Молитва цесаревичу алексею

Молитва цесаревичу алексею

Избранный воеводо ополчения, како возможем воззрети на тя, о чистоты источниче, страстьми и злобами нашими погребенны суще, но яко имущий венцы терпения, сострадания и кротости, подаждь нам крепость твою, да поем ти:

Радуйся, царевиче Алексие, защитниче теплый целомудрия.

Ангелом предстателем за землю твою послан был еси ты Серафимом Божиим народу твоему. Оный же столпник саровский провидя житие твое, ужасашеся, царевичу зовый таковая:

Радуйся, имже правда Божия возсияет;

радуйся, имже льствивая прелесть исчезнет.

Радуйся, безнадежно падших воззвание;

радуйся, студных скверн избавление.

Радуйся, высото девства и кротости;

радуйся, глубино умнаго сердца.

Радуйся, на руку носимое Троицы обиталище;

радуйся, Россию имущий в руце твоей.

Радуйся, звездо, являющая Солнце Втораго Пришествия;

радуйся, сосуде домостроения Божия.

Радуйся, имже обновляется Святая Русь;

радуйся, имже живи становимся.

Радуйся, царевиче Алексие, защитниче теплый целомудрия.

Видяще Новый Израиль себе в блудной нечистоте, глаголет Создателю своему в мрачнем отчаянии: согрешихом на Небо и пред Тобою, и несмы достойни нарещися сыны Твои, обаче зря агнца русскаго, вземлющаго грехи народа, абие вопиет: Аллилуиа.

Разум недоразумеваемый разумети младенец ищай, горце вопияше: почто не можно есть быти ми, якоже и прочим чадом? Кто убо ответит ему? Мы же книгу Исаии разгнувше, слышим пророческое:

Радуйся, яко ты еси пред Богом яко корень в земли жаждущей;

радуйся, яко не имаше вида, ни доброты.

Радуйся, яко в болезни умален паче всех сынов человеческих;

радуйся, яко ты человек в язве сый и ведый терпети болезнь.

Радуйся, яко носиши наша грехи и о нас болезнуеши;

радуйся, яко нами вменен быти в труде и язве от Бога и во озлоблении.

Радуйся, яко язвен бысть за грехи наша;

радуйся, яко язвою твоею мы изцелехом.

Радуйся, иже яко овча на заколение ведеся;

радуйся, иже яко агнец пред стригущим его безгласен.

Радуйся, яко во смирении твоем суд твой взятся;

радуйся, яко вземлется от земли живот твой.

Радуйся, царевиче Алексие, защитниче теплый целомудрия.

Сила Вышняго осени тогда к самоотречению супруг Богодохновенных царственных: егда видяще сына своего стесняема от пестунов страха ради смертнаго, паче убояхуся душевредия, неже страдания телеснаго, дерзновенно поюще: Аллилуиа.

Имея Богоприятное сердце царевич, страданием многолетним удобренное, востече к венцу мученическому. Отрок же Авраамль, ему же имя Исаак, на лоне отца веселяся о царевичи, играньми, яко песньми вопияше сему:

Радуйся, яко тобою искушаше Бог отца твоего;

радуйся, сыне единородный и паче всех возлюбленный.

Радуйся, яко ты еси всесожжение за грехи народа твоего;

радуйся, яко на руку отца несенный на заколение.

Радуйся, наказание телесное народа твоего отменяяй;

радуйся, наказание телесное на себе понесый.

Радуйся, возлюблен быв Отцем, Иже на Небесех;

радуйся, яко егоже любит Отец, наказует.

Радуйся, четыренадесять лет влекущий дрова, еже во всесожжение;

радуйся, яко хврастие сие грехи народа русскаго суть.

Радуйся, благоволение Божие Новому Сиону;

радуйся, стено плача русскаго.

Радуйся, царевиче Алексие, защитниче теплый целомудрия.

Бурю внутрь имея помышлений сумнительных о предании царства сыну: достоит ли златницу сию дати князю мiра сего: Дамы или не дамы? – осклабясь вопрошаху иродиане новые: Дадите кесарю кесарево – рече государь: Сей же Божий есть человек, принесется Богови, Ему же поем: Аллилуиа.

Слышавше пастыря православнаго, иже прежде бяше чужестранный учитель твой, непреложность бытия Божия чрез житие твое осязавша, по венце же твоем ангельский образ приявшаго, восхвалим Христа Бога нашего, и камение превращающа пети о царевичи:

Радуйся, агнце и пастыре;

радуйся, кремль молящихся ти.

Радуйся, блудных бесов мучение;

радуйся, дверей Царствия отверзение.

Радуйся, земная наша в Небесная превращаяй;

радуйся, очи наши Небу отверзаяй.

Радуйся, младенцев безсловесных немолчная уста;

радуйся, отроков о чистоте непреклонная дерзосте.

Радуйся, камене, Голиафа мысленнаго поражаяй;

радуйся, адаманте диадимы Христовой.

Радуйся, имже рассыпаются страхования отцев;

радуйся, тишина и покой для матерей.

Радуйся, царевиче Алексие, защитниче теплый целомудрия.

Боготечною звездою явилося есть житие твое, дние его быша мали и зли: пождан был еси десять лет, пожил же еси вмале более, обаче озарил еси светом утешительным подвиг родителей твоих, иже именоваша тя, якоже матерь прежде, лучем солнечным, Бога благодаряще: Аллилуиа.

Видеша чужестраннии и инославнии на руку пестуна будущаго владыку державы русския, прошибахуся сердца их зрети славу Божию, в немощи совершающуюся, яко и пети сим:

Радуйся, егоже душа в руце Божией;

радуйся, егоже души не прикоснется мука вечная.

Радуйся, непщеванный бысть во очесех безумных умрети;

радуйся, яко вменися во озлобление исход твой.

Радуйся, яко аще и муку приял еси, упование твое безсмертия исполнено есть;

радуйся, вмале наказан быв, великими благодетельствован был еси.

Радуйся, яко Бог искуси тя, и обрете тя достойноа Себе;

радуйся, яко Бог искуси тя, яко злато в горниле.

Радуйся, егоже Бог яко всеплодие жертвенное приял есть;

радуйся, возсиявый во время посещения Твоего.

Радуйся, яко Богосветлою искрою по стеблию лозы Христовой потекл еси;

радуйся, яко в тебе воцарися Господь во веки.

Радуйся, царевиче Алексие, защитниче теплый целомудрия.

Проповедник благовестный бысть воспитатель твой, Петр неколеблемый, возвратися во отечество, скончав подвиг свой, и проповеда тя по обетованию Царства Христова наследника, всех пети научая сице: Аллилуиа.

Возсиявый в вавилоне новем, прежней Руси Святей, истину Божию власти праведныя, тысящелетния плетения попрал еси: о тебе всякая лесть сия паде: мнози убо, не ведущи о тебе ничесоже, но токмо зряще лик твой, благосердый плач зачинают, поюще:

Радуйся, сыне великомучеников;

радуйся, внуче царя-миротворца.

Радуйся, правнуче царя-освободителя;

радуйся, наследниче крамолы победителя.

Радуйся, благословение старца Феодора;

радуйся, страстотерпца Павла императора преемниче.

Радуйся, твердостию воли праотцу Петру Великому подобящийся;

радуйся, тишайшему царю тезоименный.

Радуйся, материю основателя Дома твоего предреченный;

радуйся, новый царевич углический.

Радуйся, Андрея Боголюбиваго сродниче;

радуйся, Бориса и Глеба рождие.

Радуйся, царевиче Алексие, защитниче теплый целомудрия.

Хотящу Иоанну, венчающему и затворяющему Град Божий на земли нашей от нынешняго века преставитися прелестнаго, озарил еси сего пренебесным Светом от купели твоея, младенче царевиче, сей же умныма очима восприемля сие: Свет Христов просвещает всех, вопиял есть в сердци своем, в Горний Алтарь вознося Свет твой, поя, вопия, взывая и глаголя: Аллилуиа.

Новую мученицу царицу Александру тобою показа Христос Бог, новаго человека Божия тя являя, Новую Землю и Новое Небо отверзая нам. пети понуждая сице:

Радуйся о Господе, облече бо тя в ризу спасения;

радуйся, яко Бог возложи ти венец и украси тя красотою.

Радуйся, источающий благодать, яко миро на главе, сходящее на браду Аароню;

радуйся, подающий благодать тебе молящимся.

Радуйся, сильне, препоясующий меч твой по бедре твоей;

радуйся, наляцающий, успевающий, царствующий истины ради и кротости и правды.

Радуйся, непорочен бо путь твой, и на высоких поставляет тя Бог;

радуйся, яко Бог прослави тя десницею крепости.

Радуйся, яко десница Божия по молитве к тебе сокрушает враги;

радуйся, прежде рождения, по рождении и по смерти в руце Божией пребываяй.

Радуйся, побеждаяй, наследуяй Божия;

радуйся, сыне Божий по благодати.

Радуйся, царевиче Алексие, защитниче теплый целомудрия.

Странное чудо о тебе видевше, устранимся мiра, ум на Небеса преложше: како до четвертаго рода по убиении твоем, в песнех, книгах, в мыслех и на сердце народа твоего, по запрещении помнити тя, очи твои, во образе некоего отрока, неотступно рекут нам: кровь твоя, о царевиче, на нас и на чадех наших. О покаяния новаго, помилуй нас пети тобою: Аллилуиа.

Весь бе в Вышних, и нижних никакоже отступи, о капле последняя долготерпения Божия: нарцыте Алексием мя, рекл еси клевретом твоим, аще ли же пестунов узрите, глаголите: Алексий Николаевич, аще же узрите царя, именуйте: Ваше Императорское Высочество. О царевиче мучениче: ты сам веси имя коегождо от нас: помяни нас в молитвах Богу твоему: поющих:

Радуйся, непорочный во всем житии твоем, ходящий в законе Господни;

радуйся, испытающий свидения Его, всем сердцем взыскавый Его.

Радуйся, юнейший, сохранивый словеса Божия, путь свой исправивый;

радуйся, наученный оправданиям Божиим, за вся благодаривый Господа.

Радуйся, яко слово Божие бысть в страх твой;

радуйся, утешенный во смирении твоем словом Божиим, живящим тя.

Радуйся, в нощи страданий твоих помянувый Имя Божие;

радуйся, причастник всем боящимся Господа и хранящим заповеди Его.

Радуйся, смирен быв Господом, яко научися оправданием Его;

радуйся, яко возвеселилися о тебе суть вси боящиися Господа.

Радуйся, яко присно жива душа твоя, и Господа хвалит;

радуйся, взысканный Господом, о нем же радуются легионы ангелов.

Радуйся, царевиче Алексие, защитниче теплый целомудрия.

Всякое естество ангельское удивися великому твоему смирению: егда извещен был еси об отречении святаго отца твоего, ниже единым словом вопросил еси о порфирородных правах твоих, человече Божий: обаче первое слово твое о России бысть, темже умоли Троицу Святую, Ейже предстоиши ныне, сохранити нам русскость нашу сиречь Православие, поюще Богу: Аллилуиа.

Ветия многовещанныя, яко рыбы безгласныя, видим о тебе, царевиче: хотяще оклеветати тя, якоже отца и матерь твоих, ничтоже успевают: Бог бо сохрани тя неприкосновенна от лести бесовския, темже молим тя сице:

Радуйся, яко аще не станут премудрии, яко ты, не внидут в Царство Небесное;

радуйся, яко не избра Господь премудрии и сильнии, но тя избра.

Радуйся, суемудрыя студа исполняющий;

радуйся, словоблудныя потоки изсушающий.

Радуйся, яко тобою лютые взыскателие посрамляются;

радуйся, смрад новейших баснотворцев проявляющий.

Радуйся, иудейския плетения растерзающий;

радуйся, души наша миром исполняющий.

Радуйся, неведение умное теплотою сердечною превращающий;

радуйся, разум в вере неколеблем утверждающий.

Радуйся, чадо, отцев укрепляющее;

радуйся, блудных сынов за покаяние отцовства сподобляяй.

Радуйся, царевиче Алексие, защитниче теплый целомудрия.

Спасти хотя мир тысящелетний на земли сей устрояемый, многажды снисходил отец твой блудному народу: последи же тя в свое место предложил есть, да устыдятся сына: ты же в страдании навыкл еси, темже и страждущим и обремененным грехи многими заступник быти вожделел еси, Богу зовый: Аллилуиа.

Стена еси младенцем, отроком и отроковицам ты, о царевиче, гной и смрад мерзостей содомских нетрудно изгоняющий, иго благое и бремя легкое в сердца водворяющий, глас хлада тонка, воню райскую слезоподательную нам туне дарствующий, да благодарим:

Радуйся, ратнаго отечестволюбия образе;

радуйся, воинскаго целомудрия начертание.

Радуйся, детския чистоты благородие являющий;

радуйся, чад увечных царских венцев за терпение сподобляяй.

Радуйся, отроков воинов мучеников новых созидающий;

радуйся, юнейший ратник в войске отца твоего.

Радуйся, архистратиже всех чад убиенных;

радуйся, противу блудных прилогов поборствуяй.

Радуйся, угрожаемых от насилия сохраняяй;

радуйся, тепле кающимся целомудрие возвращаяй.

Радуйся, безвинно девство иждивших невесты претворяяй;

радуйся, глумящихся материнству и девству страданием очищаяй.

Радуйся, царевиче Алексие, защитниче теплый целомудрия.

Пение всякое побеждается, спростретися тщашеся простерту ти множицею лютою язвою твоею, наконец же простерту ти сущу в подклете дома Ипатиева посреде державы твоея, надолзе закалаему, не могущу абие умрети. О чада сладчайшего! О славы русския! О лепоты неприступныя! Како вдался еси христоненавистником, спростретися тщащийся на Кресте простерту Богу твоему, Емуже поем: Аллилуиа.

Светоприемную свещу сущему во тьме скорби по убиенному сыну воеводе альбионскому зрим тя, царевиче: невещественный бо вжигая огнь, состраждеши сему: не должно ти быти единому в час сей – глаголеши, соседя ему, научая нас пети тебе:

Радуйся, во страдании жизнь свою истощивый;

радуйся, сострадание нам источаяй.

Радуйся, великомучениче в житии твоем;

радуйся, обретший очи зрети страдание ближняго.

Радуйся, царскую порфиру кровию твоею обагряяй;

радуйся, в скиптра место крест приемляй.

Радуйся, кровь твою, яко алавастр мира Христу приносяй;

радуйся, неисцельныя болезни легце исцеляяй.

Радуйся, за царство земное Небесное Царство приемый;

радуйся, вразумляяй земное отечество любити, да Небеснаго сподобимся.

Радуйся, аще и пресечеся тобою род твой;

радуйся, рождая нас в Жизнь Вечную.

Радуйся, царевиче Алексие, защитниче теплый целомудрия.

Благодать дати восхотев чадом, аще и неверным, Отец Небесный открывает нам сияние крестной славы твоея, да усрамимся новаго сего мученика-царевича, сей же сквозе все житие распинаем быв грехми народа русскаго, присно поет: Аллилуиа.

Поюще твое рождество третие, хвалим тя вси, храме одушевленный воскресения нашего: веселят бо страдания твоя нас ничесоже боятися кроме утраты любве Христовой, научающе в малых скорбех наших пети тебе:

Радуйся, младенческим незлобием мученический венец преукрасивый;

радуйся, загражденными усты обличаяй жестосердие христоненавистников.

Радуйся, яко уверение истинныя веры являешися;

радуйся, потоком крови твоея доныне заграждающий потоки беззакония.

Радуйся, древним седми Маккавеям твердостию души уподобивыйся;

радуйся, мудре на отроковицы Веру, Надежду и Любовь взираяй.

Радуйся, истрезвляющий нас к безстрашному свидетельству Истины;

радуйся, яко нам заступление суть честная страдания твоя.

Радуйся, яко ты еси израильтянин истинный, в нем же льсти несть;

радуйся, яко сего ради убиен бысть за Христа.

Радуйся, долгоумиранием злобу жидовскую истощивый;

радуйся, излиянием крови твоея Церковь благодатию наполняяй.

Радуйся, царевиче Алексие, защитниче теплый целомудрия.

О страстотерпче четыренадесятолетний царевиче Алексие! Егда ты возсмеявался еси во тьме, самодвижныя картины созерцая, вси сущии окрест тебе обращашася во еже зрети тя: зане в страданий место радость осеняющая тя бысть якоже смех Сарры, якоже радость царицы Елены, егда обрете Честный Крест, и якоже радость матере твоея, егда родитися тебе. Помолися Владыце и Богу твоему не лишитися и нам радости оныя, слезами покаяния даруемой, да будет о нас радость ангелов вящшая неже о девятидесяти и девяти незаблуждших овцах, да и о нас ты возможеши пети Богу: Аллилуиа.

Сек Кондак глаголи трижды. Посем же паки 1-й Икос и 1-й Кондак.

Молитва святому великомученику благоверному Царевичу Алексию

О страстотерпче святый царевиче Алексие! О новый Димитрие царевиче, якоже и сей, Дом свой заключающий! О Гавриилу Белостокскому и прочим младенцем, жидов обличителем, подобящийся! О Артемию отроку, народом пренебрегаему, последующий! Известны мы, яко ополченное войско, окруженное, тобою из топи непроходимыя невозбранно изведено бысть. Сии же изводимии, священнику, дерзновением фесвитятину Илии подобному, запинаху молити тя о спасении, не сущу ти людьми прославленну. Се ныне зриши царство твое, о нем же глаголал еси: Егда аз буду царь, не будет лжи окрест мене – днесь царство отца лжи является, за еже доселе не царствуеши ты в сердцах народа твоего. Сам убо, о царевиче, прииди и стани зде с нами, уцеломудри нас, аще и не волящих: ты еси врач изрядный, ведящий более нас потребная ко спасению нашему. Вемы сострадание твое, вемы кротость твою, вемы любы твою к народу твоему: помози в долгонедужии сущим людем твоим, не попусти любвеоставленней быти прежде Святей Руси, но сам яко веси, приими дерзновение во спасение наше. Аминь.

Фонд Святителя Иоанна Шанхайского и Сан-Францисского Чудотворца, Россия, Москва.

Молитва цесаревичу алексею

Молитвы царственного православного христианина

Пресвятой Богородице Деве Марии в честь её икон “За державу Российскую скорбящая” и “Воскресающая Русь”

Святому Царю-искупителю Николаю II, святой мученице царице Александре-Новой, святому мученику царевичу Алексею, царевнам мученицам Ольге, Татьяне, Марии и Анастасии.

Преподобномученице великой княгине Елисавете

Святому новомученику и чудотворцу Григорию Новому.

Богомудрому Царю-великомученику Иоанну (Грозному)

Праведному Николаю Псковоезерскому (Схиепископу Нектарию).

Воину-мученику Евгению Родионову.

Преподобному Серафиму Саровскому.

Преподобному Иерониму Санаксарскому.

Святой блаженной Пелагии Рязанской.

Молитвы ко Пресвятой Богородице перед Ее образом

«За державу Российскую скорбящая» .

Тропарь, глас 1.

Скорбящая за Державу Российскую Мати, непрестанно слезы изливаеши за ны, молися избавитися от всякия скверны душам нашим.

О, Всемилостивая Госпожа Богородица, Пресвятая Царица, Дева Всечестная, Скорбящая за Державу Российскую Матерь! Со смирением благодарим Тебя о великих безчисленных благодеяниях во спасение рода человеческого людям российским от Тебя бывших. Перед Пречистым Образом Твоим с постоянством и неотступностью молим Тебя: грядущего Благочестивейшего Государя Российского Всемощным Своим Покровом покрой и непобедимое оружие Ему на врагов даруй. Сохрани Российскую землю от голода, разбоя, землетрясения, наводнения, пожара, войны, нашествия иноплеменных и междуусобных войн. Помяни, Владычица, Пресвятая Госпожа Богородица, весь священнический и монашеский чин, согрей сердца их пламенной ревностью по Богу, укрепи каждого достойно нести свое звание, Престолы и людей от печати антихристовой избавь и новому Государю Российскому сподобь верно послужить. Спаси, Пречистая, неизреченно скорбящая Матерь и всех рабов Твоих и даруй путь земного поприща без пороков пройти, и возсияй светом святого милосердия Твоего. Души наши ослепшие просвети, да узрев бездну падения своего возлюбим Сына Твоего и ближнего своего, и самоотверженно возьмем крест свой и пойдем к свету Истины, просвещающего мир. Сокруши силу зла и пролей в умы наши луч разума Христова, да Тобою спасаемое здесь Отечество, а по смерти рай обретем и Триединому Богу хвалу, благодарение и поклонение возсылаем и сейчас, и всегда, и вечно. Аминь.

Празднование 8 апреля.

Обретена икона в Москве в 2000 году 8 апреля на Благовещение Пресвятой Богородицы.

Святой праведный Николай Псковоезерский (Гурьянов) (1909-2002г.) этой иконой благословлял приезжавших к нему на остров духовных чад.

Молитвы ко Пресвятей, Пречистей, Преблагословенней

Славней Владычице нашей, Богородице

и Приснодеве Марии перед чудотворным образом Ея

Тропарь гл. 2 .

Воскреси души наша, Владычице, / помози иго благое въ сердцахъ понести, / просвети землю Русскую, / в беззакония впадшую, / низпошли покаяния кресты золотыя, / вразуми ны, яко Ты еси воистину Русь Воскрешающая.

Всемилостивая Владычице Мира и Предстательнице за весь род человеческий. Со слезами покаяния и коленопреклоненно всем миром взываем к Тебе, Спасительница наша, дабы помолилась Ты за нас грешных Господу Богу о прощении грехов наших. Дабы простил Он нас за то, что надругались мы над святынями Его и осквернили землю.

О, горе нам, ибо убивали души детей своих, растя их в неверии и несоблюдении заповедей Божиих, а сами же жили без любви к Богу и ближнему своему. Прости нас, Матерь Божия, за то, что утратили мы чистоту душевную и теплоту сердечную. Прости нас за то, что мы разучились сочувствовать чужому горю и сорадоваться счастью ближнего своего. Прости нас за то, что мы не хотим помогать друг другу в беде и отказываемся творить милостыню. Прости нас за ложь, человекоугодие и идолопоклонство. Прости нас за то, что не умеем прощать врагов своих. Прости нас за то, что льется кровь по всей Руси. Прости нас, Царица Небесная, что забыли мы о Сыне Твоем и о покаянии. Прости нас, неблагодарных, ибо думаем мы, что все, даваемое нам Богом и Тобою- есть наша заслуга. Прости нас, дерзких, что не хотим принять любви Твоей и закрываем сердца свои. Тебе молимся и просим, дабы укрепила Ты в нас веру в Бога и хорошее будущее и помогла нам возродить Русь святую.

Пресвятая Богородице, спаси и защити нас. Аминь.

Величаемъ, величаемъ Тя, / Пресвятая Дево, / и чтимъ Покровъ Твой честный,/ имже насъ очищаеши / и Русь Святую воскрешаеши.

Величаемъ, величаемъ Тя, / Пресвятая Дево, / Богоизбранная Отроковице, / всю землю Покровомъ Своимъ очищающая / и Русь Святую воскрешающая.

Царю Николаю – искупителю греха народа Российского (искупителю России) .

Тропарь (глас 4).

Жертве Христовой в подобие,/ яко Агнец непорочный, волею/ полагаешися во искупление/ греха народа Российскаго,/ царству в себе раздельшемуся/ в Себеже даруеши исцеление,/ святый Царю-искупителю Николае,/ страдания твоя смертная славим,/ ими бо царствие воскрешается/ во славу Царя-Бога Небеснаго,/ и во спасение душ наших.

О святой Царь Николай, искупитель греха народа Российского, Помазанника Своего Тебя Господь избрал, чтобы милостивно и право судить людей твоих и хранителем царства православного быть.

Это царское служение и о душах попечение ты совершал со страхом Божьим. Испытывая же тебя, как золото в горниле, скорби горькие Господь тебе попустил, подобно Иову многострадальному, после престола царского лишение и мученическую смерть послал тебе. Все это кротко претерпел, как истинный раб Христов, наслаждаешься сейчас вышней славы у Престола всех Царя, вместе со святыми мучениками: святою Царицею Александрою, святым отроком Царевичем Алексеем, святыми Царевнами Ольгою, Татьяною, Мариею и Анастасиею и с верными слугами твоими.

Но как имея дерзновение великое ко Христу Царю, ради Егоже со всею семьею и пострадал, моли, да обратит Господь народ к покаянию, дарованному нам искупительной жертвой вашей и утвердит в спасительном пути, да избавит Господь страждущую страну Российскую от лютых безбожников, за грехи наши и отступление от Бога попущенных, и возставит Престол православных Царей, нам же подаст грехов прощение и на всякую добродетель наставит нас, да стяжем смирение (покорность), кротость и любовь, какую ты как мученик явил, да сподобимся небесного Царства, где вместе с тобою и со всеми святыми новомучениками и исповедниками Российскими прославим Отца и Сына, и Святого Духа сейчас и всегда, и навечно. Аминь.

Величаем, величаем тя, святый Царю-искупителю Николае, и чтим христоподобный подвиг и страдания твоя, яже за грех народа Российскаго претерпеть изволил еси.

Царице-мученице Александре Новой.

Все житие твое во Христе есть/ боговенчаная мученице/ святая царица Алек-сандра Новая,/ пришла бо еси от иноверия к православию,/ егоже восприяла еси всем сердцем твоим,/ возлюбивши молитву и храм Божий,/ еще же и в поучении святых отец/ возрастивши чада твоя в служении народу своему,/ и уготовивши их к смерти за Христа/ терпяще кротко клевету./ Сего ради молим тя:/ моли спастися душам нашим.

Всю возложивый/ веру свою на Господа,/ возлюби силу крестную,/ святый мучениче царевичу Алексие,/ сия сила поможе тебе/ понести страдания неисцельного недуга/ чрез все твое житие маловременное/ и скротостию прияти смерть за Христа,/ и ныне о нас молися в безконечней жизни,/ да подаст терпение и нам Господь,/ верою и любовию совершающим память твою.

Царевнам-муценицам Ольге, Татьяне, Марии, Анастасии.

Вси святии царевны мученицы,/ невесты Христовы: / Ольга и Татиано,/ Марие и Анастасие,/ яви вас Господь/ яко ангелы во стране Российстей,/ бысть Его чистоты и сострадания образ,/ любовь велию имущия ко всем,/ наипаче к страждущим,/ еюже послужисте по заповеди Христове/ – "боль их бед бе посетисте мене"./ Сего ради ублажаем вас.

Преподобномученице великой княгине Елисавете.

Тропарь (глас 1 ).

Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу просим тя: святая мученице Великая Княгине Елисавето, моли Христа Бога спасти и просветити души наша.

Слава, и ныне: (Кондак, глас 5)

От славы царственныя, вземши Крест Христов, прешла еси к славе небесней, молящи за врагов, и обрела еси радость вечную, святая мученице княгине Елисавето, с Варварою мучени-цею. Темже молим вас, молите о душах наших.

Память 5 июля и в ближайшее воскресенье к 25 янв. вместе с Собором новомучеников и исповедников Российских.

Святому новомученику и чудотворцу Григорию Новому .

Друже Царей и державной брани поборниче,/ Русскаго Царства и Царского Рода хранителю,/ миру явися и мир тя в юродстве Креста не позна,/ всякий недуг свой и злобу, и клятву на тя возложив,/ святый новомучениче и чудотворче Григорие,/ сам пострадав, тем же можеши нам помощи,/ изведи от жидовския клятвы молящия тя,/ и введи я во царския други.

Молитва св. новомученику Григорию Новому.

О, святой Христов угодниче Григорие, до смерти верный Царю за Царя же от жидов убиенный новомучениче! Ты помолися, дабы мы в неверности Царю покаялись и обрели от Бога жажду, ревность и силы служить Царю-победителю. Упроси Царя Николая-искупителя молвить за нас пред Богом, чтоб вернул Господь народу благодать соборного (совместного, общего) Царю служения, да с тобою, рáбе искренний Григорие, удостоиться нам званья Друга Царского! Человече Божий, странниче, молитвениче, при Царевиче известный чудотворче, умоли с Владычицей Небесной, Христа Господа , да воскресит Небесный Царь Святую Русь во явлении Царя Самодержавного, чтоб и нам достойно Богу и Царю Его во Отечестве служить земном и тем спасенными быть, и к тебе, Григорие, в Небесное Царствие преселитися, идеже с тобою и всеми святыми прославим Отца и Сына и Святаго Духа, ныне и присно и во веки веков. Аминь.

Молитва отца за сына св. новомученику Григорию Новому.

Угодник Божий Григорие! Ты – преславный врачеватель Царевича Алексия, будь же заступником пред Господом заблудшего (болящего) сына моего (имярек). Не допусти жидам и мерзким пособникам их погубить душу и тело моего наследника. Силою молитвы твоей отверзи ум его на те, бездны адовы, в которые он падает, поставь на путь покаяния. Чудотворче Григорие, ты так близко, помоги рабу Божьему (имярек) придти в себя, в разум Истины Христовой. Протяни руку и уведи из страны далече дабы и я, многогрешный отец, мог радоваться и веселиться, что сын мой был мертв и ожил, пропадал и нашелся! Аминь.

Величаем, величаем тя, святый новомучениче Григорие, и чтим честная страдания твоя, яже за Христа и Царя претерпеть изволил еси.

10/23 янв. 1869 г. – рождение;

С 30 на 31 дек. 1916 г. – ритуальное убиение за верность Царю.

Богомудрому Царю-великомученику Иоанну Грозному.

Тропарь (глас 4-й).

Божьим изволением, а не мятежным человечества хотением, на Царство Русское возшел еси и Христу Царю сослужил еси, Иоанне Богомудре. Велией любовию Креста тщался еси люди на свет и истину наставити; потщися и ныне да познаем Единаго Истиннаго Бога и Богом данного нам Самодержавного Государя.

О, великий молитвенниче и кормчий Святой Руси, отрасль благодатная богоизбранного корня, христолюбивый благоверный Царю Иоанне! Дом Пресвятой Богородицы сохранивший и веру в нем силою опричной духовной рати соблюдший и укрепивший, измену искоренивший, агарян и латинян победивший, жидов изгнавший, язычников ко Христу обративший, грады, веси, святые обители и храмы созидавший; восстани на помощь нам, призри на смуту ныне творящуюся на земле Россистей, услыши нас грешных, молящихся тебе, и умоли Христа Бога и Пречистую Богородицу Церковь от ересей, расколов, фарисейства очистить; от ига жидовского, лютых безбожников, врагов видимых и невидимых избавить; народ Руси к покаянию обратить; грехов прощение нам даровать и на всякую добродетель наставить, Царство Православное восстановить и ниспослать нам Царя Самодержавного, аки же ты был еси. Да послужим мы Богу, Царю и Отечеству и да сподобимся Небесного Царствия, идеже с тобою и всеми святыми прославим Отца и Сына и Святаго Духа ныне, и присно, и во веки веков. Аминь.

Величаем, величаем тя, святый великомучениче христолюбивый Царю наш Иоанне, и чтим святую память твою, ты бо молиши за нас Христа Бога нашего.

7 сентября 1530 г. – рождение.

29 января 1547 г. – венчание на Царство.

31 марта 1584 – смерть от отравления ртутью.

23 июня 1624 г. – "обретение телеси великомученика Царя Ивана".

Праведному Николаю Псковоезерскому

Тропарь (глас4).

Божественной Благодати преизрядный носителю,/ Православныя Веры Исповедниче,/ Любови Христовой сосуде неисчерпаемый, /Образ был еси воздержания, /На Остров, аки в тихое пристанище, вселился еси, /Кротостию и смирением Христа Единаго возлюбив, /И ныне со Ангелы ликовствуя, /Отче Праведне Николае, / Моли Христа Бога спастися душам нашим.

Слава, и ныне: (Кондак, глас 3)

Яко финикс цветущий при истоках вод,/ Яко крин благоухающий посреде житейских невзгод,/ Наследниче Благодати древних Святых,/ Отче Николае, утешителю наш,/ Моли Христа Бога спастися нам.

О, Праведне и пречудне отче наш Николае, Пастырю верный и Архиерею Божий смиренный Нектарие! Во времена отступления, нечестием мир пленившего, благочестием просиял еси, сокровенных судеб Божиих яснозрителю, тайновидец душ человеческих. Веруем: возлюби тя Бог, молитвенника пламеннаго за весь мир, и ныне наслаждаешися вышняя Славы у Престола всех Царя, купно со святыми царственными мучениками и всеми святыми, в Земле Русской просиявшими. Но яко имея дерзновение велие ко Христу Царю и Его Пречистой Матери, Царице Неба и Земли, моли, да простит Господь нас, грешных, и помилует: от клятвы разрешит, от пленения вражия и ига богоборцев свободит, и дарует нам зрети Преславное Воскресение Святой Руси во главе с Царем Самодержавным. И по всей Вселенней страшно и славно будет Пресвятое Имя Отца и Сына и Святаго Духа, ныне и присно и во веки веков: Аминь!

О, святой угодниче Христов, великий молитвенниче, православной Веры исповедниче, благодатный сосуд Святаго Духа, праведный Николае! Моли Бога о нас, дабы и мы, Духом Святым научаемые, правое ведение Бога и Его промысла обрели и в разум истины пришли. Умоли Бога, старче Николае, да и нам послет Господь дар верности нелестны и любве нелицемерны к Помазанникам Его. Упроси Пресвятую Богородицу и нас, славящих тебя, одарить Божией Благодатиею, и над нами простереть Свой Покров Святый и нас утешить благословением Своим. Испроси нам у Бога крепости, в подобие святому Царю-искупителю Николаю, смиренно принять промысел Божий о нас; терпеливо нести сиротский крест со вдовицей нашей матерью земною Церковью, пока Царя явит Господь; и всегда благодарить Бога за все. Святой праведный угодниче Николае, испроси Христа Спаса Вседержителя, за молитвы Пречистой Богородицы и за жертву искупительную царскую, воскресить из мертвых Русь Святую явлением Царя-победителя. Дабы и нам достойно Богу, Царю и Отечеству земному послужити и тем спасенными быти, и к тебе, Николае, в Небесное Царствие преселитися, идеже с тобою и всеми святыми прославим Отца и Сына и Святаго Духа, ныне и присно и во веки веков. Аминь.

Ублажаем, ублажаем тя, святый праведный отче наш Николае, и чтим святую память твою: ты бо молиши за нас Христа Бога нашего.

24 августа 2002 г.- преставление.

Воину-мученику Евгению Родионову.

Тропарь (глас 4) .

На защиту Отечества нашего/ с горячим сердцем ко Господу/ в наше тяжёлое время призван был./ Со своими сверстниками-воинами верность Господу и Родине показал еси, / мучение претерпел еси,/ но крестик свой не снял до смерти,/ обезглавлен был за веру Христову,/ но получил ты за это вечную жизнь./ Защищай и спасай нас воине-мучениче Евгение.

Последних времен мучениче, Воинства христолюбиваго украшение, святый мучениче Евгение, Креста Христова любителю предивный, От Спаса и Бога нашего венец приявый, моли Подвигоположника Христа да спасет души наша.

И ныне: (Кондак, глас 4)

Явился еси преудивленною крепостию, Христову терпению даже до смерти подражая, агарянскаго мучительства не убоялся еси, и Креста Господня не отреклся еси, смерть от мучителей яко чашу Христову прияв; сего ради вопием ти: святый мучениче Евгение, присно моли за ны, страдальче.

23 мая 1977 г. – рождение.

23 мая 1996 г. – убиение.

Преподобному Серафиму Саровскому.

Тропарь (глас 4).

От юности Христа возлюбил еси, блаженне, и Тому единому работати пламенне вожделев, непрестанною молитвою и трудом в пустыни подвизался еси, умиленным же сердцем любовь христову стяжав, избранник возлюблен Божия Матере явился еси. Сего ради вопием ти: спасай нас молитвами твоими, Серафиме, преподобне отче наш.

Преподобный отец наш Серафим, любовью божественною исполненный, Любви божественной непрестанный служитель, любимец Матери Божественной Любви, услышь меня, малолюбящего и многоогорчающего тебя. Дай, пожалуйста, и мне быть всегда усердным служителем благоугодной любви, той самой любви, которая долготерпит, милосердствует, не завидует, не превозносится, не гордится, не безчинствует, ни ищет выгоды, не раздражается, не мыслит зла, не радуется о неправде, радуется же о истине: всех любит, всему верит, всего надеется, все переносит, потому никогда не перестает быть! Этой любви служителем быть мне и всем моим близким, и знакомым, и друзьям умоли Любовь Изначальную, да послужив Ей на земле, твоим ходатайством, молитвами Богородицы и всех святых достигну Царства любви, и славы, и света, и припаду к стопам Владыки моего, давшего нам заповедь об истинной любви. Отец наш любящий, не отрини мольбы сердца любящего тебя, и о прощении моих грехов любящего Бога умоли. Помоги нам нести тяготы друг друга, не делать другим того, чего себе не желаем, все любовью покрывать, и с сердечным воспеванием любви закончив земную жизнь, продолжить с нею же радостно вечную жизнь в стране истинной любви. Помолись о нас, отец наш Серафим, нами любимый, и любящий нас. Аминь.

Ублажаем, ублажаем тя преподобне отче наш Серафиме, и чтим святую память твою, наставниче монахов и собеседниче ангелов.

1 августа 1754 г. – рождение.

15 января 1833 – преставление.

1 августа 1903 – обретение мощей преподобного.

Преподобномученику Иерониму Санаксарскому.

В Санаксарской обители подвизался еси/ и многих в ней ко Христу привел./ Постом и молитвою демонов сокрушил еси/ и духовные советы страждущим подавал./ Яко Саровский чудотворец при жизни ликом просиял еси/ и яко Феодор Санаксарский дар прозорливости от Господа приял./ И по смерти всех притекающих к тебе не оставил неутешными,/ старче Богомудрый Иерониме,/ ныне молиши за всю братию и за всю страну Российскую / Христа Бога нашего.

О, великий угодниче Христов, преподобномучениче отче Иерониме! Ты не токмо нетварным светом лика своего просиял, но паче просиял по всей стране Российстей светом своих добродетелей, даром любви и сердечной молитвы. Присно учивый земную сласть ни во что же вменяти, но помышляти паче о вечном воздаянии. Невестой Христовой душу именовавый, Небесному Жениху ее от рук лжебратии предавый и нетленным мученическим венцем славное странствие твое на земле завершивый. И ныне услыши нас грешных рабов Божиих (имя), призывающих тя, и испроси у Господа нашего Иисуса Христа прощения многим нашим прегрешениям, защити нас от зол и болезней, гонений от лжебратии, семьи наши укрепи, деток взрастить в целомудрии помоги, нас рассеянных собери и во взаимопомощи утверди, да мужественно претерпим вся лютая нашего времени и не отступим от Господа нашего Иисуса Христа даже до смерти, аки же и ты, и Царствия Небесного достигнем, идеже купно с тобою прославим Безначального Отца со Единородным Его Сыном и Пресвятым, и Благим, и Животворящим Его Духом, ныне и присно и во веки веков. Аминь.

6 июня 2001 г. – преставление.

Святой блаженной Пелагии Рязанской (1890-1966 гг.)

Тропарь (глас 2)

С трёхлетнего возраста Господь дал тебе дар прозорливости,/ молитву и исцелений благодатных./ С батюшкой Серафимом беседовала,/ слушала его наставления,/ неустанно молилась о спасении России,/ многих направила на путь истинный,/ неверных обличала строго,/ в вере непоколебимой/ святая блаженная старица Пелагия.

О, блаженная девице Пелагие, возлюбленная дщи пастыря Саровскаго Серафима пламеннаго! Еще в земном житии твоем нас нынешних возлюбившая и прорекшая нас ради вся грядущая на род наш, заступи ны молитвами твоими ко Господу во дни погибели и отступления от Веры истинныя православныя, укрепи дух наш в обышедших нас скорбях лютых, избави нас от слуг антихристовых, волков в овечьих шкурах, за собою нас во ад влекущих, подаждь нам хлеба во дни гладныя и кровы во дни бегства нашего. Укрый нас от антихриста в пустыни – в святой Руси царской, предуготованой от века Богом, и умоли Господа даровати нам прощение прегрешений наших и жизнь вечную на Земли Новой под Небом Новым. Аминь.