Молитва к софии суздальской

Преподобная София Суздальская

Память святой преподобной Софии Суздальской совершается в Православной Церкви 14 августа по новому стилю.

Мирское имя будущей подвижницы Церкви было Соломония. Она родилась в конце XV века в боярской семье: ее отцом был Юрий Константинович Сабуров. О детстве и юности святой сохранилось очень мало сведений. Она была доброй и послушной дочерью.

В 1505 году великий князь выбрал отличавшуюся внешней красотой и внутренней скромностью Соломонию себе в жены. Однако, как только выяснилось, что княгиня не сможет родить для своего супруга наследника престола, князь Василий отдал приказ совершить над ней монашеский постриг, а сам женился на другой женщине. Его второй избранницей стала Елена Глинская.

В 1525 году состоялся постриг Соломонии в монахини, где она получила новое имя Софии. Местом подвига преподобной Софии стала Суздальская обитель, куда она была насильно отправлена своим мужем. Первое время чувство скорби наполняло сердце княгини, но, когда она стала воспринимать насильное изгнание как проявление воли Божией, стала усердно предаваться молитве. София полностью изгнала из своего ума и сердца мысли о мире и отдала все свои силы на служение Господу.

В 1533 году умер Василий III и власть оказалась в руках его второй супруги. Елена Глинская боялась, что София станет претендовать на княжеский престол. По этой причине преподобную заключили под стражу в Каргополе, где она пребывала до 1538 года, в котором последовала смерть Елены Глинской. Святая София была возвращена в Суздальский монастырь, где продолжила совершение монашеских подвигов молитвы и воздержания до момента разлучения ее души с телом, которое произошло в 1542 году. В степенной книге сохранилось свидетельство о том, что кончина преподобной была благодатной.

Еще во время земной жизни святой Софии Суздальской многие люди почитали ее как угодницу Божию, а после смерти преподобной весть о ее святости быстро распространилась по Руси. Перед ее истязаниями себя при жизни склонили головы многие люди знатного происхождения. Так, князь Андрей Курбский, направляя послание Иоанну Грозному, именовал в нем княгиню Софию преподобной мученицей. По некоторым сведениям сам царь Иоанн Грозный приходил приложится к гробнице святой Софии и пожертвовал для нее пелену, которую специально соткала его супруга Анастасия, а двое его сыновей также воздавали честь и возносили молитвы к преподобной Софии.

Сохранились исторические сведения об обильном происхождении чудесных исцелений возле святых мощей преподобной Софии Суздальской, которая безропотным перенесением жизненных страданий стала источником благодатной помощи ослабленныи маловерием людям. Ярким подтверждением благодатной помощи от гробницы преподобной служит исцеление от слепоты княжны Анны Нечтевой, произошедшее в 1598 году. В 1609 году при нашествии польских захватчиков на Суздаль святая София явилась в видении предводителю вражеских войск Лисовскому и приказала не разорять город и монастырь. Явление было грозным, а после него у Лисовского одна рука стала парализована. В ужасе он дал обет покинуть пределы Суздаля.

В конце XVII века последовало официальное благословение на общецерковное почитание святой Софии Суздальской, которое дал патриарх Иосиф. В это же время была написана икона угодницы Божией, которая сразу стала источать многочисленные чудеса и исцеления. Икона сохранилась и до нынешнего времени.

Святая София Суздальская может служить образцом для подражания в терпении, любви, послушании и смирении. От нас Господь не требует больших подвигов, кроме безропотного несения своего жизненного креста.

Вышняго красотою явственно украшался,/ постническими бо труды подвизася преподобная София,/ и бысть наследница Небесному Царствию,/ и вниде в Небесный Чертог насладитися Христовы красоты,/ Его же моли спастися граду Суждалю/ от поганых нахождений и междоусобныя брани/ и подаждь душам нашим велию милость.

Нощи страстный избегши, Богомудрая Софие преподобная,/ к Незаходимому же Солнцу, Христу, пришедши,/ умертвила еси плотское мудрование постом же, воздержанием и молитвами,/ показася равна Ангелом,/ на земли бо поживе и духи нечистыя от человек отгнала еси,/ и различная исцеления подававши, от многих бед и зол избавлявши,/ Софие преподобная,/ моли спастися душам нашим.

Ублажаем тя, / преподобная мати Софие, / и чтим святую память твою, / наставнице монахинь / и собеседнице Ангелов.

О, прехвальная и праведная мати Софие, Суздальския страны досточудная подвижнице! Славим твое богоугодное житие, чтим твоя великия добродетели, поклоняемся честным мощем твоим, с любовию лобызаем твой святый образ и с верою приносим тебе прилежныя наша молитвы. Помози нам, яко странним и пришельцем в мире сем, стати на истинный путь христианскаго жития, не отврати лица своего от всех прибегающих к твоему покровительству, духовне умудри подвизающихся в иночестве познати коемуждо образ спасения своея души, настави в подвизех смирения, терпения и покаяния, поспешествуй стяжати нам целомудрие, послушание и любовь Божию. Буди щит и ограждение обители сия от всякаго зла, в ней же сама ревностно подвизалася еси. Обрати и вразуми заблудшия люди на путь правый. Умоли Господа сил пощадити души наша и даровати нам время на покаяние, да твоим предстательством сподобимся безпагубне прейти поприще многоскорбнаго нашего земнаго жития и быти причастники вечнаго блаженства в небесных обителех Бога и Спаса нашего, Ему же подобает всякая слава, честь и поклонение, ныне и присно, и во веки веков. Аминь.

Молитва к софии суздальской

Память совершается: 16/29 декабря – преставление (1542), 1/14 августа – обретение мощей (1995) и в Соборе Владимирских святых

Избранней Божественным промышлением славней подвижнице земли Суздальския, преподобней матери Софии достойную честь и похвалу воздадим, яко святей угоднице Божией и усердней молитвеннице о всех почитающих ея пречестную память. И ныне припадающе к ея святому гробу со умилением зовем: Ра?дуйся, богомудрая мати Софие, прехвальная молитвеннице земли Суздальския.

Ангелов лики возрадовашася, видяще твое иноческое житие в подвизех поста, бдения и богомыслия, и яко единонравную прияша душу твою, достойно венчанную чином ангельским в пострижении монашестем, да будеши образ жития во Христе всем ищущим спасения. Темже воспеваем ти:

Радуйся, прославленная подвижнице, Богом избранная;

Радуйся, Христа Подвигоположника всем сердцем возлюбившая.

Радуйся, к ангельскому лику монашеским чином сопричисленная;

Радуйся, чистоту душевную неустанными трудами стяжавшая.

Радуйся, с небесными силами Господа Вседержителя воспевшая;

Радуйся, Бога Творца всяческих мудрость познавшая.

Радуйся, промышление Вышняго на себе во благих испытавшая;

Радуйся, Его Божественней воли всю себе предавшая.

Радуйся, богомудрая мати Софие, прехвальная молитвеннице земли Суздальския.

Видящи злострадания жительства в мире сем, волнами житейскаго моря обуреваемем, презрела еси всяческую тленность благ земных: богатства, власти и чести, и в надежде живота вечнаго оставила еси славу великокняжескую, в благодарении поющи Богу: Аллилуия.

Разумеющи вся суетная и скоротечная в мире сем, покорила еси себе, яко кроткая агница, воли Всемогущаго Бога и, вземши крест на рамо свое, понесла еси во след Христа Жизнодавца. Мы же, дивящеся твоему смирению и послушанию, во умилении поем ти:

Радуйся, мира сего тленную красоту совершенне отвергшая;

Радуйся, славу его и богатство нивочтоже вменившая.

Радуйся, земнаго жительства скорогибнущия прелести отвергшая;

Радуйся, в нетленныя одежды равноангельскаго жития облекшаяся.

Радуйся, яко свеща негасимая, любовию к Богу возженная;

Радуйся, яко роса небесная, благодатию Божиею напоенная.

Радуйся, миро благоуханное, добродетельми насыщенное;

Радуйся, розго многоплодное, от лозы, Христа, взращенное.

Радуйся, богомудрая мати Софие, прехвальная молитвеннице земли Суздальския.

Силою свыше вооружившися, противостала еси всем кознем диавольским; ты непрестанным пощением, псалмопением и терпением попрала еси древняго змия, имущи в сердце своем сладчайшее имя Иисуса, и тем обрела еси покой душе своей, в благодарении Богу зовущи: Аллилуия.

Имущи боголюбивую душу, взыскала еси Царствия Небеснаго и правды его; неустанным деланием правил монашескаго жития восходила еси от силу в силу и достигла еси высоты совершенства в меру полнаго возраста духовнаго. Мы же, славяще твоя труды и добродетели, сице тебе поем:

Радуйся, вся искушения вражеская силою свыше победившая;

Радуйся, похоть плоти многим воздержанием умертвившая.

Радуйся, похоть очес непрестанною молитвою угасившая;

Радуйся, гордость житейскую нелицемерным смирением искоренившая.

Радуйся, яко добропобедно взошла еси на гору святости;

Радуйся, яко узрела еси очима души обители небесная.

Радуйся, горлица чистая, к Божественным чертогам возлетевшая;

Радуйся, кроткая голубице, к Богу вознесшаяся.

Радуйся, богомудрая мати Софие, прехвальная молитвеннице земли Суздальския.

Бурю помышлений претерпела еси, преподобная мати Софие, егда направила еси стопы своя путем иноческаго жития, обаче скоро познала еси душею неизглаголанную радость общения со Христом в непрестанных трудех поста, бдения и молитв и в мире сердца своего прославила еси Всещедраго Бога, поющи: Аллилуия.

Слышавше о мнозех бедах и мятежах жительства суетнаго мира, утешалася еси Божиим изволением, данным тебе жребием монашескаго бытия. Темже славяще твое благочестное житие в подвизех послушания, целомудрия и нестяжания, воспеваем тебе сицевая:

Радуйся, волею Божиею от мира во обитель благоотишную пресельшаяся;

Радуйся, тамо сокровище нетленное неложно себе стяжавшая.

Радуйся, яко жена потерянную драхму жития во Христе иночеством нашедшая;

Радуйся, подобне купцу богатство, честь и славу на бисер Царства Небеснаго пременившая.

Радуйся, яко тамо сердце твое, идеже сокровище твое;

Радуйся, яко скрыла оное на Небеси, идеже червь не тлит.

Радуйся, зерно горушично, доброделанием в велие древо взрастившееся;

Радуйся, яко семя словес Христовых богате уплодоносила еси.

Радуйся, богомудрая мати Софие, прехвальная молитвеннице земли Суздальския.

Богозданную обитель во имя Покрова Божия Матере возлюбила еси всею душею твоею, под священный Ея омофор всельшаяся, и святым водительством Царицы Небесныя обрела еси покой и сладость душевную, и Сыну Ея Христу Богу воспела еси благодарственную песнь, зовущи: Аллилуия.

Видевши путь к Царствию Небесному, предначертанный Христом во Святем Евангелии, нопоколебимо шествовала еси стезями богоугоднаго жития и достигла еси неизреченных благ, уготованных Богом любящим Его. Мы же, назидаемии твоим добрым житием, воспеваем ти:

Радуйся, прежде всего Царствия Небеснаго искавшая;

Радуйся, чаяние жизни будущаго века исповедовавшая.

Радуйся, заповеди Новаго Завета в жительстве исполнившая;

Радуйся, к нищим духом себе присовокупившая.

Радуйся, с плачущими в покаянии утешение себе обретшая;

Радуйся, преподобная, с кроткими блаженство унаследовавшая.

Радуйся, с алчущими правды Божия зело насыщенная;

Радуйся, с милостивыми от Бога помилование получившая.

Радуйся, богомудрая мати Софие, прехвальная молитвеннице земли Суздальския.

Проповеда земля Суздальская твое изрядное житие, во мнозех добродетелех процветшее; мирстии людие текоша к тебе, да узрят тя, духовне совершенную, и слышат душеспасительныя глаголы твоих богомудрых уст, в благодарении Богу зовущи: Аллилуия.

Возсия свет благодати подвигов твоих, просвещающий всякаго человека, грядущаго ко святей обители Покрова Божия Матери на поклонение, да приимут зде хотящии спастися помощь твоими молитвами от Всещедраго Бога, внемлющаго гласу моления угодников Своих. Сего ради возглашаем ти:

Радуйся, Богом Светодавцем в иноческих трудех просвещение;

Радуйся, огнем святости людем приходящим возсиявшая.

Радуйся, свещнице, не под спудом, но вверху стоящая;

Радуйся, лучами Солнца Правды вся блистающая.

Радуйся, в нощи грехов людских тьму погибельную прогоняющая;

Радуйся, яко седящии во тьме греха видят свет твоего жития.

Радуйся, тако просветившаяся пред человеки светом души твоея;

Радуйся, тако прославившая Отца милости и щедрот, Иже есть на Небесех.

Радуйся, богомудрая мати Софие, прехвальная молитвеннице земли Суздальския.

Хотящи последовати Искупителю рода человеческаго, рекшему: «Аще кто хощет по Мне ити, да отвержется себе и возмет крест свой, и по Мне грядет», возненавидела еси вся красная земных благ и всею крепостию души своея возлюбила еси Сладчайшего Иисуса, поющи: Аллилуия.

Дивную тя во святых показа Христос Бог, сподобивый ангельскаго чина прияти и нарещи тя Софиею, тезоименитая Премудрости Божией, да будеши великая и неизреченная домостроительства Божия тайны, да ведаеши и благая вечная, да Царство Небесное наследуеши со всеми небожителями. Мы же таковому Божию изволению чудящеся, зовем ти:

Радуйся, Божественнаго промышления достойная избраннице;

Радуйся, света небеснаго земное зерцало.

Радуйся, печати Премудрости Божия дивная носительнице;

Радуйся, благодати Духа Святаго непорочное вместилище.

Радуйся, сосуде златый чистоты душевныя и телесныя;

Радуйся, образе честный иноческаго жития.

Радуйся, ангельскому славословию непрестанными песньми подражавшая;

Радуйся, деланьми благочестия на лествицу духовную возшедшая.

Радуйся, богомудрая мати Софие, прехвальная молитвеннице земли Суздальския.

Странное чудо видимо есть, како честь и хвалу века сего на тихое и безмолвное житие пременила еси и славное звание великия княгини смиренно сложила еси; едино, еже есть на потребу, сие возлюбила еси, благодарственно гласом радования Богу поющи: Аллилуия.

Всю себе, яко Жениху, Господу Иисусу предавши, уподобилася еси мудрым девам, елеем добрых дел светильники своя исполнившим, и, бодрствующи, в радости сретила Его. Сего ради ублажаем тя сице:

Радуйся, небесных чертогов богоизбранная наставнице;

Радуйся, обители горния преславная насельнице.

Радуйся, многими добродетельми путь свой к небеси уготовившая;

Радуйся, слезами, скорбьми и покаянием стези своя оросившая.

Радуйся, глас Жениха Небеснаго всерадостно услышавшая;

Радуйся, пира брачнаго жизни вечныя приобщившаяся.

Радуйся, Божественнаго рая сладость вкусившая;

Радуйся, света невечерняго приснотекущую радость восприявшая.

Радуйся, богомудрая мати Софие, прехвальная молитвеннице земли Суздальския.

Всякое плотское мудрование в себе упразднила еси силою Божественныя благодати, сораспявши себя Христу со страстьми и похотьми, добре в иночестве пожила еси; темже и была еси яко древо, насажденное при исходищих вод, приносящи мног плод Богу Жизнодателю, поющи: Аллилуия.

Вития многоглаголивая не возмогут изрещи твоя труды сокровенныя, подвиги и благодеяния, ими же угодила еси Богу, Прославляющему прославльших Его, Иже содела тя нарочитым сосудом благодати Своея, из него же преизливаются чудеса всем тя воспевающим:

Радуйся, Премудрости Божия житием своим проповеднице;

Радуйся, благости Божией в человецех свидетельнице.

Радуйся, любве Божия невредимое хранилище;

Радуйся, милосердия Божия достохвальное приятелище.

Радуйся, яко тобою славится Бог, дивный во святых Своих;

Радуйся, яко тобою посрамляется отец лжи диавол.

Радуйся, смирением своим Богом вознесенная;

Радуйся, чистотою сердца своего Господом прославленная.

Радуйся, богомудрая мати Софие, прехвальная молитвеннице земли Суздальския.

Спасти хотя всякаго человека, великодаровитый Господь управи житие твое, преподобная мати Софие, и благослови твоя стопы исправити к деланию заповедей Своих. Ты же, яко благопослушливая раба Господня, в смиренномудрии познала еси волю Небеснаго Домовладыки Христа и исполнила вся заповеданная Им, воспевши с радостию: Аллилуия.

Стена необоримая бысть тебе всемогущий Покров Пресвятыя Богородицы, препобедила еси вся искушения духов злобы, облекшися в броню правды, и угасила еси разженныя стрелы лукаваго, вземши щит веры. Сего ради восхваляем тя сице:

Радуйся, Пресвятыя Богородицы усердная почитательнице;

Радуйся, всечестнаго Покрова Ея неумолкаемое хваление.

Радуйся, возлюбленная дщере Царицы Небесныя;

Радуйся, ревностная печальнице пред Нею за вся единоверныя.

Радуйся, смирению Девы Марии благочестне учившаяся;

Радуйся, Ея святейшему послушанию неленостно последовавшая.

Радуйся, всеблаженным Ея омофором во иночестве утвержденная;

Радуйся, милостию Богородицы вся обеты монашества соблюдшая.

Радуйся, богомудрая мати Софие, прехвальная молитвеннице земли Суздальския.

Пением чудес, от твоих молитв проистекших, утешаемся, о преподобная мати Софие, величаем твоя подвиги, их же неослабно понесла еси до последняго издыхания. Егда же скончала еси поприще земнаго живота своего, преселилася душею в небесныя жилища и тамо воспеваеши Царю царствующих хвалебную песнь: Аллилуия.

Светоприемную свещу славы Божия зрим тя, во тьме грехов наших светящую, и ко святей иконе твоей, надеющися на твое вспоможение, притекаем, и к раце мощей твоих с верою и любовию припадаем, воспевающи тебе таковая:

Радуйся, яко подвигом добрым подвизалася еси;

Радуйся, яко течение земнаго жительства доблественне скончала еси.

Радуйся, яко веру правую нелицемерно соблюла еси;

Радуйся, яко в радость Господа твоего достойно взошла еси.

Радуйся, жизни вечныя красоту узревшая;

Радуйся, доброту неизреченную в селениих вышних обретшая.

Радуйся, с чины ангельскими немолчно ликующая;

Радуйся, со всеми святыми Бога Творца славословящая.

Радуйся, богомудрая мати Софие, прехвальная молитвеннице земли Суздальския.

Благодати чудо явила еси ныне: грех наших ради по многолетии судом Божиим попущеннаго запустения обитель сию Покрова Богородицы, юже во граде Суздали, твоим предстательством, праведная мати Софие, Господь паки возроди и дарова ю ищущим спасение, да вси благодарственно поют Богу: Аллилуия.

Поющи твоя новая чудеса, блаженная мати Софие, почитаем твою пречестную память, твоим бо непрестанным тщанием и небесными молитвами пред Престолом Божиим святая обитель, в ней же ты телом почиваеши, вновь созидается и милостию Царицы Небесныя новым стадом монашествующих обильно населяется. Поминающи твоя таковая благодеяния, приносим тебе песнь сию:

Радуйся, своим попечением обитель сию не оставившая;

Радуйся, дерзновенным ходатайством пред Богом о ней болезнующая.

Радуйся, яко твоим предстательством новыя свещи иночества зде возгораются;

Радуйся, яко твоими молитвами токи благодати Божия заблудшия во граде Суздале к Церкви обращают.

Радуйся, обители сия присная хранительнице;

Радуйся, иночествующих в ней незримая наставнице.

Радуйся, прибегающим к тебе в молитвах скорая помощнице;

Радуйся, чудес многоразличных неоскудеваемый источниче.

Радуйся, богомудрая мати Софие, прехвальная молитвеннице земли Суздальския.

О, святая и богомудрая угоднице Божия, преподобная мати Софие, приими благодарственную песнь, тебе ныне возносимую недостойными устнама нашима. Не забуди молений и прошений всех, чтущих твое святое имя и с любовию ублажающих твою пречестную память. Не остави сию обитель нашу, но сохрани ю целою в часы бед и напастей, да вси вкупе сподобимся воспевати хвалу Богу Спасителю нашему, верою зовущим: Аллилуия.

Кондак читается трижды, затем Икос 1 и Кондак 1.

О, прехвальная и праведная мати Софие, Суздальския страны досточудная подвижнице! Славим твое богоугодное житие, чтим твоя великия добродетели, поклоняемся честным мощем твоим, с любовию лобызаем твой святый образ и с верою приносим тебе прилежныя наша молитвы. Помози нам, яко странним и пришельцем в мире сем, стати на истинный путь христианскаго жития, не отврати лица своего от всех прибегающих к твоему покровительству, духовне умудри подвизающихся в иночестве познати коемуждо образ спасения своея души, настави в подвизех смирения, терпения и покаяния, поспешествуй стяжати нам целомудрие, послушание и любовь Божию. Буди щит и ограждение обители сия от всякаго зла, в ней же сама ревностно подвизалася еси. Обрати и вразуми заблудшия люди на путь правый. Умоли Господа сил пощадити души наша и даровати нам время на покаяние, да твоим предстательством сподобимся безпагубне прейти поприще многоскорбнаго нашего земнаго жития и быти причастники вечнаго блаженства в небесных обителех Бога и Спаса нашего, Ему же подобает всякая слава, честь и поклонение, ныне и присно, и во веки веков. Аминь.

Вышняго красотою явственно украшаяся, / постническими бо труды подвизася, преподобная Софие, / и бысть наследница Небесному Царствию, / и вниде в Небесный Чертог насладитися Христовы красоты. / Его же моли спастися граду Суздалю / от вражиих нахождений и междоусобныя брани // и подаждь душам нашим велию милость.

Нощи страстныя избегши, богомудрая Софие преподобная, / к Незаходимому же Солнцу Христу пришедши, / умертвила еси плотское мудрование, постом же, воздержанием и молитвами, / показася равна Ангелом. / На земли бо поживе и духи нечистыя от человек отгнала еси, / и различная исцеления подаваеши, от многих бед и зол избавляеши, / Софие преподобная, // моли спастися душам нашим.

Ублажаем тя, / преподобная мати наша Софие, / и чтим святую память твою, / ты бо молиши за нас // Христа Бога нашего.