Молитва вонифатию аглаиде

Чудотворные слова: молитва вонифатию аглаиде в полном описании из всех найденных нами источников.

Акафист – Мученику Вонифатию и праведной Аглаиде

Избранный воине Христов, венцем славы украшенный, мученической смертию вечныя смерти избавивыйся, от мрака греховнаго отвративыйся и к вечному Свету пришедый, приими моление наше в похвалу тебе приносимое, и нас избави от сетей лукаваго врага нашего, да тебе с радостию зовем:

Радуйся, Вонифатие, мучениче многострадальный.

Ангелом светлым, огнь мучений твоих росою благодати угасивым, огражден был еси, страдальче Христов Вонифатие, да яко грешник нераскаянный не погибнеши и пред Господем в одежде брачней предстанеши, научи и нас облещися в светлыя ризы святости, тебе зовущих:

Радуйся, жизнь за Христа отдавый; радуйся, страданиям Его подражавый.

Радуйся, очи своя к Богу обративый; радуйся, волю свою добродетелью укрепивый.

Радуйся, рабе Христов верный; радуйся, святый конец жития своего приемый.

Радуйся, к покаянию сердца обращаяй; радуйся, ко Христу Пути Истинному, приводяй.

Радуйся, Духом Святым просвещенный; радуйся, соблазнами мира сего не прельщенный.

Радуйся, змия лукаваго посрамивый; радуйся, святых лик возвеселивый.

Радуйся, Вонифатие, мучениче многострадальный.

Видя многомятежие мира сего и печали земныя, и сия вся яко прах вменив, к премирным возвел еси ум твой, страдальче Христов, на высоту благоразумия возшед, Христа Бога пред всеми исповедал еси, и ныне души всех, во гресех погибающих, к милосердому Господу зовеши, да во смирении покаются и во слезах умиленно Ему возопиют: Аллилуиа.

Разум трезвением укрепил еси и страстей пламень покаянием угасил еси, Вонифатие предивный, от запада на восток из Рима пришел еси, спострадати Господу Иисусу Христу нашему, намерение святое неся, да благодать в тебе преизобилует, и нас ныне в храм Божий привлекл еси, тебе глаголющих:

Радуйся, страсти побороти научаяй; радуйся, отчаянным надежду спасения подаваяй.

Радуйся, суету жизни земныя познавый; радуйся, страдания своя предсказавый.

Радуйся, трезвящихся отрадо и ободрение; радуйся, немощных волею укрепление.

Радуйся, яко тобою от пианства отвращаемся; радуйся, яко тобою к Богу обращаемся.

Радуйся, исцелений источниче неисчерпаемый; радуйся, чудес сокровище неоскудеваемое.

Радуйся, научаяй нас присно возносити ум наш к Богу; радуйся, обретый истинную от грехов свободу.

Радуйся, Вонифатие, мучениче многострадальный.

Сила милосердия Божия неизреченна на тебе открыся, ибо жития твоего, мучениче, дивное повествование явно нам сказует, како велии грешницы милостивно Отцем нашим Богом приемлются, егда Ему покаяние принесут, тако и ты Богу угодил еси и вместо горькия смерти вечную жизнь приял еси, научи и нас Богу пети выну: Аллилуиа.

Имея ныне радость вечную в Небесных Селениях, и нас грешных на земли не забываеши, мучениче Христов Вонифатие. Мы же труждающиися и обремененнии, к тебе прибегаем: не остави нас сирых и недужных, помощи у тебе просящих, но мольбы наша на Алтарь Небесный принеси, да радостно тебе зовем:

Радуйся, ближняго яко себе самого возлюбивый; радуйся, во гресех сердце свое не ожесточивый.

Радуйся, странником и путником со всяким тщанием служивый; радуйся, сего ради нощию стогны града обходивый.

Радуйся, богатыя милосердию научаяй; радуйся, сирыя и вдовицы защищаяй.

Радуйся, бедствующим и униженным добрый предстателю; радуйся, за обидимых и уничижаемых присный ходатаю.

Радуйся, нестерпимою жаждою пианства палимыя трезвением прохлаждаяй; радуйся, вина ради обнищавшия к трезвению призываяй.

Радуйся, жены рыдающия утешаяй; радуйся, слезы их ко Господу приносяй.

Радуйся, Вонифатие, мучениче многострадальный.

Бури греховныя тебе не потопиша, ниже волны страстей покрыша, мучениче Христов, не погибл еси, но ко Христу пришел еси и жизнь свою, яко жертву благовонную, Ему, Сладчайшему Спасителю нашему, принесл еси. Молися убо, да и мы, в житейстем мори сущии, к тихому пристанищу, Господу Спасителю, притецем, во умилении зовуще: Аллилуиа.

Слышим и мы евангельскую притчу, како блудный сын на стране далече имение свое иждивше, от глада душевнаго в себе пришед, во объятия отчия притече, в покаянии зовый: Отче, согреших на Небо и пред тобою. Тако и ты, мучениче Вонифатие, не погубив себе, но от рожец греха отвративыйся, ко Христу обратился еси. Мы же, исправлению твоему радующеся, поем ти сице:

Радуйся, глад крепок в работе страстем испытавый; радуйся, Христа Бога, яко хлеба живаго, взалкавый.

Радуйся, Пречистыя Крове Его, яко истиннаго пития приобщивыйся; радуйся, яко преславным мучеником приложивыйся.

Радуйся, на крылех трезвения к Богу возлетевый; радуйся, сердце свое горе имевый.

Радуйся, ко Господу силою Животворящаго Креста пришедый; радуйся, яко приял еси венец победы.

Радуйся, души нашея сокровище нетленное; радуйся, Церкве нашея украшение многоценное.

Радуйся, красоты мира сего отвергий; радуйся, греховную одежду с себе совлекий.

Радуйся, Вонифатие, мучениче многострадальный.

Боготечную Кровь Христову за всех нас недостойных и кровь мученическую за Христа пролиянную памятующе, сице тебе вещаше Аглаида: сам веси, сколь многими грехми осквернени есмы, и о будущем жития нашего небрежем. Аз же от божественнаго мужа слышах, яко мучеников мощи спасение даруют, иже мученика, яко хранителя и ходатая пред Богом имать. И мы тебе глаголем: ты еси наш хранитель и ходатай пред Богом нашим, ибо со Ангелы предстоиши Престолу Пресвятей Троицы поя: Аллилуиа.

Видим ныне и разумеем, како сии глаголы Аглаиды душу твою пробудиша, и ты к воздержанию призвал еси себе, мучениче Вонифатие, нам помози подражати тебе, да не погибнем в пучине беззакония потопляеми, но радостно тебе зовем:

Радуйся, от страстей, яко от погибельнаго сна, пробудивыйся; радуйся, от уз греховных свободивыйся.

Радуйся, сомневающихся в милосердии Божиим обличение; радуйся, безконечныя радости утверждение.

Радуйся, зовый нас к подвигу воздержания; радуйся, ты бо знамением Креста пресекл еси страстей взыграние.

Радуйся, стяжавый себе вечное имение; радуйся, и нас побуждаяй к труду спасения.

Радуйся, яко винное веселие презрел еси; радуйся, плотския раны, яко безплотен, претерпел еси.

Радуйся, за исповедание Христа от врагов избиенный; радуйся, нестерпимым огнем за Него опаленный.

Радуйся, Вонифатие, мучениче многострадальный.

Проповедница поклонения святым мощем явися Аглаида, госпожа твоя, страдальче Христов, егда посла тя на восток святые мощи мучеников, за веру Христову пострадавших, принести, имиже благодеяния источаются обильно и вечное спасение подается всем, к мученическому лику усердно притекающим. Даждь и нам утешение от Господа прияти, Ему же ангельскую песнь приносим: Аллилуиа.

Возсиял еси нам, яко звезда незаходимая, дивным житием твоим, мучениче преблаженне, иго Христово легкое и вседрагое на себе приемый и спасение получивый, пути бо благочестия без Христа Господа обрести никакоже возможно есть. Темже и нас молитвами твоими в Горняя обители приведи, тя восхваляющих сице:

Радуйся, закона Христова скрижаль богоначертанная; радуйся, молитв ко Господу миро благоуханное.

Радуйся, правыя веры Христовой столпе огненный; радуйся, честный венче заповедей Божиих, якоже от камений драгих, устроенный.

Радуйся, трезвения лествице небовосходная; радуйся, болезни и раны врачуяй греховныя.

Радуйся, от Господа Иисуса Христа благодать и силу приял еси; радуйся, яко свет Христов сим возсиял еси.

Радуйся, воздержанием от грехов освещати праздники нас научаяй; радуйся, от смертнаго вина нас охраняяй.

Радуйся, умерщвленныя страстьми светом Христовым оживляяй; радуйся, тыя к новому житию призываяй.

Радуйся, Вонифатие, мучениче многострадальный.

Хотя отыти от дому своего в путь на восток, кончину жития твоего предрекл еси, достохвальне, Аглаиде глаголя: Госпоже моя, приими мое тело, за Христа мучимое, егда его принесут ти. В душе твоей мысль за Христа пострадати имевый, ты Ему сокровенно молился еси, и нашу веру укрепи, да будем готови и мы ея ради страдати, Господу поюще: Аллилуиа.

Дивному и преславному исправлению твоему не веруя, помысли лукавое в сердце своем Аглаида, грехом бо хуления оболгати тя хотяще, тако отвеща ти: «Ныне не глумления время, брате, но благоговения, ведый буди, яко мощи святыя имаши носити. Господь же да послет Ангела Своего пред тобою и направит стопы твоя милосердием Своим». Мы же, чистоту сердца твоего, дивный Вонифатие, зряще, вопием ти:

Радуйся, святых мощей почитателю; радуйся, благоговения образа нам подателю.

Радуйся, безчинств хранитися нам повелевый; радуйся, вся, о них же сынове века сего радуются, презревый.

Радуйся, известный нам помощниче; радуйся, святых мощей таинниче.

Радуйся, всем борющимся со грехми покровителю; радуйся, покаяния нашего пред Богом поручителю.

Радуйся, яко твоими молитвами Господь оставляет прегрешения; радуйся, помогаяй нам терпети скорби и поношения.

Радуйся, ликом ангельским сотворивый радость и удивление; радуйся, духов злобы приведый в посрамление.

Радуйся, Вонифатие, мучениче многострадальный.

Странно тебе бысть языческое идолослужение, и ты, святый мучениче, в Тарс пришед, не преклонил еси колен пред богами чуждыми, но Апостолом показался еси ревнитель. Темже молися за ны, да возгоримся и мы огнем любве ко Владыце Христу, поюще всегда: Аллилуиа.

Весь распалился еси ревностию святою, хуления на Господа не терпя, и исполнился еси духа Божия, ослепление и безумие поклоняющихся ложным богам обличая. Сего ради царь нечестивый казнь наведе на тя, мучениче, горькую, бичми нестерпимо бия и раны нанося неисцельныя. Мы же тебе похвалу поем:

Радуйся, зловерия обличителю дерзновенный; радуйся, в правду Божию, аки в броню облеченный.

Радуйся, яко кости твоя от ран за Христа обнажахуся; радуйся, яко чистота души твоея тогда открывашася.

Радуйся, яко наследовал еси небесная селения; радуйся, яко и ныне обличаеши злых человек на Христа хуления.

Радуйся, за Христа острыми тростьми прободаемый; радуйся, сада райскаго цвете неувядаемый.

Радуйся, яко злато горнилом язв очищенный; радуйся, за Христа ударенный.

Радуйся, кончиною своею Богу угодвый; радуйся, даже до смерти мученической Его возлюбивый.

Радуйся, Вонифатие, мучениче многострадальный.

Всего себе Господу Богу предав, страстотерпче Христов, егда нечестивый царь повеле раскрыти уста твоя и олово кипящее влити, руце своя воздвигл еси к небу, моляся: Господи Боже мой Иисусе Христе, укрепивый мене в муках, пребуди и ныне со мною, моя страдания облегчи и не остави мене одолену быти лукавым князем. Тем и нас любви ко Христу научаеши, поющих Богу: Аллилуиа.

Витии суемудреннии да рекут нам, како олово разжженное гортани твоея не опали, ниже инаго вреда тебе сотвори, мучениче Вонифатие, от Господа бо знамения победы над мучителем просил еси, и сие знамение тебе дано бысть. Сего ради вси чудящеся восклицаху: Велий есть, Иисусе Христе, веруем, веруем в Тя, Господи. Мы же славим тя, мучениче, сице:

Радуйся, яко тобою вернии просвещаются; радуйся, яко тобою от постыдныя смерти избавляются.

Радуйся, во единем Христе утешение полагаяй; радуйся, во страданиях призывати Бога научаяй.

Радуйся, яко мучителие тебе не превозмогоша; радуйся, яко страсти тебе не поборота.

Радуйся, ты бо терние грехов в себе попалил еси; радуйся, ты бо огнем не опален пребыл еси.

Радуйся, присно живый страстотерпче радостный; радуйся, молитвенниче наш благостный.

Радуйся, яко тобою очеса, грехми ослепленныя, отверзаются; радуйся, яко помощию твоею печали на радость прелагаются.

Радуйся, Вонифатие, мучениче многострадальный.

Спасен быти восхотев, пламенне возжелел еси до конца за Господа пострадати, мучениче Вонифатие, Емуже и возопил еси: Господи, Господи Боже мой, сподоби мя милостей Твоих и буди ми помощник, да за беззакония моя безумно содеянныя, враг не преградит ми пути к Небеси, приими с миром душу мою, вчини мя с мучениками, кровь за Тя пролившими и веру до конца соблюдшими, и ныне вопиющими Ти: Аллилуиа.

Стена крепкая, козньми врага неодоленная, пребыл еси до конца, мучениче Христов, егда же глава твоя от телеси отсечена бысть, о чудесе! Абие кровь и млеко из раны тоя истекоша, яко и неверным, чудо сие зрящим, Христа прославити и с нами звати тебе:

Радуйся, яко мучения твоя зряще, множество людей ко Христу обратишася; радуйся, яко тебе ради на князя злобы тии устремишася.

Радуйся, твоя бо кончина просвети умы помраченныя; радуйся, твоя бо славная смерть воскреси совести, во гресех погребенныя.

Радуйся, нераскаянных грешников обличение; радуйся, волею расслабленных от вина исцеление.

Радуйся, в нощи неведения блуждающим вразумление; радуйся, златая удице из глубины грехов влекущая ко спасению.

Радуйся, яко от Бога в молитвах услышан был еси; радуйся, яко в Небеснем Царствии вселился еси.

Радуйся, порфирою от кровей твоих облеченный; радуйся, яко зриши ныне свет неизреченный.

Радуйся, Вонифатие, мучениче многострадальный.

Пение немолчное приносиши Господеви, мучениче Вонифатие, с мученическими лики Пресвятей Троице предстоя, за Нюже себе предал еси, да и мы души своя, аки невесты украсивше, нетленному Жениху Христу представим со священною песнею: Аллилуиа.

Свет любве и по смерти возсиял еси, Вонифатие дивный, егда бо друзи, твою усеченную главу обретше, плакахуся горько: Рабе Христов, забуди нам грех неправеднаго осуждения и безрассудных руганий наших. Тогда лик твой, яко лучами живыми, просветися, прощение им являя. Сего ради с любовию тебе зовем:

Радуйся, имеяй уста кротости сладковещанныя; радуйся, любве вместилище пространное.

Радуйся, о тебе бо веселится Церковь со своими чады; радуйся, ты бо пришел еси к Вышнему Небесному Граду.

Радуйся, в смерти своей Апостолом равный; радуйся, ревностию по Бозе преславный.

Радуйся, житейския молвы обличаяй злыя сплетения; радуйся, всех нас от вражия избавляяй ловления.

Радуйся, ты бо защищаеши неправедно гонимыя; радуйся, пред Престолом Господним лампадо неугасимая.

Радуйся, по заповеди Христовой и врагов возлюбивый; радуйся, злословия и клеветы нивочтоже вменивый.

Радуйся, Вонифатие, мучениче многострадальный.

Благодать исцелений точащия мощи твоя егда к Риму приближахуся, Ангел Господень явися Аглаиде, глаголя: Бывшаго ти древле раба, ныне же нашего брата и сослужебника приими, якоже владыку, и упокой добре, да грехи твоя оставятся, той бо с нами ныне в Небесных поет Всевышнему Богу: Аллилуиа.

Поющи чудеса твоя, храм дивный созда тебе, воине Христов, Аглаида, в немже и мощи твоя положи, и сама, богатство нищим раздавши и пятьнадесят лет в подвизех поста и покаяния поживши, лика святых достиже. Темже величюще чудеса твоя, прославляем тя сице:

Радуйся, душу твою сотворивый храм Богу прекрасный; радуйся, чудных Божиих дел книго ясная.

Радуйся, внезапныя смерти избавляяй; радуйся, скорбныя жены от злых пианиц ограждаяй.

Радуйся, падшия к возстанию от грехов призываяй; радуйся, свет чистоты им подаваяй.

Радуйся, ты бо укрощаеши страстей огневицу; радуйся, тобою бо оставляем греховную темницу.

Радуйся, малыя чада от соблазнов мира соблюдаяй; радуйся, тыя Христову учению наставляяй.

Радуйся, вестниче трезвости, вовеки прославляемый; радуйся, угодниче Христов присно почитаемый.

Радуйся, Вонифатие, мучениче многострадальный.

О, предивный мучение Христов Вонифатие, приими от нас сие малое похвальное приношение, еже пред иконою твоею, колена преклоньше и руце свои к тебе простерше, тебе ныне просим: даруй нам твое пред Господем заступление, наипаче же погибающим от пианства исцеление низпосли и жития благаго начало положити всех нас сподоби, да спасение улучивши, молитвами твоими, во веки восхвалим Бога, поюще Ему: Аллилуиа. Этот кондак читается трижды, затем икос 1-й «Ангелом светлым. » и кондак 1-й «Избранный воине Христов. ».

Тел.: +7 495 668 11 90. ООО «Рублев» © 2014-2017 «Рублев»

Авторизуйтесь

Для выполнения действия вы должны быть авторизованы.

Bookitut.ru

Святой мученик Вонифатий

В годы зарождения христианства в Риме многим была известна женщина по имени Аглаида. Молодая, богатая и красивая, она могла быть завидной невестой, если бы не была обуреваема плотскими страстями. Дни и ночи напролет Аглаида проводила в пьянстве, распутстве и прочих грехах вместе со своим управляющим, верным Вонифатием.

Но Вонифатий, несмотря на такой образ жизни и пристрастие к спиртному, был по натуре человеком добрым. Он не жалел денег тем, кто в них особенно нуждался, щедро раздавая нищим милостыню и привечая странников. Вонифатий искренне хотел исправиться и постоянно обращался к Богу с просьбой о помощи в избавлении от порочной жизни.

Христиан в то время настойчиво преследовали правители-язычники. Многие верующие приняли мученическую смерть за исповедание христианской веры. Однажды Аглаида, опомнившись от пьянства, решила заиметь в доме мощи одного из мучеников Христовых, чтобы они помогли ей избавиться от грехов. Она даже решила в будущем выстроить храм для скорейшего искупления грехов. Аглаида очень хотела иметь своего небесного защитника, молящего Бога о ее прощении.

Вонифатий согласился найти мощи, взял золото для их выкупа, ароматические масла и чистое полотно. Перед тем как отправиться в путь, он обернулся на пороге и спросил у Аглаиды, словно в шутку: «Если мне не удастся найти тело мученика, примешь ли ты с честью мое тело, замученное за веру христианскую?». Но Аглаида, рассмеявшись в ответ, назвала Вонифатия распутником и пьяницей.

Вонифатий отправился к месту казни христиан. В пути, сокрушаясь о своих грехах, он постоянно молился и постился. Когда Вонифатий пришел в город Тарс, славившийся особенно жестоким преследованием христиан, он оставил рабов в гостинице, а сам сразу же направился к месту казни. То, что он там увидел, потрясло его душу настолько, что Вонифатий подошел к мученикам, стал обнимать их и открыто и громко прославлять Господа. Он вознес Всевышнему молитву, чтобы тоже обрести мученический венец. Судья сразу обратил внимание на необычное поведение незнакомца. Он подозвал Вонифатия и велел принести жертву языческим богам. Когда Вонифатий отказался, его подвергли таким же жестоким пыткам, как остальных христиан. Святой не проронил ни стона, а, глядя на мучения других, еще более укрепился в вере.

Судья приказал залить Вонифатию расплавленное олово в глотку, но тот неустанно молился Господу и просил у Него какого-либо знамения о победе над грехами. Когда олово влили мученику в горло, Вонифатию это не причинило никакого вреда. Зеваки на трибунах были разочарованы, а судье пришлось скрыться от возмущенной толпы. Вонифатия заперли в темнице.

Утром для дерзкого мученика была придумана новая казнь: судья приказал бросить его в бочку с кипящей смолой. Но и на этот раз Вонифатий остался целым и невредимым. Смола, разбрызгиваясь при кипении, обожгла лишь стоящих возле котла палачей. После этого судья приказал отрубить мученику голову. Когда казнь свершилась, произошло еще одно чудо: из раны на шее Вонифатия брызнула кровь, смешанная с молоком. Увидев это знамение, многие язычники сразу же обратились в христианскую веру. Их было в тот день 550 человек.

Тем временем рабы, ожидая Вонифатия в гостинице, ругали его за то, что он долго не появляется, решив, что тот как всегда напился. Но прошел день, другой, третий, а Вонифатия все не было. Рабы отправились на его поиски и услышали от прохожих, что вчера на площади казнили какого-то чужестранца. Им показали место казни, и вскоре рабы нашли тело Вонифатия. Им стало стыдно, что они плохо подумали о нем в то время, когда он переносил такие ужасные муки во имя веры Христовой. Рабы оплакали Вонифатия, выкупили его тело, смазали его благовониями, завернули в полотно и отправились в обратный путь, чтобы доставить праведника своей госпоже.

Аглаида в день казни Вонифатия увидела в сонном видении ангела Господня, который велел ей приготовиться к встрече «того, кто был раньше у тебя слугой, ныне же стал нашим братом и сослужителем; прими того, кто был рабом у тебя, а теперь будет твоим господином, и благоговейно почитай его: отныне он хранитель души твоей и защитник твоей жизни».

Проснувшись утром, Аглаида вспомнила пророческую шутку своего управляющего. Она пригласила к себе священников и вышла на дорогу, чтобы с почестями встретить Вонифатия, который возвращался в ее дом господином. Она неустанно благодарила Господа за то, что Вонифатий был принят Им как Божий угодник.

Вскоре Аглаида выстроила храм в одном из имений, освятив его в честь Вонифатия, и поместила в него мощи святого. После молитвы святому Вонифатию стали совершаться чудесные явления: больные исцелялись, страждущие обретали душевный покой, а все, кто с верой молились у гроба праведника, получали от него то, чего желали.

После принятия Вонифатием мученического венца Аглаида отреклась от всего мирского, раздав все, что имела, беднякам. В течение 18 лет, до самого смертного часа, жила она в великом покаянии. После кончины блаженная Аглаида соединилась с Вонифатием. Ее мощи положили рядом с гробом святого.

Мученику Вонифатию следует молиться об избавлении от пристрастия к спиртному.

Память святого мученика Вонифатия православная церковь отмечает 1 января (19 декабря по старому стилю).

Тропарь (глас 4-й)

К сословию послан мучеников, мученик был еси истинен пострадав за Христа крепчайше, всехвальне, мощми же возвратился еси верою пославшей тя, Вонифатие блаженне, моли Христа Бога прияти нам грехов прощение.

Священие непорочное самовольно Тебе привел еси, Иже от Девы тебе ради родитися хотящему, святе венценосче, премудре Вонифатие.

Молитва (вариант 1)

О многострадальный и всехвальный мучениче Вонифатие! Ко твоему заступлению ныне прибегаем, молений нас, поющих тебе, не отвержи, но милостивно услыши нас. Виждь братию и сестры наша, тяжким недугом пианства одержимыя, виждь того ради от матери своея, Церкве Христовой, и вечнаго спасения отпадающия. О, святый мучениче Вонифатие, коснися сердцу их данною ти от Бога благодатию, скоро возстави от падений греховных и ко спасительному воздержанию приведи их. Умоли Господа Бога, Егоже ради страдал еси, да простив нам согрешения наша, не отвратит милости Своея от сынов Своих, но да укрепит в нас трезвение и целомудрие, да поможет Своею десницею трезвящимся спасительный обет свой до конца сохранити во дни и нощи, в Нем бодрствующе и о Нем добрый ответ на страшное судилище дати. Приими, угодниче Божий, молитвы матерей, о чадех своих слезы проливающих; жен честных, о мужех своих рыдающих, чад сирых и убогих, от пианиц оставленных, всех нас, к иконе твоей припадающих, и да приидет сей вопль наш молитвами ко Престолу Всевышняго даровати всем по молитвам их здравие и спасение душ и телес, наипаче же Царство Небесное. Покрый и соблюди нас от лукаваго ловления и всех козней вражиих, в страшный час исхода нашего помози прейти непреткновенно воздушныя мытарства и молитвами твоими избави вечнаго осуждения. Умоли же Господа даровати нам к отечеству нашему любовь нелицемерную и непоколебимую, пред врагами Церкве Святыя видимыми и невидимыми, да покроет нас милость Божия в нескончаемыя веки веков. Аминь.

Оценка 4.6 проголосовавших: 100
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here