женское Христа ради превозшедшая.

Радуйся, мужески в иноческом звании подвизавшаяся.

Радуйся, ум твой и сердце в Бозе молитвенно утвердившая.

Радуйся, яко непрестанным бдением безплотным поревновала еси.

Радуйся, подвигами твоими всех превозшедшая.

Радуйся, усердная и верная воли Христовы исполнительнице.

Радуйся, начальство, яко ярем, любве ради Христовы приявшая.

Радуйся, премудрая, монахов в подвизех наставлявшая.

Радуйся, добрая о братии попечительнице.

Радуйся, благочиния монастырскаго мудрая устроительнице.

Радуйся, святая преподобномученице Евгение, монашествующих украшение.

Проповедница и исполнительница Евангельских словес, еже не скрывати себе сокровищ на земли, явилася еси, преподобная Евгение: сего ради и братию твою наставляла еси, еже единаго Господа искати во вся дни жизни своея, всем сердцем Тому прилеплятися и непрестанно пети Ему: Аллилуиа.

Возсия паче солнца богоугодное житие твое, всехвальная Евгение, и якоже звезды небесныя озариша добродетели твоя обитель и окресности ея: мнози бо наставления и исцеления болезнем от тебе приимаху. От нихже и жена некая, именем Меланфия, богата имением, нища же добрыми делы, призва тя в дом свой, мнимаго ради недуга своего, и видя тя образом юна и лицем красива, не ведущи в мужестем образе и имени таящагося естества женскаго, любодейственными словесы нача прельщати тя, ко греху влекущи, вся своя богатства и саму себе в руце твои вручающи. Ты же, целомудренная Евгение, о безстудии таковом стыдящеся, рекла еси: «Наше богатство есть, еже со Христом убожествовати. О, чистото блаженная, не продадим тя за тленная богатства! О Мати Божия и Дево, не изменю моих обетов! Един нам брак – желание Христово!» Сим посрамила еси безстудную жену, победив злокозненнаго врага. За таковую ревность чистоты жития иноческаго приими похвалы сия:

Радуйся, ангельское житие явившая.

Радуйся, страсти греховныя уставившая.

Радуйся, немощных целительнице.

Радуйся, целомудрия хранительнице.

Радуйся, образе истиннаго смирения.

Радуйся, зерцало совершеннаго терпения.

Радуйся, приводящая грешных ко исправлению.

Радуйся, крилами богомыслия сети вражия сокрушившая.

Радуйся, мужественным терпением твоим страстей мглу потребившая.

Радуйся, в подвизех дневных и нощных течение жития совершившая.

Радуйся, ризу убелившая девства чистотою.

Радуйся, превозвышенная добровольною нищетою.

Радуйся, святая преподобномученице Евгение, монашествующих украшение.

Хотящи верна быти до конца Иисусу Христу, Сладчайшему Жениху своему, вземшему грехи всего мира, велию кротость, незлобие и смирение явила еси, целомудренная Евгение, егда безстудная Меланфия, исполнившися гнева, оклевета тя епарху в любодействе с нею. Во свидетельство рабыни своя представи, и тии ко лжи ложь прилагаху, да угодни будут госпоже своей. Ты же наносимая тебе поношения, укоризны и клевету радостно терпела еси, ведуще, яко теми подобает внити в Царствие Небесное, идеже со Ангелы вопиеши Богу: Аллилуиа.

Дивное показала еси мужество и терпение, преподобная Евгение, егда повелением епарха, отца твоего, емшаго веру ложным словесем безстудныя жены, тебе ради все стадо иночествующих в темнице заключено бысть. Тебе осудиша на смерть предати, иных огнем сожещи, других на снедение зверем дати, иных на древе повесити, прочих различными погубити смертьми. То слышавши, горце душею твоею страдала еси и вся разженныя еже на тя стрелы лукаваго молитвою и терпением угасити потщалася еси. Мы же, мужеству твоему дивящеся вопием ти:

Радуйся, Небеснаго Отечества пламенне возжелавшая.

Радуйся, возлюбившая Иисусову сладость.

Радуйся, чрез земную темницу в небесный чертог светло вшедшая.

Радуйся, в ней терпением брачную себе одежду исткавшая.

Радуйся, яко тобою от многих ран грешнии исцеляются.

Радуйся, яко тобою от всех болезней с верою тя призывающии уздравляются.

Радуйся, уз греховных скорая решительнице.

Радуйся, язв многоболезненных добрая целительнице.

Радуйся, твердейшая адаманта в терпении невредимом.

Радуйся, крепчайшая каменнаго столпа в мужестве непоколебимом.

Радуйся, яко со Христом, Его ради, на земли страдала еси.

Радуйся, яко с Ним и о Нем на небеси прославляешися.

Радуйся, святая преподобномученице Евгение, монашествующих украшение.

Странное и страшное бе видение, егда собравшуся множеству народа, прииде епарх Филипп с сынома своима и, седши на обычном судищном месте, нача судити тя, блаженная Евгение, со евнухи твоими и прочими иноками, никакоже яже о тебе тайны ведущи. И бысть от народа вопль: да погублени будите, яко беззаконницы. Повеле же епарх тебе, яко начальника, ближе привести на испытание и вся орудия мучительская предложити, не ведуще тайны, ни еже пети Богу: Аллилуиа.

Вся облеклася еси во оружия Божия, преподобная дево Евгение, темже возмогла еси всю силу диаволю низложити: стояла бо еси на судищи пред отцем твоим и братиею неповинна сущи во одежди мужеской иночестей, лице долу преклоненно имущи, да не познана от них будеши, и грозное прещение на смерть слышала еси. Ты же, да не торжествует беззаконие над неповинностию и нечестие языческое христианскому благочестивому и целомудренному иноческому житию да не ругается, исповедала еси, яко толика есть сила имени Христова, яко и жены, в божественном Его страсе живущия, мужескаго достоинства сподобляются. Того ради слышиши от нас похвалы сия:

Радуйся, прелести мира возненавидевшая и единаго Бога возлюбившая.

Радуйся, учительнице смирения и целомудрия.

Радуйся, яко терпением твоим ангельския чины достигла еси.

Радуйся, яко их житию непорочно поревновала еси.

Радуйся, яко уневестила еси душу свою Жениху Христу.

Радуйся, смирением возвышаема, в вечныя кровы возлетевшая.

Радуйся, не устрашившаяся временных мучений.

Радуйся, научающая и нас не боятися человеческих прещений.

Радуйся, о славе имене Христова ревновавшая.

Радуйся, пламенную любовь ко Господу показавшая.

Радуйся, прошения твоя со слезами теплыми Господеви приносившая.

Радуйся, иноческое житие на высоту вознесшая.

Радуйся, святая преподобномученице Евгение, монашествующих украшение.

Все естество Ангельское велиею возрадовася радостию, узревши мужественную крепость твою, преподобная Евгение, и удивишася, како жена сущи, в мужестем образе среди лика иноков подвизаешися, и неповинне наносимую клевету терпяще, за вся благодарне Богу поеши: Аллилуиа.

Витии многовещаннии недоумеют достойно восхвалити тя, преподобная дево, паче бо естества человеческаго подвизалася еси в чине иночестем и любве ради его открытися на суде изволила еси: раздрав свыше одежду, показала еси себе быти женска пола и, обращся к епарху, рекла: «Ты мне отец по плоти, Клавдия же матерь моя, а с тобою седящии Авит и Сергий братия ми суть, аз же Евгения, дщерь твоя, яже любве ради Христовы, мира и всех его сластей отвергохся!» Мы же, любовию подвизаеми, со слезами вопием тебе сице:

Радуйся, ревнительнице славы имене Божия.

Радуйся, любительнице уставов жития иноческаго.

Радуйся, ревностная их исполнительнице.

Радуйся, яко плоть твою духови покорила еси.

Радуйся, яко во бденных молитвах неослабно пребыла еси.

Радуйся, яко умерщвлением плоти безстрастие стяжала еси.

Радуйся, всякое наслаждение земное возненавидевшая.

Радуйся, тесным и прискорбным путем ходившая.

Радуйся, яко язвы Господа Иисуса Христа на теле носила еси.

Радуйся, яко силою креста Господня демонския козни сокрушила еси.

Радуйся, вышних присно искавшая.

Радуйся, мысленным оком к Невечернему Свету Христу непрестанно взиравшая.

Радуйся, святая преподобномученице Евгение, монашествующих украшение.

Спасти хотя многия и обратити ко Христу, обличила еси клевету, на стадо твое наносимую, и истину со смирением открыти о себе изволила еси. Отец, мати и братия твоя, познавше тебе, возсташа абие с мест своих, с неизреченною радостию и слезами притекше, падоша на выю твою, объемлюще, лобызающе, плачуще от радости и веселящеся о внезапном обретении твоем. Народ же, на то смотряй, удивляшеся и воздвигши глас, взываше: «Един Христос! Един истинный Бог христианский!» Емуже ты всех научила еси пети: Аллилуиа.

Стена твердая и крепкое ограждение иночествующим и всем православным явилася еси, преподобная Евгение: тобою бо неповинно терпящии иноцы от уз разрешени быша, и яко Христовы истиннии раби, от всех почитаеми, во обитель свою возвратишася. Безстудную клеветницу суд Божий постиже: еще бо сущей ей на позорищи: огонь с неба на дом ея паде и со всем ея богатством сожже. И не токмо во Александрии, но и во всей стране Египетской благочестие процвете и мир церкви Христовой возвратися. Отец твой Филипп, отложив сан епаршеский, епископ бысть и со славою мученическою на небеса преселися. Ты же, собравши к себе христианския девицы, добре Господеви работала еси, подвизая нас вопити тебе:

Радуйся, светом трисиянным Пресвятыя Троицы озаренная.

Радуйся, за истину православия многи труды и подвиги подъявшая.

Радуйся, образе истиннаго смирения.

Радуйся, зерцало истиннаго самоотречения.

Радуйся, звездо во тьме греховней заблудшим светящая.

Радуйся, лествице, последующих ти по ступенем добродетелей от земли на небо возводящая.

Радуйся, яко благою жизнию твоею образ терпения и смиренномудрия нам явила еси.

Радуйся, яко к небесному свету многих направила еси.

Радуйся, яко тьму суеверия прогнала еси.

Радуйся, яко жития чистотою сердца наша просветила еси.

Радуйся, иноков, добре подвизающихся, молитвенная пред Богом предстательнице.

Радуйся, ко спасению тех добрая руководительнице.

Радуйся, святая преподобномученице Евгение, монашествующих украшение.

Пение хвалебное возсылала еси Царю Славы, Небесному Жениху твоему, мудрая дево Евгение, преселившись с материю и братиями твоими в отечество свое – Рим прекрасный, тамо Церковь Божию, аще и посреде гонения, аки крин посреде терния, умножила еси. Ты бо многия девицы, мати твоя – жен, а блаженнии евнухи Прот и Иакинф – юнош множество Богу приобретоша, их же тайно святитель Корнилий крестил, совершая Божественную Литургию в дому твоем, причастия Тела и Крове Христовой сподоби, вопиющих Богу: Аллилуиа.

Светоприемной свеще уподобилася еси, святая Евгение, целомудренным твоим житием многия девицы ко Христу обратила еси, поучая их, яко девство есть первейшее приближение к Богу, Ангелом подобно, матерь вечныя жизни, путь к небеси безбедный, согреяние и венец веры. Таже и увещевала еси их в девстве непорочном пребывати, а еще преславнее девства ради умрети. Сему учению последуя, и девица некая от колена царска, по имени Василла, остави жениха своего и крещение прият, в заповедех Божиих живяше, и сего ради заповедь царска дадеся, да вси христиане убиваеми будут. Девица Василла, велегласно исповедовавшая Небеснаго Жениха своего, мечем бысть заклана, блаженнии евнухи обезглавлени быша. Ты же преподобная дево, яко обращению многих виновная, ко многим мукам ведома была еси. Мы же на сем пути сретаем тя приветствии сими:

Радуйся, свеще Божия ревности, елеем милости исполненная.

Радуйся, цветом нетления украшенная.

Радуйся, во смирении твоем на земли и на небеси дивно возвеличенная.

Радуйся, чистотою сердца боговидения сподобившаяся.

Радуйся, адаманте, перстень безсмертнаго со Христом обручения украсивший.

Радуйся, венче доброты, в руце Господней держимый.

Радуйся, в подвизех неутомимая.

Радуйся, всенощныя молитвы и бдения усердно совершавшая.

Радуйся, преподобнии твои руце к Богу воздвизавшая.

Радуйся, многия люди Христу тобою уверовавшии, Богу примирившая.

Радуйся, верная руководительнице шествующих ко Господу путем тесным иноческаго жития.

Радуйся, лествице, возводящая богомудрых иноков на высоту совершенства.

Радуйся, святая преподобномученице Евгение, монашествующих украшение.

Благодать от Бога дана ти бысть, святая преподобномученице Евгение, тою бо ты, приведена во храм идольский, храм со идолы сокрушила еси; ввержена в реку Тибр, камнем при выи обвязана, по водам, яко по суху, ходила еси; в пещи огненней невредима пребыла еси; таже в рове глубоце и мрачне, чрез десять дней морима гладом, сохранилася еси. Во утешение явися тебе Господь наш Иисус Христос, глаголяй: «Аз есмь твой Спаситель, Егоже ты всем сердцем возлюбила еси и страждеши Мене ради. Аз убо тебе многою одею славою и многими исполню увеселеньми. Да будет же и сие знамение чести твоея, яко в той тя день прииму в небесная селения, в онь же Аз на земли от чистыя Девическия произыдох утробы!» Ты же, исполнившися радости неизреченныя о Христе Иисусе, воспевала еси: Аллилуиа.

Поюще твоя крепкия подвиги, почитаем страдания твоя, хвалим долготерпение твое, ублажаем твою кончину, юже прияла еси в самый день Христова Рождества, прославляем твое, в женстем естестве показавшееся непобедимое мужество, имже на земли и на небеси прославилася еси, святая преподобномученице Евгение, и твоих ради победоносных подвигов и страданий похвальная восписуем ти сия:

Радуйся, мученическое течение твое мечною кончиною добре завершившая.

Радуйся, во гласе пения ангельскаго на небо душею твоею воспарившая.

Радуйся, мученический полк на небесех возвеселившая.

Радуйся, преподобных лик возрадовавшая.

Радуйся, постническое житие и мученическую кончину в себе сочетавшая.

Радуйся, яко неисцельныя болезни скоро исцеляеши.

Радуйся, болезни хотящим терпети помощь дарствующая.

Радуйся, яко на подвиг долготерпения твоего зряще, малодушия нашего устыждаемся.

Радуйся, яко мужество твое воспоминающе, воинствовати на плоть подвизаемся.

Радуйся, во утешение плачущей матери своей, блаженней Клавдии, во славе велицей явившаяся.

Радуйся, яко той благую весть о ея праведней кончине и о причтении всего рода своего благороднаго к лику святых известившая.

Радуйся, всем, во иночестве благоскорбящим, подательнице вечнаго радования.

Радуйся, святая преподобномученице Евгение, монашествующих украшение.

О, всехвальная святая преподобномученице Евгение! Нынешнее наше моление приемши, от всякия болезни, напасти, клеветы человеческия и от враг видимых и невидимых нас избави, да тихое и мирное житие поживше во юдоли земной, блаженство райское на небеси наследим и купно с тобою сподобимся Святых Святейшему Слову выну воспевати песнь: Аллилуиа.

Девственниц похвало и мучениц славо, Евгение преподобная! К тебе во умилении сердец припадаем и заступления твоего у Господа просим! Ты бо, преподобномученице преславная, велие дерзновение ко Владыце всех стяжала еси, яко прославившая Его в чистой душе твоей и телеси твоем страдальчестем, зане, вся прельщения врага и прещения мучителя презревши, вся терпящи, вопияла еси: «Христос есть богатство мое и похвала!» Темже от того богатства и нашей нищете духовная подаждь дарования и от безмерных прегрешений нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу и твое теплое предстательство во веки веков. Аминь.

Преподобномученица Евгения, родом римлянка, жила в Александрии, куда ее отец, Филипп, был послан императором Коммодом (180 – 192) в качестве наместника Египта. Евгения получила прекрасное образование и отличалась добрым нравом и красотой. Многие знатные юноши добивались ее руки, но вступать в брак она не хотела.

Познакомившись с Посланиями апостола Павла, она всей душой устремилась к христианству и тайно от родителей, в сопровождении своих двух рабов, Прота и Иакинфа, переодевшись в мужскую одежду, удалилась в мужской монастырь. Там она со своими рабами и спутниками приняла святое Крещение от епископа Еллия, которому было открыто о ней в видении, и он благословил ее подвизаться в монастыре в образе инока Евгения.

Овдовев, Клавдия с дочерью и слугами уехала в свое поместье, находившееся в окрестностях Рима. Там Евгения продолжала иноческую жизнь. Она привела ко Христу многих дев, а Клавдия устроила странноприимный дом и служила вдовам. По прошествии нескольких спокойных лет император Галлиен (260 – 268) вновь начал гонение на христиан, и многие из них нашли убежище у святых Клавдии и Евгении.

В то время осиротевшая молодая римлянка из царского рода, Василла, услышав о христианах и о святой Евгении, захотела встретиться со святой и написала ей письмо. В ответ святая Евгения прислала своих друзей и сподвижников, Прота и Иакинфа, которые просветили Василлу, и она приняла святое Крещение. Служанка Василлы рассказала ее жениху Помпею, что его невеста стала христианкой, и Помпей пожаловался императору на христиан, проповедующих безбрачие. Привлеченная к ответу, Василла отказалась вступать с Помпеем в брак, и за это ее закололи мечом. Святых Прота и Иакинфа потащили в идольский храм для принесения жертвы, но едва они вступили туда, идол упал и разбился. Святые мученики Прот и Иакинф были обезглавлены.

Святую Евгению тоже насильно привели в храм Дианы, но не успела она еще вступить в него, как всё капище вместе с идолом разрушилось. Святую мученицу бросили в Тибр с камнем на шее, но камень свалился, и она осталась невредима. Невредимой осталась она и в огне. Тогда ее бросили в ров, где она находилась 10 дней. В это время ей явился Сам Спаситель и возвестил, что она войдет в Царство Небесное в день Рождества Христова. Когда в 262 году наступил этот светлый праздник, палач умертвил святую мученицу мечом. Вскоре приняла мученический венец и святая Клавдия. Преподобномученица Евгения предупредила ее о дне смерти.

Главный редактор – Митрополит Херсонский и Таврический Иоанн

Редактор сайта – Валентина Бершадская

Фотограф – архимандрит Вениамин (Величко) и иеродиакон Марк (Королёв)