Молитва святая параскева топловская

Молитва святая параскева топловская

(память 16 декабря по нов.ст.).

Избранной невесте Христовой,/ скорой помощнице просящим помощи твоея,/ в крепости духовней житие скончавшей/ и веру в чистоте соблюдшей/ воспеваем ти умиленное сие пение:

Радуйся, преподобная мати Параскево Топловская, молитвеннице усердная о душах наших.

Ангелов лики удивила еси Параскево преподобная, егда издетска ум зрелый показала и возымела еси благое желание Господу Единому работати и служити, сего ради дом родительский оставила и во обитель Страстем Христовым посвященную вселилася еси. Тем же зряще твое богоугодное житие, со благоговением и радостию глаголем ти:

Радуйся, благочестивая отрасль родителей твоих, Богом избранная;

Радуйся, во Святем Православии строго воспитанная;

Радуйся, от младенства Богослужение церковное возлюбившая;

Радуйся, на служение Господу Иисусу Христу от юности себе посвятившая;

Радуйся, Священным Писанием сердце и ум свои напоившая;

Радуйся, в житии твоем Евангельския заповеди исполнившая;

Радуйся, скорогибнущих благ мира сего отвергшаяся;

Радуйся, в ризу многоценную нищеты Христовой облекшаяся;

Радуйся, миро добродетелей твоих Христу принесшая;

Радуйся, слезами покаяния нозе Его омывшая;

Радуйся, яко явилася еси подобница и последовательница жен святых;

Радуйся, стяжавшая веру и дерзновение за Христом шедших;

Радуйся, преподобная мати Параскево Топловская, молитвеннице усердная о душах наших.

Видящее, яко красная мира сего ничто же есть, измлада до последних твоих непрестанно помышляла еси о Небеснем, избрав многотрудное и скорбное монашеское житие, многим пощением, бдением и коленопреклонением предавалася еси стяжавши неувядаемый славы венец. Ради таковых и иных мнозих подвигов твоих вопием почивающему во святых Своих Богу: Аллилуиа.

Разум Христов и страх Божий стяжавшая, во Страстной обители града Москвы неленостно потрудилася еси, в меру возраста Христова прийти хотящи, вся Богу прилежащи, мраз зимний претерпела еси и летний носила вар, была еси дом Премудрости Божественныя, сего ради во умилении глаголем:

Радуйся, Господа всем сердцем возлюбившая;

Радуйся, житием своим чистым Ему угодившая;

Радуйся, вслед преподобней Марии всеусердно потекшая;

Радуйся, Египта страстей избегшая;

Радуйся, фараона мысленного духовным мечем победившая;

Радуйся, в Чермнем мори слез твоих, множество страстей, аки фараониты, потопившая;

Радуйся, Крестом Христовым, аки жезлом Моисейским, полчища демонския посекшая;

Радуйся, в жертву непорочную Небесному Жениху себе принесшая;

Радуйся, агнице пречестная Агнцу Небесному угодившая;

Радуйся, душу свою постом и молитвою освятившая;

Радуйся, иноческому послушанию всецело предавшаяся;

Радуйся, добродетели терпения и кротости стяжавшая;

Радуйся, преподобная мати Параскево Топловская, молитвеннице усердная о душах наших.

От первопрестольного града изшедши, пресельница была еси урочищу Топлы, идеже обрела еси духовную наставницу пустынножительницу Константину, от рода болгарского, к монашескому житию гласом Божиим призванную, от нея же и деланию умному научилася еси, непрестанно воспевающи: Аллилуиа.

Сила Вышняго укрепи дух твой, егда ты, дивная мати наша, во мнозех подвизех славно просияла еси, духовную премудрость явивши ближним твоим. Темже ныне едиными усты и единым сердцем, поем ти:

Радуйся, Краснейшего, паче всех красот мира сего, возлюбившая;

Радуйся, яко зрением премудрости Божией в творении Его, к славословию Творца возшедшая;

Радуйся, суеты мирския бегая, блаженный плач о гресех обретшая;

Радуйся, в тяготе вещей земных, тяготу гибельную уразумевшая;

Радуйся, смиренное и ангелонравное житие премудро стяжавшая;

Радуйся, яко обличительница осуждения и многословия явилася еси нам;

Радуйся, Боговиднейшия изображения в сердце своем написавши добродетелей виды стяжала еси;

Радуйся, свирепство страстей постническим жительством пресекла еси;

Радуйся, отречения своея воли премудрое наставление;

Радуйся, душевныя и телесныя чистоты непрестанное сияние;

Радуйся, яко тя, крепкую подвижницу, огнь страстей не опали;

Радуйся, роса Божественнаго Духа тя ороси;

Радуйся, преподобная мати Параскево Топловская, молитвеннице усердная о душах наших.

Болезньми и поты твоими возделавши воздержания землю и сеявши в сердцы пшеницу Духа, класс безстрастия принесла еси, Парскево блаженная, благочестно во иночестем чине велии труды подъяла еси и неленостно, вся послушания проходящи, воистину преподобническое житие сотворила еси, непрестанно поющи Христу Богу: Аллилуиа.

Страстей свирепство ангелонравным житием угасила еси истончавающи тело воздержанием, ангелоподобная Параскево, дивная мати наша, плотская стремления иждивши в сердце своем, жилище Святаго Духа соделалася еси, сего ради епископ Таврический Мартиниан малые схимы тя сподоби и нарече ти имя святаго Пятка, назнаменуя твое многотрудное и страдальческое житие, его же ради вопием ти:

Радуйся, образом молитвы непрестанныя всем сестрам бывшая;

Радуйся, жилище Святые Троицы соделавшаяся;

Радуйся, крест игуменства со смирением от Господа приемшая;

Радуйся, во Отечестве Небеснем быти присно желавшая;

Радуйся, древо благосеннолиственное, Бога умолившее шумом молитвенных листвий своих о чадех духовных;

Радуйся, яко крепость и исцеления приемлют именем твоим немощствующие плотию;

Радуйся, яко скорбни духом и печальны обретают в тебе утешение;

Радуйся, Горняго Иерусалима обитательнице блаженная;

Радуйся, мати богомудрая, инокинь множество собравшая;

Радуйся, подражати житию древних отец наставлявшая;

Радуйся, славы текущия и тленныя возгнушавшаяся;

Радуйся, славу и жизнь истинную наследовавшая;

Радуйся, преподобная мати Параскево Топловская, молитвеннице усердная о душах наших.

Боготечная звезда явилася еси, всечестная Параскево, душевная бо явления и страсти плотския мечем воздержания посекла еси, мысленныя же согрешения молчанием поста умертвила еси, струями слез твоих сердечною пустыню напоила еси и прозябла еси нам плодом покаяния, непрестанно поющим Богу: Аллилуиа.

Образом и правилом пречестным инокиням, сиротам же мати, питательница вдовицам и девам наставница богомудрая была еси, Параскево блаженная, скорбной и тесной шествовати стезею сподобилася еси. Яве красотою добродетелей уяснивши душу, Небесной достигла еси жизни нескончаемой, идеже Свет Безконечный есть Христос. Сего ради мы, чада твоя, вопием ти:

Радуйся, много имущая к Богу и Его Пречистей Матери дерзновение;

Радуйся, градов наших и обители твоея преславное утверждение;

Радуйся, житием своим чистым заповеди Божия исполняти сестер подвигшая;

Радуйся, награду от Господа получившая;

Радуйся, сестрам обители твоея присное научение;

Радуйся, предивное монашескаго подвига совершение;

Радуйся, Господеви угождающая, от Него же помощь на благия дела получившая;

Радуйся, житием своим Богу и Пресвятей Деве верно поработавшая;

Радуйся, обетом целомудрия чистоту сердца твоего явившая;

Радуйся, обетом нестяжания высоту духа твоего показавшая;

Радуйся, обетом послушания Богу и ближним послужившая;

Радуйся, и о нас, грешных, молитвы к Нему возсылающая;

Радуйся, преподобная мати Параскево Топловская, молитвеннице усердная о душах наших.

На образ купины неопалимыя умно взирая, чудоточную икону Казанскую яве узрела еси изливающую токи чудес и исцелений всем с верою к ней притекающим, сего ради образ сей во святей обители твоей поставила еси и воспевала благохвалебную песнь Святей Троице: Аллилуиа.

Взыграния вся плотская обуздавшая болезньми постническими, дивною показала еси души твоея мудрость, миру сему распялася еси, по заповеди, и к ревности жития непорочного усердно воздвигла еси себе, сего ради тя усердно почитаем сими похвальными словесы:

Радуйся, истинная Евангелия Христова последовательнице;

Радуйся, достойная Царствия Небесного наследнице;

Радуйся, благодатию Божиею паче, нежели хлебом земным, насыщенная;

Радуйся, от источника приснотекущего – Евангельскаго Благовестия напоенная;

Радуйся, яже тело изнуривши, на страсти вельми подвизалася еси;

Радуйся, инокинь похвало и сонма постническаго радование;

Радуйся, лика девственников преславное украшение;

Радуйся, агнице незлобивая злобу волка мысленнаго победившая;

Радуйся, агнице непорочная вся коварства зверя лютаго силою креста разрушившая;

Радуйся, вся плотская мудрования увядившая;

Радуйся, духовным трезвением и бореньми с помыслы демонскую тьму отгнавшая;

Радуйся, Светом Трисолнечного Божества вся немощная дерзости их поправшая;

Радуйся, преподобная мати Параскево Топловская, молитвеннице усердная о душах наших.

Не на песце суеты мирския, но на камени веры основание положивши, Параскево блаженная, во славу Святыя Троицы церковь во обители твоей создавши, сестры и дщери твоя духовныя научала еси неустанно пети Богу: Аллилуиа.

Удалилася еси, сущих в мире сем и сладких всех и приятилище соделалася еси Духа Святаго, темже явила еси нам покаяния целитву и слез умиленных врачевание, показала еси и стезю паки ведущую к жизни негиблющей, тем же ныне прими благохваления сия:

Радуйся, образ монашеского жития всем сущим с тобою преподавшая;

Радуйся, крепкою молитвою стрелы сатанины от обители твоея отгнавшая;

Радуйся, душ боголюбивых мудрая наставнице;

Радуйся, болезней телесных и душевных о Христе наша целительнице;

Радуйся, плоть истончившая постническими труды, воздержание стяжавшая;

Радуйся, соблазны мира сего от сестер отгнавшая;

Радуйся, Пресвятыя Троицы избранное жилище;

Радуйся, даров Духа Святаго пречестное вместилище;

Радуйся, яко очеса твоя соделала еси источники слез;

Радуйся, словесы Божественных Писаний исполненная;

Радуйся, яко от тебе целительную благодать почерпаем;

Радуйся, яко молитвенным ходатайством твоим ко Святей Троице прегрешений оставление приемлем;

Радуйся, преподобная мати Параскево Топловская, молитвеннице усердная о душах наших.

Прославляя избранная Своя, Бог прослави тя, преподобная Параскево. Яко светило многосветлое показа тя, егда Отечество твое тма нечестия безбожнаго покры. Велием гласом, призывала еси не страшиться гонения лютаго и глаголала «вся могу о укрепляющем мя Иисусе»: Аллилуиа.

Далече изыде святаго имене твоего слава, богоблаженная мати, явилася бо еси истинная ревнительнице веры Православныя и преподобная жена, всем сердцем благоугодити Богу поревновавшая. Поминая убо подвиги славнаго исповедническаго и преподобническаго жития твоего вопием ти сице:

Радуйся, яко злобы безбожных не устрашилася еси;

Радуйся, яко высотою смирения пресветла явилася еси;

Радуйся, умным зрением Креста Христова и Страстей Его укрепляемая;

Радуйся, в болезнех и скорбех Богоматерию утешаемая;

Радуйся, кротостию и смирением гордыню нечестивых посрамившая;

Радуйся, яко обильным подаянием алчущия удовлившая;

Радуйся, светило Богосветлое на тверди церкве сияющее;

Радуйся, светом Богоразумия сердца наша непрестанно просвещающая;

Радуйся, от печалей и скорбей чтущих тя сохраняющая;

Радуйся, от напастей бесовских защищающая;

Радуйся, поборницей святотеческаго благочестия пребывшая;

Радуйся, твердой защитницей правоверия себе явившая;

Радуйся, преподобная мати Параскево Топловская, молитвеннице усердная о душах наших.

Дерзновенно себе в руце Божии предав, смиренно пред безбожными предстала еси, разорити обитель хотящими, и безбоязненно обличала еси безумных, Господеви вопия: Аллилуиа.

Множество скорбей чрез сердце твое проидоша, егда узрела еси Церкве Святыя разорение и верных чад Ея жестокое избиение. Ты же, укрепляема Духом Божиим, взывала еси: «Претерпевый же до конца, той спасен будет». Сего ради мы, внимая евангельскому учению сему, умиленную песнь приносим ти:

Радуйся, отрадо скорбящих и печальных утешение;

Радуйся, радости в терпении страданий Господа ради, обретение;

Радуйся, древлим мученицем и исповедницем уподобившаяся;

Радуйся, яко «не должно нам сходити со Креста», рекшая;

Радуйся, зло любовию славно побеждавшая;

Радуйся, яко и ныне словесных овец Христовых мудре в страданиих укрепляющая;

Радуйся, мнози сестры своя к исповедничеству приведшая;

Радуйся, яко духовная сподвижницы твоя в гонениих Веру Православную непоколебиму соблюдоша;

Радуйся, яко твоими молитвами мнози насельницы Топловския обители достойно венцы нетленныя от Господа прияша;

Радуйся, яже имена сомолитвенниц и спостниц твоих ведомы Единому Богу суть;

Радуйся, в житии твоем Христа ради многоскорбна пребыла еси;

Радуйся, в бедах и трудных обстояниих помощнице наша скорая;

Радуйся, преподобная мати Параскево Топловская, молитвеннице усердная о душах наших.

Глас спасительный Пастыря твоего услышала еси: «Аще кто хощет по Мне идти да отвержется себе, возьмет крест свой и по Мне грядет» ты же, в багряницу спасительную страданий облеклася еси и вино поругания испив, Жизнодавцу Христу воспела еси дивную песнь: Аллилуиа.

«Слава долготерпению Твоему, Господи!» взывала еси непрестанно, видящи разорение обители твоея и храмов созданных тобою во славу Владыки Христа, в скорбех сих и искушениих, терпение Иовлево стяжала еси, Параскево многострадальная, но, аки сребро и злато седмирицею очищены, тако содела Господь и душу твою. Мы же твоим заступлением ограждаеми, зовем ти:

Радуйся, любовию и молитвами заблудших к Богу обращаеши;

Радуйся, яко из рова греховнаго мнози спасаеши;

Радуйся, Римстей Параскеве тезоименитая;

Радуйся, житию ея усердно поревновавшая;

Радуйся, в терпении Иову Многострадальному уподобившаяся;

Радуйся, в испытаниих адаманта твердейши показалася еси;

Радуйся, и нас, немощных, Господа непоколеблемо исповедати научила еси;

Радуйся, в страданиих душу свою очистила еси;

Радуйся, к нетленней жизни ю уготовала еси;

Радуйся, во еже жити в братолюбии нас наставляеши;

Радуйся, странноприимства никогдаже оставляти завещаеши;

Радуйся, всех просящих помощи николиже отвергаеши;

Радуйся, преподобная мати Параскево Топловская, молитвеннице усердная о душах наших.

Просвещена добротою постническою и одеяна ризою нетления, Параскево богомудрая, по блаженном успении твоем, венцем даров украшенная с лики преподобническими ныне Владыце всех предстоиши радующися и поющи Ему: Аллилуиа.

Постом украсившаяся и чистотою душевною, аки лучи пресветлыми, просвещаеши верныя, Параскево блаженная, тем твою светоносную совершающее память, благочестно тебе вопием:

Радуйся, со усердием во всех делех своих волю Господню исполнившая;

Радуйся, яко Самаряныня источник неистощаемый воды живыя – Христа обретшая;

Радуйся, дом милосердия для болящих и немощных устроившая;

Радуйся, любовию своею к ближним нас утешающая;

Радуйся, вторая Хананея Господа о чадех твоих от суда на милость преклонившая;

Радуйся, яко евангельская вдовица лептою, от скудости иноческаго жития своего, обитель Святыя Троицы зело украсившая;

Радуйся, в мысленную пустыню вселившися страстей образы благочестно истребила еси;

Радуйся, истинная раба Божия, сотворшая волю Господина своего;

Радуйся, течение монашескаго жития благочестно скончавшая;

Радуйся, смерть вкусивши в жизнь вечную невозбранно вшедшая;

Радуйся, о земнем Отечестве нашем неусыпная молитвеннице;

Радуйся, ликов монашествующих тесным путем премудрая водительнице.

Радуйся, преподобная мати Параскево Топловская, молитвеннице усердная о душах наших.

Ныне нетленных даров наслаждающаяся и трисолнечного света исполняющая певцы твоя преподобная Параскево, болезней, страстей и бед избави, молитвами твоими, да достойно Христу воспоим: Аллилуиа.

Во обители присноживующия вселилася еси, богомудрая, идеже ликуют апостолов собор и множества мученическая, преподобных собрания и пророческие лики, воздаяния болезней от Бога приемлеши достославная, на земли же от мощей твоих чудеса мнози содеваются и река исцелений источается всем поющим ти таковая:

Радуйся, яко честныя мощи твоя утверждают нас в вере и благочестии;

Радуйся, яко молящиися тебе избавляются от всякаго нечестия;

Радуйся, яко и ныне обитель Топловская молитвами твоими украшается;

Радуйся, явлении и чудесы твоими сердца верных просвещаются;

Радуйся, безчадных родителей о чадех Божественная радосте;

Радуйся, всех во вражде сущих скорое примирение;

Радуйся, теплая предстательнице наша пред Богом;

Радуйся, яко чистоты рачительница велия показалася еси нам;

Радуйся, яко людие православнии прославляху о тебе Христа Бога нашего;

Радуйся, яко ты явилася еси велия слава наша и похвало;

Радуйся, инокиням, зде подвизающимся, верная покровительнице;

Радуйся, о всех с верою к тебе притекающих неустанная попечительнице;

Радуйся, преподобная мати Параскево Топловская, молитвеннице усердная о душах наших.

О, преподобная мати Параскево, прими сие благодарственное пение и о прощении грехов наших Милосерднаго Господа умоли, да вопием купно с тобою Ему: Аллилуиа.

Этот Кондак читается трижды, затем 1-й Икос и Кондак 1-й

Молитва преподобной Параскеве Топловской

О, преподобная и мудрая мати наша Параскево! В жизни сей, временней, непрестанно Христу работати навыкшая, в послушании, посте и молитве присно пребывшая, благочестно житие твое скончавшая и стяжавшая неувядаемый славы венец!

Прими сие моление наше малое с любовию и слезами тебе приносимое. Просвети тьму нашу лучами пресветлыми божественных добродетелей твоих. Излей на нас, чад твоих, елей милостей и благодеяний твоих. Струпы греховныя умягчи, раны душевныя и телесныя исцели, в немощех сущия посети и утеши.

О, блаженная и кроткая мати наша, не остави нас сирых! И якоже не оставила еси обители твоея по успении твоем, пребывая тамо телом, душею же на небесех, тако и ныне не остави нас в добродетели убогих. Избави нас всемощным твоим, еже к Богу, предстательством от бед и искушений, находящих на ны по грехом нашим. Умоли Человеколюбца Христа даровати нам оставление грехов, да невозбранно пройдем поприще временнаго жития сего и внидем в радость вечную со всеми святыми. Аминь.

От юности твоея уневестилася еси Христу и Тому Единому работала еси, Параскево богомудрая. Егда богоспасаемую обитель твою хищныя богоборцы обложиша, подвигом исповедничества увенчалася еси. Темже и нас в добродетелех с любовию вразуми твердо стояти в православной вере и благочестии.

Во обители Топловстей вселилася еси, Параскево блаженная, мирский мятеж и человеческое лукавство презрела еси. Темже и Бог превознесе тя во времена лютых гонений. Укрепи малодушныя и загради уста хулящих Святую Церковь, от всяких находящих зол избави нас молитвами твоими со умилением зовущих: Радуйся, похвало земли нашея и утверждение.

Ублажаем тя, преподобная мати наша Параскево, и чтим святую память твою, наставнице монахинь и собеседнице Ангелов.

Составитель акафиста иерей Василий Печевистый

Житие святой преподобной Параскевы игумении Топловской

ПАРАСКЕВА (РОДИМЦЕВА)

В миру Ольга Ивановна Родимцева, родилась в 1849 году в Москве в благочестивой купеческой (по другим сведениям, мещанской) семье.

В 1874 году была определена в число сестёр и облечена в рясофор с наречением имени Вячеславы.

В 1875 году игумения Страстного монастыря Валерия (Боде) получила благословение перейти в Топловский монастырь и пожелала взять с собой инокиню Вячеславу. Верная иноческому послушанию, та с радостью согласилась.

В Топловской обители инокиня Вячеслава с первых же дней проявила себя ревностной, ищущей строго монашеского делания подвижницей. Постоянные упражнения в посте и молитве, чтение Священного Писания и святых отцов принесли свои плоды. Еётрезвенность и рассудительность были отмечены сёстрами, мудрая распорядительность – священноначалием. И вскоре при единодушном одобрении насельниц она была избрана секретарём монастырского совета, а позже – казначеей.

16 июня 1889 года пострижена в монашество с наречением имени Параскевы епископом Таврическим Мартинианом (Муратовским).

В декабре этого же года назначена настоятельницей монастыря, а 26 июля 1890 года возведена в сан игумении.

Матушка вела строгую подвижническую жизнь, непрестанно молилась, была кроткой, нестяжательной и страннолюбивой. Трудами и молитвами преподобной Параскевы устраивалась Топловская обитель, строился трёхпрестольный Свято-Троицкий собор, а также другие храмы на монастырских подворьях в Феодосии, Симферополе, Старом Крыму и Керчи, много церковно-хозяйственных зданий. Благодаря значительным пожертвованиям в монастыре был разбит фруктовый сад, организовано два хутора для хозяйственных нужд. В 1897 г. по инициативе игумении Параскевы была воздвигнута больница с домовой церковью в честь иконы “Всех скорбящих Радость”. Для священнослужителей был построен отдельный дом, а также небольшая церковь и училище на Казанском подворье в Феодосии.

После революции все земли и сады, которые с таким успехом возделывались сестрами обители, были переданы государству. На территории монастыря был организован “Советский санаторий”. Чтоб сохранить уставную монашескую жизнь обители игумения Параскева предложила создать женскую сельскохозяственную артель, которая потом получила название “Женский труд” и была зарегистрирована в 1922 году. Это мудрое решение на некоторое время сохранило монастырь. Как и прежде, ежедневно совершалась Божественная Литургия, сёстры несли обычные послушания. Своей ближайшей помощнице монахине Поликсении (Шляховой) игумения говорила: “Наблюдай внимательно, чтобы не было забыто ни одно из монастырских законоположений, содержимых по учению апостольскому и преданию святых отцов. Свято храните блаженное и единодушное общежитие”.

7 сентября 1928 года власти ликвидировали сельхозартель “Женский труд”.

Игумения Параскева скончалась 16 декабря 1928 года от паралича сердца, проболев всего полтора часа. Перед кончиной она исповедалась и причастилась святых Христовых Тайн. Похоронили игумению Параскеву на монастырском кладбище. Но её могила была разорена искателями “сокровищ”. Вначале 1980-х годов рабочие хотели взять с монастырского кладбища памятник для братской могилы. Но когда надгробие подняли и перевернули, оказалось, что оно принадлежит игуменье Параскеве, о чем свидетельствовали слова: “Зде покоятся честныя мощи игумении Параскевы. Молитвенная свеча души ея полвека горела любовию велией и пламенной, прошениями об обители сей святой ко Господу. Любим, кланяемся ти, добрая и мудрая мати наша. 3. XII. 1928 (ст. ст.)”. Сейчас надгробие находится внутри часовни.

Игумения Параскева причислена к лику местночтимых святых Симферопольской епархии решением Священного Синода Украинской Православной Церкви от 25 марта 2009 года. День памяти установлено совершать 3 декабря. 11 июля 2010 года состоялось торжественное прославление святой преподобной Параскевы Топловской. Чин возглавил митрополит Киевский и всея Украины Владимир (Сабодан). В день прославления, 11 июля, в Топловской обители также совершается память прп. Параскевы [1].

Мощи преподобной обретены, прошли экспертизу, которая полностью подтвердила их подлинность. Сейчас они находятся в Параскевинском храме обители.

Молитвословия

Преподо́бная ма́ти на́ша Параске́во,/ бога́тство и сла́ву ми́ра сего́ презре́ла еси́,/ измла́да уневе́стилася еси́ красне́йшему па́че все́х Христу,/ кре́ст взе́мше и с него́ да́же до сме́рти не сше́дше./ Чистоту́ душе́вную и теле́сную Го́сподеви в да́р принесла́ еси,/ безкро́вными страда́ньми Ему́ угоди́ла еси́:/ в Небе́сней оби́тели ны́не пребыва́еши,/ помина́й на́с чту́щих сла́вную па́мять твою.

От ю́ности твоея́ уневе́стилася еси́ Христу́/ и Тому́ Еди́ному рабо́тала еси́, Параске́во богому́драя./ Егда́ богоспаса́емую оби́тель твою́ хи́щныя богобо́рцы обложи́ша,/ по́двигом испове́дничества увенча́лася еси́./ Те́мже и на́с в доброде́телех с любо́вию вразуми́ тве́рдо стоя́ти/ в правосла́вной ве́ре и благоче́стии.

Во оби́тели То́пловстей всели́лася еси́, Параске́во блаже́нная,/ мирски́й мяте́ж и челове́ческое лука́вство презре́ла́ еси́./ Те́мже и Бог превознесе́ тя́ во времена́ лютых гоне́ний./ Укрепи́ малоду́шныя и загради́ уста́ ху́лящих Святу́ю Це́рковь,/ от вся́ких находя́щих зо́л изба́ви на́с/ моли́твами твои́ми со умиле́нием зову́щих:/ Ра́дуйся, похвало́ земли́ на́шея и утвержде́ние.

Молитва преподобной Параскеве Топловской

О, преподо́бная и му́драя ма́ти на́ша Параске́во! В жи́зни се́й вре́менней, непреста́нно Христу́ рабо́тати навы́кшая, в послушании, посте́ и моли́тве при́сно пребы́вшая, благоче́стно житие́ твое́ сконча́вшая и стяжа́вшая неувяда́емый сла́вы вене́ц! Приими́ сие́ моле́ние на́ше ма́лое с любо́вию и слеза́ми тебе́ приноси́мое. Просвети́ тьму́ на́шу луча́ми пресве́тлыми боже́ственных доброде́телей твои́х. Изле́й на на́с, ча́д твои́х, еле́й ми́лостей и благодея́ний твои́х. Стру́пы грехо́вныя умягчи́, ра́ны душе́вныя и теле́сныя исцели́, в не́мощех су́щия посети́ и уте́ши. О, блаже́нная и кро́ткая ма́ти на́ша, не оста́ви на́с си́рых! И я́коже не оста́вила еси́ оби́тели твоея́ по успе́нии твое́м, пребыва́я та́мо те́лом, душе́ю же на небесе́х, та́ко и ны́не не оста́ви на́с в доброде́тели убо́гих. Изба́ви на́с всемо́щным твои́м, е́же к Бо́гу, предста́тельством от бе́д и искуше́ний, находя́щих на ны́ по грехо́м на́шим. Умоли́ Человеколю́бца Христа́ дарова́ти на́м оставле́ние грехо́в, да невозбра́нно про́йдем по́прище вре́меннаго жития́ сего́ и вни́дем в ра́дость ве́чную со все́ми святы́ми. Ами́нь.

• благословение Святейшего Синода и грамота (1884)
• наперсный крест (1894)