Молитва веры на исцеление

Молитва об исцелении больного

О Премилосердый Боже, Отче, Сыне и Святый Душе, в нераздельней Троице поклоняемый и славимый, призри благоутробно на раба Твоего (имя), болезнию одержимаго; отпусти ему вся согрешения его; подай ему исцеление от болезни; возврати ему здравие и силы телесныя; подай ему долгоденственное и благоденственное житие, мирные Твоя и премирные блага, чтобы он вместе с нами приносил благодарные мольбы Тебе, Всещедрому Богу и Создателю моему.

Пресвятая Богородица, всесильным заступлением Твоим помоги мне умолить Сына Твоего, Бога моего, об исцелении раба Божия (имя).

Все святые и ангелы Господни, молите Бога о больном рабе Его (имя).

Сила веры и молитвы. Чудеса исцеления болезней людей Господом Богом

Наверно, каждый человек имел тяжелобольного знакомого или родственника, которому врачи не давали гарантий излечения. Кто-то из этих людей, продолжал бороться за свою жизнь при помощи медикаментов, кто-то обращался к колдунам и экстрасенсам, а кто-то взывал за исцелением к Богу. И, конечно, каждый из нас слышал о чудесах, которые совершал Господь в жизни людей, обратившихся к Нему за помощью. Действительно, истинное чудо-исцеление может совершить только тот, кто вдохнул жизнь в человека, созданного из праха земного. Это Всемогущий Бог

«И создал Господь Бог человека из праха земного, и вдунул в лице его дыхание жизни, и стал человек душею живою» (Быт. 2:7).

«Господи, Ты – Отец наш; мы – глина, а Ты – образователь наш, и все мы – дело руки Твоей» (Ис. 64:8).

«Я есмь путь и истина и жизнь» (Иоан. 14:6).

Священное Писание многократно говорит нам о вере, которая соединяет нас с Богом, защищает от пылающих стрел врага, хранит в безопасности, делает нас сильными, совершая чудеса. С верой нет ничего невозможного:

«Вера же есть осуществление ожидаемого и уверенность в невидимом» (Евр. 11.1).

Когда Иисус Христос – Сын Божий – жил на земле, он любовью служил людям, исцелял больных, даже воскрешал мертвых. Ни один человек, искавший Его помощи, не был отвергнут:

«Придите ко Мне все труждающиеся и обремененные, и Я успокою вас» (Матф. 11:28, см. также Матф. 4:23, 8:16, 9:35, 12:15).

В 5 главе Евангелия от Иоанна мы узнаем историю о человеке, который 38 лет был беспомощным калекой. Этот больной лежал на своей подстилке, изредка поднимая голову, чтобы взглянуть на купальню, куда по временам сходил Ангел Господень и возмущал воду. И кто первый входил в нее, тот выздоравливал. Неожиданно над ним склонился Человек, лицо которого выражало кротость и сострадание, и спросил: «Хочешь ли быть здоров?» В сердце калеки затеплилась надежда. Он почувствовал, что помощь была близка, но луч радости тут же померк, как только вспомнились бесплодные попытки добраться до купальни. Он устало промолвил: «Так, Господи; но не имею человека, который опустил бы меня в купальню, когда возмутится вода; когда же я прихожу, другой уже сходит прежде меня».

Иисус сказал страдальцу: «Встань, возьми постель твою и ходи». Больной верой ухватился за эти слова. Он безоговорочно повиновался Христу. Каждый нерв и каждый мускул стали оживать в нем благодаря притоку новых сил. Вскочив на ноги, он почувствовал, что здоровье и бодрость вернулись к нему. А ведь Иисус не давал ему заверения в Божественной помощи! Этот человек мог усомниться и потерять единственную возможность исцеления. Но он поверил слову Христа и, повинуясь Ему, обрел силу!

Карл Блох. Исцеление в купальне Вифезда. 1880 г.

Нам же Господь дал обетование:

«Если будете иметь веру и не усомнитесь, … все, чего ни попросите в молитве с верою, получите» (Матф. 21:21,22, см. также Марк. 9:3, Иак. 1:5-7).

Более того, Иисус вдохновлял нас, говоря:

«Если вы будете иметь веру с горчичное зерно и скажете горе сей: «перейди отсюда туда», и она перейдет; и ничего не будет невозможного для вас» (Матф. 17:20).

То есть вера может сделать нас способными даже передвигать горы. И, тем более, принести физическое и духовное исцеление. Когда по дороге в Галилею два слепых человека настойчиво взывали к Иисусу, Он направил их взор на свое могущество, спросив:

«Веруете ли, что Я могу это сделать?» (Матф. 9:28).

Они верили! И Иисус исцелил их.

При этом Господь учит нас, чтобы мы не просто верили, но и действовали:

«Вера без дел мертва» (Иак. 2:20).

Мы должны прилагать усилия, не оставаться пассивными, встретившись лицом к лицу со своим недугом. Нельзя сидеть сложа руки и позволить болезни парализовать наш дух. Мы должны искать Бога, идти к Нему, познавать и выполнять Его волю:

«Вера от слышания, а слышание от слова Божия» (Рим. 10:17).

«А что мы познали Его, узнаем из того, что соблюдаем Его заповеди» (1 Иоан. 2:3).

Для опытных в вере христиан Апостол Иаков дает наставление:

«Болен ли кто из вас, пусть призовет пресвитеров Церкви, и пусть помолятся над ним, помазав его елеем во имя Господне. И молитва веры исцелит болящего, и восставит его Господь» (Иак. 5:14,15).

А для людей, пока еще слабых в вере, болезнь может дать возможность «познакомиться» с Богом и узнать Его Силу и Славу. В Евангелии от Марка 5:25-34 (см. также Лук. 8:43-50) мы узнаем о бедной женщине, которая 12 лет страдала от болезни, превратившей ее жизнь в тяжелое бремя. Все свои средства она издержала на врачей, но ее недуг был объявлен неизлечимым. Надежда ожила, когда она услышала об исцелениях, совершаемых Христом.

Страдая и изнемогая, она пришла на берег моря, где учил Иисус, и пыталась протиснуться к Нему сквозь толпу, но все было напрасно. Великий Врач рядом, но нельзя поговорить с Ним, попросить о выздоровлении. Боясь упустить единственную возможность исцелиться, она устремилась вперед, твердя: «Если хотя к одежде Его прикоснусь, то выздоровею». Когда Иисус проходил мимо, она бросилась вперед и успела коснуться только края Его одежды. И в тот же миг почувствовала, что исцелилась. В этом единственном прикосновении сосредоточилась вся ее вера, и в одно мгновенье боль ее и немощь сменились бодростью и совершенным здоровьем. С сердцем, переполненным благодарностью, она попыталась выбраться из толчеи, но неожиданно Иисус остановился, и вместе с Ним замерла вся толпа. Он обернулся и спросил: «Кто прикоснулся ко мне?»

Видя, что скрываться бесполезно, женщина, трепеща, выступила вперед и бросилась к Его ногам. Со слезами благодарности она поведала о своей болезни и о своем исцелении. Иисус участливо сказал ей: «Дщерь! Вера твоя спасла тебя; иди в мире и будь здорова от болезни твоей». Господь не оставил никаких оснований для суеверий и толков, что исцеляющая сила исходит от простого прикосновения к Его одеждам. Библия учит, что определяющим фактором для совершения чуда являлась и является вера человека. Так впоследствии и Апостолы силою Господа исцеляли больных, но обязательно при наличии веры у людей.

«В Листре некоторый муж, не владевший ногами, сидел, будучи хром от чрева матери своей, и никогда не ходил. Он слушал говорившего Павла, который, взглянув на него и увидев, что он имеет веру для получения исцеления, сказал громким голосом: тебе говорю во имя Господа Иисуса Христа: стань на ноги твои прямо. И он тотчас вскочил и стал ходить» (Деян. 14:8-10).

Так, в своем родном городе Господь не мог совершать чудес и исцелил во всем Назарете только нескольких человек, потому что в остальных людях не было веры:

«И не совершил там многих чудес по неверию их» (Матф. 13:58, см. также Мар. 6:5,6). Иисуса помнили здесь еще простым мальчиком, поэтому большинство не восприняли Его тем, кем Он был на самом деле – Христом (Мессией), Господом и Спасителем.

Мало знать о Христе: нужно верить в Него! Только тогда вера может помочь нам, когда мы принимаем Иисуса, как собственного Спасителя и уповаем на Его заслуги.

«Кто побеждает . как не тот, кто верует, что Иисус есть Сын Божий?» (1 Иоан. 5:5).

Многие считают веру убеждением, но спасительная вера – это союз, заключаемый христианином с Богом. Подлинная вера – это принцип жизни. Живая вера означает возрастание в Господе, непоколебимое доверие Ему, благодаря чему человек с помощью Божьей становится победителем.

Однако нужно помнить, что, исцеляя некоторых больных, Господь не сразу даровал им желаемое благословение. Для Него важно, чтобы в человеке произошла неподдельная перемена. Ведь основная цель Бога – содействовать нашему духовному возрастанию, чтобы спасти нас.

И, конечно, молчание Господа не говорит о том, что Он оставил нас. Бог стремится к тому, чтобы мы научились доверять Ему. Через Священное Писание Господь показывает, что в Его отношениях даже с «героями» веры Авраамом, Исааком, Иосифом, Иовом и Давидом надолго воцарялась тишина. И мы видим, что доверие Творцу всегда оканчивалось победой, в то время как нетерпеливость имела негативные последствия.

При использовании указывать автора, название сайта и материала

Символ Веры

Молитвы об исцелении различных недугов

Молитва первая об исцелении болящего

Владыко, Вседержителю, святый Царю, наказуяй и не умерщвляяй, утверждаяй низпадающия и возводяй низверженные, телесныя человеков скорби исправляяй, молимся Тебе, Боже наш, раба Твоего (имя) немоществующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имя), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

Mолитва вторая об исцелении болящего

О, Премилосердый Боже, Отче, Сыне и Святый Душе, в нераздельной Троице поклоняемый и славимый, призри благоутробно на раба Твоего (имя), болезнею одержимаго; отпусти ему вся согрешения его; подай ему исцеление от болезни; возрати ему здравие и силы телесныя; подай ему долгоденственное и благоденственное житие, мирные Твои и примирные благая, чтобы он вместе с нами приносил благодарные мольбы Тебе, Всещедрому Богу и Создателю моему.

Пресвятая Богородица, всесильным заступлением Твоим помоги мне умолить Сына Твоего, Бога моего, об исцелении раба Божия (имя).

Все святые и ангелы Господни, молите Бога о больном рабе Его (имя). Аминь.

О терпении болезней и несчастий

Праведному Иову Многострадальному

Память праведнаго Твоего Иова, Господи, празднующе, тем Тя молим: избави нас от наветов и сетей лукаваго диавола и спаси души наша, яко Человеколюбец.

Яко истинен и праведен, Богочестив и непорочен, освящен же явлься, всеславне, Божий угодниче истинный, просветил еси мир в терпении твоем, терпеливейший и доблейший. Темже вси, Богомудре, память твою воспеваем.

Дал еси нам образ терпения и мужества, Преблагий Господи, угодника Твоего Иова, во всех приключшихся ему злостраданиих ничимже согрешивша пред Тобою, ниже устнама своима, и не давша безумия Тебе, Богу нашему. Того молитвами и нас сотвори победители многоразличных искушений и спаси души наша, яко Человеколюбец.

Боже святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый, давый Святым Твоим Духом коемуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедший, готови, в немже сами искушсни быша, и нам напаствуемым помогати. Сих святых всех и святого праведного Иова воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

От разных недугов и болезней

Пресвятой Богородице перед Ее иконой

“Всех скорбящих радость”

Всех скорбящих радосте и обидимых заступнице, и алчущих питательнице, странных утешение, обуреваемых пристанище, больных посещение, немощных покрове и заступнице, жезле старости, Мати Бога Вышняго Ты еси, Пречистая: потщися, молимся, спастися рабом Твоим.

Не имамы иныя помощи, не имамы иные надежды, разве Тебе, Владычице. Ты нам помози, на Тебе надеемся и Тобою хвалимся, Твои бо есмы рабы, да не постыдимся.

О, Пресвятая Владычице Богородице, Преблагословенная Мати Христа Бога Спасителя нашего, всех скорбящих Радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем беспомощным всегда готовая помоще и верное прибежище! Тебе, о, Всемилостивая, дадеся от Всевышняго благодать во еже всех заступати и избавляти от скорби и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго и Того на кресте распинаема зрящи, егда оружие Симеоном предреченное сердце Твое пройде. Темже убо, о Мати чадолюбивая, вонми гласу моления нашего, утеши нас в скорби сущих, яко верная радости Ходатаица: предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити. Сего ради с верою сердечною и любовию от души припадаем к Тебе яко Царице и Владычице и псаломски вопити Тебе дерзаем: слыша, Дщи, и виждь, и приклони ухо Твое, услыши моление наше, и избави нас от обстоящих бед и скорбей; Ты бо прошения всех верных, яко скорбящих радость, исполняeши, и душам их мир и утешение подавши. Се зриши беду нашу и скорбь: яви нам милость Твою, посли утешение уязвленному печалию сердцу нашему, покажи и удиви на нас грешных богатство милосердия Твоего, подаждь нам слезы покаяния ко очищению грехов наших и утолению гнева Божия, да с чистым сердцем, совестию благою и надеждою несумненною прибегаем ко Твоему ходатайству и заступлению: приими, всемилостивая наша Владычице Богородице, усердное моление наше Тебе приносимое, и не отрини нас, недостойных, от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческая, буди нам помощница неотступная во все дни жизни нашея, яко да под Твоим матерним покровом всегда пребудем цели и сохранена Твоим заступлением и молитвами к Сыну Твоему и Богу Спасителю нашему, Ему же подобает всякая слава, честь и поклонение, со безначальным Его Отцом и Святым Духом, ныне и присно и во веки веков. Аминь.

Святому великомученику и целителю Пантелеимону

Страстотерпче святый и целебниче Пантелеимоне, моли Милостивого Бога, да прегрешений оставление подаст душам нашим.

Подражатель сый Милостиваго, и исцелений благодать от Него прием Кондак, глас 5-й: , страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.

Святый великомучениче и целителю Пантелеимоне, Бога милостиваго подражателю! Призри благосердием и услыши нас, грешных, пред святою твоей иконою усердне молящихся. Испроси нам у Господа Бога, Емуже со Ангелы предстоиши на небеси, оставление грехов и прегрешений наших: исцели болезни душевныя же и телесныя рабов Божиих, ныне поминаемых, зде предстоящих и всех христиан православных, к твоему заступлению притекающих: cе бо мы, по грехом нашим люте одержимы есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь; даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да, сподобившися тобою великих и богатых милостей, прославим тя и Подателя всех благ, дивнаго во святых, Бога нашего, Отца, и Сына, и Святаго Духа. Аминь.

Святому великомученику и целителю Пантелеимону молитва вторая,

наедине от лица болящего читаемая

О великий угодниче Христов, страстотерпче и врачу многомилостивый, Пантелеимоне! Умилосердися надо мною, грешным рабом, услыши стенание и вопль мой, умилостиви небеснаго, верховнаго Врача душ и телес наших, Христа Бога нашего, да дарует ми исцеление от гнетущаго мя недуга. Приими недостойное моление грешнейшаго паче всех человек, посети мя благодатным посещением, не возгнушайся греховных язв моих, помажи елеем милости твоея и исцели мя; да, здрав сый душею и телом, остаток дний моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует ми здравие телу и спасение души моей. Аминь.

Святой блаженной Ксении Петербургской

Нищету Христову возлюбивши, безсмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси. Сего ради дар чудодейственныя помощи стяжавшая, Ксение блаженная, моли Христа Бога избавитися нам от всякого зла покаянием.

Днесь светло ликует град святого Петра, яко множество скорбящих обретают утешение, на твоя молитвы надеющеся, Ксение всеблаженная, ты бо еси граду сему похвала и утверждение.

О, святая всеблаженная мати Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогушаго покоишися. Ныне Святая Церковь, яко благоуханный цвет, прославляет тя: предстояще на месте погребения твоего, пред образом твоим святым, яко живей ти, сушей с нами, молимся ти: приими прошения наша и принеси их ко Престолу Милосердаго Отца Небеснаго, яко дерзновение к Нему имущая, испроси притекающим к тебе вечное спасение, и на благая дела и начинания наша щедрое благословение, от всяких бед и скорбей избавление, предстани святыми твоими молитвами пред Всемилостивым Спасителем нашим о нас, недостойных и грешных, помози, святая блаженная мати Ксение, младенцы светом Святаго Крещения озарити и печатию дара Духа Святаго запечатлети, отроки и отроковицы в вере, честности, богобоязненности и целомудрии воспитати и успехи в учении им даровати; болящия и недугующия исцели, семейным любовь и согласие низпосли, монашествующим подвигом добрым подвизатися удостой и от поношений огради, пастыри в крепости духа утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли: ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно и во веки веков. Аминь.

Святителю Спиридону чудотворцу,

Собора перваго показался еси поборник и чудотворец, богоносне Спиридоне, отче наш. Темже мертву ты во гробе возгласив, и змию в злато претворил еси, и внегда пети тебе святыя молитвы, ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

Любовию Христовою уязвився, священнейший, ум вперив зарею Духа, детельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

О, великий и пречудный святителю Христов и чудотворче Спиридоне, Керкирская похвале, всея вселенныя светильниче пресветлый, теплый к Богу молитвенниче и всем, к тебе прибегающим и с верою молящимся, скоропредстательный заступниче! Ты веру Православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши, святителю Христов, нас грешных, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси люди твоя: от нашествия Aгарян и от глада страну твою сохранил еси, царя от неисцельнаго недуга избавил и многая грешники к покаянию привел еси, за святость же жития твоего ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и живущия же неправедно обличати. Многим, в скудости и недостаточестве живущим, ты усердно помогал еси, люди убогия изобильно во время глада напитал еси, и иная многая знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя, и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков. Аминь.

Преподобному Серафиму, Саровскому Чудотворцу

От юности Христа возлюбил еси, блаженне, и Тому Единому работати пламенне вожделев, непрестанною молитвою и трудом в пустыни подвизался еси, умиленным же сердцем любовь Христову стяжав, избранник возлюблен Божия Матери явился еси. Сего ради вопием ти: спасай нас молитвами твоими, Серафиме, преподобне отче наш.

Мира красоту и яже в нем тленная оставив, преподобне, в Саровскую обитель вселился еси; и тамо ангельски пожив, многим путь был еси ко спасению. Сего ради и Христос тебе, отче Серафиме, прослави, и даром исцелений и чудес обогати. Темже вопием ти: радуйся, Серафиме, преподобне отче наш.

О, пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебя тощь и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрений, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любовь твоя преста от нас, и невозможно есть исчислити чудеса твоя, умножившаяся, яко звезды небесныя: се бо по всем концем земли нашея людем Божиим являешися и даруеши им исцеления. Темже и мы вопием ти: о, претихий и кроткий угодниче Божий, дерзновенный к Нему молитвенниче, николиже призывающия тя отреваяй! Вознеси о нас благомощную твою молитву ко Господу сил, да дарует нам вся благотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в Вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.

Святой Мученице Параскеве, нареченной Пятница

Премудрая и всехвальная Христова мученица Параскева, мужескую крепость приемши, женскую же немощь отвергши, диавола победи, и мучителя посрами, вопиющи и глаголющи: приидите, тело мое мечем ссецыте и огнем сожгите, аз бо радующися иду ко Христу, Жениху моему. Тоя молитвами, Христе Боже, спаси души наша.

Всесвятое и непорочное мучение принесши, яко вино пречестное, безсмертному Жениху Христу, ангельское ликостояние возвеселила еси и победила еси демонския козни: сего ради тя честно верою чтим, мученице Параскево, многострадальная.

О, святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная!

Молим тя, святая мученице: буди о нас печальница ко Христу Богу, Егоже преблаженнейшим зрением присно веселишися; моли Всемилостиваго, Иже словом очи слепым отверзе, да избавит нас от болезни очес наших, телесных вкупе и душевных, разжени твоими святыми молитвами темный мрак прибывший от грехов наших, испроси у Отца света благодати душевным и телесным очесем нашим, просвети нас, омраченных грехми, светом Божия благодати, да твоих ради святых молитв дастся безочесным сладкое зрение.

О, великая угоднице Божия! О, мужественнейшая дево! О, крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощни есмы. Моли Господа, чистая девице, моли Милосердаго, святая мученице, моли Жениха твоего; непорочная Христова невесто, да твоими молитвами пособствовани, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.

Бессребреникам и чудотворцам Косме и Дамиану

Святии безсребренницы и чудотворцы, Космо и Дамиане, посетите немощи наша: туне приясте, туне дадите нам.

Благодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложисте, мир исцеляюще чудесы.

К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем, мы недостойнии, преклонше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих.

Умолите Господа, да пробавит нам, недостойным рабом Своим, великия и богатыя Своя милости, избавьте нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры безмезднаго врачевания и мученическия кончины вашея. Паки, припадающе, прилежно молим: испросите нам от Господа вся благополезная, яже в животе нашем временном, наипаче же ко спасению вечному належащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки, безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия, аще бо по множеству грехов наших и несмы достойни милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление, всегда, ныне и присно и во веки веков. Аминь.

Мученик Твой, Господи, Трифон во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Троическою твердостию многобожие разрушил еси от конец, всеславне, честен во Христе быв, и, победив мучители во Христе Спасителе, венец приял еси мученичества твоего и дарования Божественных исцелений, яко непобедим.

О, святый мучениче Христов Трифоне, скорый помощниче всем, к тебе прибегающим, и молящимся пред святым твоим образом, скоропослушный предстателю! Услыши убо ныне и на всякий час моление нас, недостойных рабов твоих, почитающих святую память твою, и предстательствуй о нас пред Господем на всяком месте, ты бо, угодниче Христов, святый мученече и чудотворче Трифоне, в великих чудесех возсиявый, прежде исхода твоего от жития сего тленнаго молился еси ко Господу и испросил у Него дар сей: аще кто в коей-либо нужде, беде, печали и болезни душевней или телесней призывати начнет святое имя твое, той да избавлен будет от всякаго прилога злаго, и якоже ты иногда дщерь цареву, во граде Риме от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день страшный последняго нашего издыхания предстательствуй о нас, буди нам тогда помошник, и скорый прогонитель лукавых духов, и к Царствию Небесному предводитель, идеже ты ныне предстоиши с лики святых у Престола Божия, моли Господа, да сподобит и нас причастниками быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Аминь.

Святому и праведному Иоанну Кронштадскому

Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче, Божественных Тайн благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и Церкви нашея украшение, моли Всеблагаго Бога умирити мир и спасти души наша.

Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: “Созижду Церковь Мою и врата адова не одолеют ей”.

О, великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю!

Вознося славословие Триединому Богу, ты молитвенно взывал:

“Имя Тебе – Любовь: не отвергни меня заблуждающагося;

Имя Тебе – Сила: укрепи меня изнемогающаго и падающаго;

Имя Тебе – Свет: просвети душу мою, омраченную житейскими страстями;

Имя Тебе – Мир: умири мятущуюся душу мою.

Имя Тебе – Милость: не переставай миловать меня.”

Ныне благодарная твоему предстательству всероссийская паства молится тебе:

Христоименитый и праведный угодниче Божий!

Любовию твоею озари нас, грешных и немощных, сподоби нас принести достойные плоды покаяния и неосужденно причащатися Святых Христовых Таин;

cилою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави;

cветом лика твоего служителей и предстоятелей Aлтаря Христова на святые подвиги пастырскаго делания подвигни, младенцам воспитание даруй, юность настави, старость поддержи, святыни храмов и святые обители озари;

умири, чудотворче и провидче преизряднейший, народы страны нашея, благодатию и даром Святаго Духа избави от междоусобныя брани, расточенныя собери, прелыщенныя обрати и совокупи Святей Соборной и Апостольской Церкви;

Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых свободи, в нуждах и обстояниях сущих помилуй и всех нас на путь спасения настави.

Во Христе живый, отче наш Иоанне!

Приведи нас к невечернему свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

Преподобному Иову Почаевскому

Возложь на ся иго Христово от юности, преподобне отче Иове, многолетне свято подвизался еси на поприще благочестия во обители Угорницкой и на острове Дубенстем, и пришед к горе Почаевской, знаменанной цельбоносною стопою Пресвятыя Богородицы, в тесной пещере каменней богомыслия ради и молитвы многократно заключался еси, и, благодатию Божиею укрепляяся, мужественно потрудился еси на пользу обители твоея, купно же и противу врагов Православия и благочестия христианскаго. И наставив сицевому ополчению иночествующих, победители тех представил еси Владыце своему и Богу. Того моли спастися душам нашим.

Возсия от спуда земнаго сокровище нетленное мощей твоих, угодниче Божий, яко, благочестно пожив в вере Христа Бога нашего, достигл еси добродетелей совершенства, и, оставив сладость жития преходящаго, в пещере горы Почаевския в пощениих, молитвах и трудех свято подвизался еси, и теми тело твое увядил еси. Ныне же, пришед к Богу в безмятежный и вечный покой, молишися о всех с верою к тебе прибегающих. Радуйся, Иове, преславный угодниче Божий и обители Почаевския украшение.

О, всесвятый и преславный угодниче Божий, преподобне отче наш Иове, присный о нас ко Господу молитвенниче и теплый предстателю о душах наших, к тебе всеумиленно ныне притекаем, и поминающе подвиги и чудеса твоя, яже сотворил еси и твориши на земли, просим и молим твою благостыню: якоже твердо и неизменно потрудился еси в вере Христа Бога нашего, и сию до конца в себе и во всех присных твоих целу и невредиму сохранивый от всяких приражений вражиих и ересей тлетворных, сице и нас в Православии и единомыслии укрепи, отгоняя молитвами твоими всякую тьму неверия и неправомыслия от сердец и помышлений наших; послуживый Господу и Богу твоему делы благими и неизреченным самоотвержением в трудех, бдениих и пощениих, настави нас на путь всякия добредетели и благостыни, избавляя от искушений и грехов, удаляющих нас от Бога и повергающих в бездну зла все житие наше; явивыйся иногда с Пречистою Девою Богородицею верху горы Почаевския во спасение обители твоея от нашествия и обложения агарянскаго, и ныне ускори на помощь всей православней и боголюбивей державе нашей противу всех врагов наших внешних и внутренних, утверждая мир и тишину в земли нашей, да твоими молитвами и предстательством тихое и безмолвное житие поживем во всяком благочестии и чистоте;

и всем, к тебе притекающим, и припадающим к к раце честных и многоцелебных мощей твоих и твоея помощи и заступления требующим неоскудныя милости независтно подаваяй, не остави и нас, сирых и безпомощных, тебе молящихся, избавляя от всякия скорби, гнева и нужды, от глада, губительства, труса, потопа, огня, меча, нашествия иноплеменник и междоусобныя брани.

Ей, угодниче Божий, призри милостивно от Престола Царя славы, Емуже ты ныне предстоиши со архангелы и ангелы и со всеми святыми, на обитель твою сию Почаевскую, еюже ты древле мудро правил еси, наздав ю всехвальным и дивным житием твоим, и сохрани ю молитвами твоими, и всякий град, и страну, и всех отовсюду, на мори и на суши, в пустынех и в злоключениих многоразличных тебе призывающих, от всех зол видимых и невидимых, да, тако твоею помощию и ходатайством спасаеми, в веце сем и по скончании живота нашего сподобимся купно с тобою славити и воспевати Всечестное имя Отца и Сына и Святаго Духа во веки веков. Аминь.

Преподобному Сампсому странноприимцу

В терпении твоем стяжал еси мзду твою, отче преподобне, в молитвах непрестанно терпевый, нищия возлюбивый и сия удовливый, но молися Христу Богу, Сампсоне милостиве блаженне, спастися душам нашим.

Яко врача всеизрядна и молитвенника благоприятна, к раце твоей притекающе, Сампсоне богомудре преподобне, сошедшеся любовию, псалмы и песньми, радующеся, Христа прославляем, таковую тебе благодать подавающа исцелений.

Молитва: О, теплый молитвенниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю Прославльшагося в тебе Господа во веки. Аминь.

наставнику Пантелеимона, иерею Никомидийскому

Миром благодати помазан, преблаженне отче Ермолае, иерей Бога Вышняго явился еси и благочестия светлый проповедник, мученик же твердый и безмездный врач притекающих к тебе. Слава Давшему тебе крепость, слава Венчавшему тя, слава Действующему тобою всем исцеления.

Яко святитель благочестно пожив и священномучения венец приял еси. Идольския жертвы погасив, добрый пастырь Христова стада был еси, премудре, и Пантелеимону истинный учитель. Сего ради почитаем тя песньми, вопиюще: от бед избави нас присно молитвами твоими, Ермолае, отче наш.

Веселися, граде Никомидие, радуйся, соборе верных, светло торжествующе в память Ермолая священномученика, скорбящих сострадательнаго утешителя, обидимых теплаго заступника, болящих безмезднаго врача, молящагося о спасении душ наших.

О, преславный священномучениче Ермолае и скорый помощниче христианом в болезнех! Верую от всея души и помышления, яко дадеся тебе от Господа дар болящия врачевати и расслабленныя укрепляти. Сего ради к тебе, яко благодатному врачу болезней, аз немощный прибегаю и, твой досточтимый образ с благоговением лобызая, молюся: твоим предстательством у Царя Небеснаго испроси мне болящему исцеление от удручающия мя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.

Архангелам Рафаилу и Михаилу

Небесных воинств Архистратизе, молим тя присно мы недостойнии, да твоими молитвами оградиши нас кровом крил невещественныя твоея славы; сохраняюще нас, припадающих прилежно и вопиющих: от бед избави нас, яко чиноначальник вышних сил.

Архистратизи Божии, служителие Божественным славы, Ангелов начальниче, и человеков наставницы полезное нам проси и велию милость, яко безплотных Архистратизи.

Молитва Архангелу Рафаилу

О, святый великий Архангеле Рафаиле, престолу Божию предстояй! Ты благодатию, от Всемогущаго Врача душ и телес наших, тебе данною, праведнаго мужа Тавита от слепоты телесныя исцелил еси, и сына его Товию, спутешествуя ему, от злаго духа сохранил еси. Всеусердно молю тя: буди мне путеводитель в жизни моей. Cохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и ко творению добрых дел. О, святый великий Рафаиле Архангеле! Услыши мене грешнаго, молящагося тебе, и сподоби в здешней и будущей жизни благодарити и славити общаго Создателя нашего в безконечныя веки веков. Аминь.

Молитва Архистратигу Михаилу

Небесных воинств Архистратизе, молим тя присно мы недостойнии, да твоими молитвами оградиши нас кровом крил невещественныя твоея славы; сохраняюще нас, припадающих прилежно и вопиющих: от бед избави нас, яко чиноначальник вышних сил.

Архистратизи Божии, служителие Божественным славы, Ангелов начальниче, и человеков наставницы полезное нам проси и велию милость, яко безплотных Архистратизи.

Заказ треб на Святой Земле

Copyright Символ Веры ©2007 – 2017. All Rights Reserved.