Святой никита готфский молитва

Молитвы святому великомученику Никите.

К тебе, яко скорому и избранному спасения нашего ходатаю, богоизбранному воеводе, оружием креста враги победившему, великомученице Никито, вседушно прибегаем: не отвратися от нашея нищеты, молению нашему внемли, и от бед нас и град сей сохрани.

Простри руку твою, скорую помощь подающую, управи ум наш от пагубоносных разсеяний, и сердца наша оскверненная очисти, освяти и горе имети утверди.

От враг видимых и невидимых нас сохрани, да над страстьми победители явимся, творяще святыню во страсе Господни, и всякое уныние поправше, радоватися о Господе начнем; и тако твоими ходатайствы, во смирении и простоте сердца, сподобимся до последняго издыхания боголепно Отца и Сына и Святаго Духа воспевати и твоя боговенчанныя подвиги и чудеса прославляти во веки веков. Аминь.

О, великий страстотерпче Христов и чудотворче великомучениче Никито! Припадающе к святому и чудотворному образу твоему, подвиги же и чудеса твоя и многое страдание твое к людем прославляюще, молим тя прилежно: яви нам смиренным и грешным святое и многомощное твое заступление: се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити, но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несумненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на страшнем судище Христовем. Еще, о страстотерпче Христов, у Царя Небеснаго испроси всем православным христианом мир, здравие и спасение, на враги победу и одоление, всей же богохранимей стране благоустроение, тишину и благоденствие. Христолюбивому воинству буди соратай и помощник на враги, и всем людем православным яви твое святое заступление: болящия исцели, скорбящия утеши, бедствующим помози; Ей, угодниче Божий и мучениче долготерпеливый! Не забуди святую обитель твою и вся живущия в ней и подвизающияся инокини же и мирския, но поспеши им в смирении и терпении носити иго Христово и от всяких бед и искушений милостивне избави. Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами, да славим и поем великия щедроты Отца и Сына и Святаго Духа, в Троице славимаго и покланяемаго Бога, и твое святое заступление во веки веков. Аминь.

О, великое светило, осиявающее всего мира концы, страстотерпче Христов Никите! Днесь умиленно предстояще честней твоей иконе и припадающе и лобызающе сию, усердно молим тя: испроси нам у Христа Бога нашего оставление грехов, исправление жития, и вся благая ко временной и вечней жизни потребная. О, пречестный и преславный страстотерпче Христов! Не презри моления нашего и не остави нас к тебе прибегающих, но милостивно воззри на ны и на земную юдоль нашу; помяни нас странствующих и пришельствующих, и дарованною тебе от Бога силою руководи нас к Небесному Отечеству; укрепи нашу немощь, огради нас от грехопадений, возгрей в нас святую любовь ко Господу, и ревность о спасении нашем подаждь нам; насади в сердцах наших страх Божественный, и направи стопы наша к деланию заповедей Христовых. Испроси же предстательством твоим у Всемилостиваго Бога нашего мир Церкви Его, людем в вере единомудрие, суемудрия же и расколов истребление и в делех благих утверждение, больным исцеление, печальным утешение, обиженным заступление, бедствующим помощь. Наипаче же молитвою твоею соделай всем нам, еже жити целомудренно и праведно и благочестиво в нынешнем веце, присно же час смертный и страшное второе пришествие Господа и Бога нашего Иисуса Христа памятовати, да благодатию и человеколюбием Его соблюдаеми и спасаеми, мытарств горьких от бесов, воздушных князей, и вечныя муки избавимся, и в Небеснем Царствии поклонитися Престолу Божию да сподобимся, благодарно и всерадостно прославляюще Пресвятую и Пребожественную Троицу, Отца и Сына и Духа Святаго, во веки веков. Аминь.

О, великомучениче Христов, Никито! Храбр был еси во бранех, и врагом прогонитель, и обидимым заступник, всем же православным христианом предстатель. Помилуй мя грешнаго и недостойнаго, и заступи в бедах, и в скорбех, и в печалех, и во всякой злой напасти, и от всякаго злаго и обидящаго человека мя огради: тебе бо дана бысть таковая благодать от Бога, еже молитися за ны грешныя, в бедах и напастех зле страждущия. Избави убо нас от обидящих и ненавидящих нас, буди нам всегда поборник крепок на вся видимая и невидимая враги наша.

О, великий поборниче наш Никито! Не забуди нас всегда молящихся тебе и просящих у тебя помощи и неоскудныя милости, и сподоби ны, грешныя и недостойныя, неизреченныя благая от Бога получити, яже уготова любящим Его. Яко тому подобает всякая слава, честь и поклонение, Отцу, и Сыну, и Святому Духу, ныне, и присно, и во веки веков. Аминь.

О великий Христов страстотерпче Никито! Услыши молитву нас, грешных, и избави нас (имена) от всякия печали и находящия напасти, от внезапныя смерти и от всякаго зла: в час же разлучения души от тела отжени, страстотерпче, всякую лукавую мысль и лукавыя бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

Тропарь святому великомученику Никите

Крест Христов, яко некое оружие усердно восприим, и к борению врагов притекл еси, и за Христа пострадав, последи огнем священную твою душу Господу предал еси, отонудуже и даров исцеления от Него сподобился еси прияти, великомучениче Никите, моли Христа Бога, спастися душам нашим.

Прелести посек державу стоянием твоим, и победы приим венец во страдальчествех твоих, со ангелы славне радуешися, Никито тезоимените, с ними Христа Бога моля непрестанно о всех нас.

Акафист святому великомученику Никите

Икона Святому великомученнике Никите

Популярные молитвы:

Молитва святой мученице Фотинии Самаряныне

Молитва преподобному Ипатию Печерскому, целебнику

Молитва святому мученику Диомиду врачу

Молитва святому апостолу Симону Зилоту

Молитва пророку Даниилу и отрокам: Анании, Азарии и Мисаилу

Молитва святому праведному Филарету Милостивому

Молитва святому пророку Божию Илии

Молитва блаженному Прокопию, Устюжскому чудотворцу

Молитвы преподобному Макарию Великому, Египетскому

Молитвы святому пророку Науму

Молитва великомученику Евстафию Плакиде

Молитва святому Апостолу и Евангелисту Луке

Молитвы блаженной Ксении Петербургской

Молитвы Вере, Надежде, Любови и матери их Софии, святым мученицам

Православные информеры для сайтов и блогов

Все молитвы .

Святой никита готфский молитва

ТОЧНОЕ ВРЕМЯ

Главный редактор – наместник монастыря епископ Сергий Михайленко

Ответственный исполнитель Димитренко Татьяна Анатольевна

При использовании материалов сайта просим указывать нашу гиперссылку http://golos-obitely.prihod.ru/

СВЯТЫЕ НАШЕГО КРАЯ. Святой великомученик НИКИТА ГОТФСКИЙ

Святой великомученик Никита родился в IV веке в Готии (на восточной стороне реки Дунай в пределах нынешней Румынии и Бессарабии) во времена царствования Константина Великого и был крещен епископом Феофилом († около 340 года), известным просветителем готов, который принимал участие в первом Никейском Соборе.

В конце IV века, во времена правления Атанариха, со стороны язычников готов начались гонения на христиан. Однако Атанарих был побежден вождем готов Фритигерном, который в битве с Атанарихом при переходе Истра (Дуная), подобно Константину Великому, приказал сделать изображение Креста и носить его перед своими полками и так победил Атанариха.

После победы Фритигерна для Церкви наступили благоприятные времена. Преемник епископа Феофила святитель Урфия (или Ульфилла, 311-383 гг.) создал готскую азбуку и перевел с греческого языка на готский много духовных книг. В то время святой Никита своей проповедью и своей благочестивой жизнью много способствовал утверждению христианской веры среди готов.

Спустя несколько лет Атанарих с многочисленным войском вернулся к себе на родину, и снова началась междоусобная война. Одолев Фритигерна, Атанарих воздвиг жестокое гонение против христиан. Никита, став духовным вождем христиан-готов, обличал Атанариха в безбожии и жестокости. Он призывал верующих быть твердыми и не бояться мученичества. Вскоре Никита был схвачен и предан жестоким истязаниям. Его бросили в огонь, и он принял мученическую кончину за Христа 15-го сентября 372-го года где-то в пределах Томитанской епископии, в Бессарабии.

Друг Никиты ночью отыскал его святые останки и перенес их в Киликию. С тех пор от мощей святого мученика Никиты начали совершаться чудеса и исцеления.

В VII веке мощи были перенесены в Константинополь. Частица мощей великомученика Никиты находилась в монастыре Высокие Дечаны в Сербии…

С подвигом святого связана одна из чтимых икон Пресвятой Богородицы, Новоникитская, которая явилась в 372 году святому великомученику. На ней изображается Божия Матерь с Предвечным Младенцем, стоящим и держащим крест в руках. Святой Никита, будучи веден на мучения, имел эту икону на груди под одеждой. Такое же изображение находилось в Москве, у Никитских ворот.

На Руси святой великомученик Никита всегда был особо почитаем. В его честь и память было построено множество храмов. В монастыре в честь великомученика Никиты у Переславля-Залесского подвизался, например, известный русский святой преподобный Никита Столпник. Когда русские войска шли в бой за Веру, Царя и Отечество, то вместе с иконами Архангела Михаила и Георгия Победоносца они несли образ святого Никиты.

Память святого празднуется Церковью 15 сентября по старому стилю (28 сентября нов. ст.).

Тропарь великомученику Никите:

Крест Христов, яко некое оружие усердно восприим, и к борению врагов прителкл еси, и за Христа пострадав, последи огнем священную твою душу Господу передал еси: отонудуже и даров исцеления от Него сподобился еси прияти, великомучениче Никито. Моли Христа Бога спастися душам нашим.

Православный Церковный календарь

Календарь на год ►

О календаре

Богослужения

Библейские чтения

Календарь

Дни особого поминовения усопших 2017

Дни поминовения новопреставленных

Подписка

Великомученик Никита Готфский , Константинопольский

Дни памяти:

Молитвы

Ин тропарь великомученика Никиты

Крест Христов яко некое оружие усердно восприим, и к борению врагов притекл еси,/ и за Христа пострадав, последи огнем священную твою душу Господу предал еси,/ отонудуже и даров исцеления от Него сподобился еси прияти,/ великомучениче Никите./ Моли Христа Бога, спастися душам нашым.

Тропарь великомученика Никиты

Мученик Твой, Господи, Никита/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак великомученика Никиты

Прелести посек державу стоянием твоим/ и победы приим венец во страдальчествех твоих,/ со Ангелы, славне, радуешися,/ Никито тезоименитe,// с ними Христа Бога моля непрестанно о всех нас.

Каноны и Акафисты

Акафист святому великомученику Никите

Избранный страстотерпче Христов и доблий воине Царя царей, Никито преславне, оружием Креста враги видимыя и невидимыя крепце победивый и во всесожжение тучное, яко жертву благоприятну, себе самаго Господеви принесый, в песнех с любовию восхваляем тя, святаго предстателя нашего, и радостно тебе вопием: Радуйся, великомучениче и чудотворче Никито.

Ангельски на земли пожив, победы тезоимените, великомучениче Никито, ты яко Ангел благий в стране Готфстей просиял еси, веру Христову людем, тьмою неверия помраченным, проповедуя, темже Апостолом равный деянии твоими показался еси. Мы же по долгу тя, яко проповедника Христова, ублажаем, со умилением зовуще ти сице:

Радуйся, благовестниче Евангельския истины.

Радуйся, языческое нечестие поправый.

Радуйся, веру Христову возлюбивый.

Радуйся, страну Готфскую духовно просветивый.

Радуйся, диавола и слуги его обличивый.

Радуйся, по имени твоему тех победоносно низложивый.

Радуйся, даже до крове во исповедании Христове послуживый.

Радуйся, мучения многовидная за Христа доблестно претерпевый.

Радуйся, огнем всесожженный и во обители райския вознесенный.

Радуйся, жертва непорочная Троице Святей явивыйся.

Радуйся, столпе крепкий Святыя Церкве.

Радуйся, красото и основание веры Христовы.

Радуйся, великомучениче и чудотворче Никито.

Видев Афанарих, лютый христиан мучитель, како святый Никита веру Христову в готфех победоносно проповедует, аки зверь дивий нань устремися и муками лютыми содробляше того тело; обаче мужества души его поколебати не возможе, зане той победитель мучителей явлься, победоносно воспеваше Христу Богу: Аллилуиа.

Разумев мук телесных безбедность, яко на пир, на мучения за Христа изшел еси, святе Никито, икону Пресвятыя Богородицы с собою имея, с неюже и во всех муках неразлучен пребыл еси и, тоя силою благодатно укрепляем, победоносно путь мучений прошел еси, и от Христа увенчался еси, нас же научаеши вопити тебе таковая:

Радуйся, о немже возрадовашася Ангели.

Радуйся, емуже удивишася человецы.

Радуйся, крепкаго терпения адаманте.

Радуйся, совершеннаго мужества образе.

Радуйся, диавола победителю.

Радуйся, всех слуг его посрамителю.

Радуйся, воине Христов непобедимый.

Радуйся, Крест Христов во оружие победы приемый.

Радуйся, тем вся враги низложивый.

Радуйся, в броню веры Христовы облеченный.

Радуйся, от Христовой десницы свыше увенчанный.

Радуйся, Ангельским ликом сопричтенный.

Радуйся, великомучениче и чудотворче Никито.

Сила Божия в тебе, Никито великомучениче добропобедне, славно прославися, не токмо бо мучителя Афанариха, но и самаго диавола терпением твоим победил еси, и мужество души твоея явив, огнем всесожжегся, яко феникс, в вечной жизни обновился еси и во обители горния душею твоею возлетел еси, во еже со Ангелы пети Богу: Аллилуиа.

Имеяй велию о Христе крепость, временныя муки, мучителем тебе налагаемыя, Никито премудре, ни во чтоже вменил еси и, радуяся, во огнь вшел еси: во огни бо, яко в цветнице, славу Божию воспел еси. Темже и мы тя славим и воспеваем гласы таковыми:

Радуйся, страстотерпче Христов, в чудесех предивный.

Радуйся, во огни смерть вкусивый и не опален пребывый.

Радуйся, Афанариха и клевреты его сим удививый.

Радуйся, вся верныя утешивый.

Радуйся, всем о Господе терпящим утверждение.

Радуйся, ленивым и слабодушным обличение.

Радуйся, чудесы многими по смерти прославленный.

Радуйся, благодать целебную от Господа приемый.

Радуйся, Готфския страны славо и похвало.

Радуйся, Церкви святыя радование и утешение.

Радуйся, святый предстателю и молитвенниче наш ко Господу.

Радуйся, присный наш заступниче.

Радуйся, воине Иисусов добропобедный.

Радуйся, любимиче Его преискренний.

Радуйся, великомучениче и чудотворче Никито.

Буря лютых мук не потопи корабля души твоея, Никито предивне, но приведе тя к тихому блаженства вечнаго пристанищу: Крестом бо Христовым вооружився, святе, прешел еси огнь мучений невредимо и достигл еси в вечный покой, идеже сладце поеши Христу Богу песнь: Аллилуиа.

Слышавше, дивишася христиане, како звезда лучезарная в нощи другу твоему Мариану святыя мощи твоя, мучениче Никито, показа, якоже древле волхвам в Вифлееме Христа рождшагося. О сем убо Мариан радуяся, честное тело твое, страстотерпче, в дому своем погребает, сице к тебе взывая:

Радуйся, угодниче Божий, на небеси и на земли прославленный.

Радуйся, венценосче добропобедный.

Радуйся, сокровище исцелений многоценное.

Радуйся, мироуханный райскаго прозябения цвете.

Радуйся, небесных радование и земных утешение.

Радуйся, болящих безмездное врачевание.

Радуйся, пресветлаго мученическаго воинства доброто.

Радуйся, верных некрадомое богатство.

Радуйся, небесным знамением погребение честное улучивый.

Радуйся, дары благодатными другу твоему воздавый.

Радуйся, изобилием благ земных дом его благословивый.

Радуйся, чудесы многими оный прославивый.

Радуйся, великомучениче и чудотворче Никито.

Боготечный источник исцелений явися в дому Мариана гроб твой честный, святе Никито, егда той в страну греческую преселився, мощи твоя святыя тамо пренесе и в храме Божием, во имя твое созданном, оныя положи на общее поклонение верным, Богу, тя прославльшему, воспевшим: Аллилуиа.

Видевше чудеса преславная, Никито святе, от мощей твоих истекающая, Авксентий епископ восхоте часть их в иный град отделити, но того начинание дерзновенное абие воспятил еси и руку, мощем твоим прикоснувшуюся, омертвением поразил еси, дондеже Авксентий оный с покаянием к тебе припаде и, исцеление от тебе прияв, сице глаголаше:

Радуйся, долготерпеливый Христов подражателю.

Радуйся, с наказанием твоим милость явивый.

Радуйся, начинание дерзновенное чудесно воспятивый.

Радуйся, усохшую руку абие исцеливый.

Радуйся, и по смерти о Христе жив пребываяй.

Радуйся, и по умертвии чудеса совершаяй.

Радуйся, нетлением прославленный на земли.

Радуйся, за подвиг твой венчанный на небеси.

Радуйся, известный умилостивителю Царя Христа.

Радуйся, за верных мощный пред Ним предстателю.

Радуйся, и согрешающия вразумляяй.

Радуйся, и маловерныя умудряяй.

Радуйся, великомучениче и чудотворче Никито.

Проповедуем чудеса твоя, не таим милостей твоих целебных, великомучениче Никито: от лет бо древних отцем нашим сия ведомы быша, и храмы Божия во имя твое святое в стране нашей созидахуся, идеже и лика твоего образы чудесы прославишася, и вся верныя в вере утверждают, к небеси же сердца их восхищают, поющих Богу: Аллилуиа.

Возсияша чудеса многая от святыя иконы чудотворца Никиты, во обители его пребывающия и вся верныя к пению мученика подвизающия; темже и мы с любовию святую память его чтим и песненно ему вопием:

Радуйся, чудес источниче преизобильный.

Радуйся, милости подателю предивный.

Радуйся, победоносче, Богом прославленный.

Радуйся, целебниче недугов душевных и телесных.

Радуйся, болящих младенцев присный врачевателю.

Радуйся, скорбящих и унывающих благодатный посетителю.

Радуйся, силы диавольския крепкий посрамителю.

Радуйся, на духи нечистыя власть от Господа приемый.

Радуйся, действа диавольскаго от человек прогонителю.

Радуйся, от беснования лютаго страждущих свободителю.

Радуйся, апостольских даров приемниче.

Радуйся, ангельския кротости подражателю.

Радуйся, великомучениче и чудотворче Никито.

Хотящим нам славити подвиги твоя и чудеса, великомучениче преславне, помози свыше данною ти благодатию, сердца же наша от греховных помышлений очисти, да достойно и неосужденно прославим тя, о тебе воспевая Христу Богу хвалебную песнь: Аллилуиа.

Дивнаго победоносца и славнаго воина Христова, Никиту великоименитаго кто прославит по достоянию от земнородных: сей бо велиара победи и вся слуги его низложи, Христа же, Царя и Бога, верно даже до смерти исповеда и от Него прославлен бысть. Темже, в храме Его святем ликующе и пред чудотворною иконою того молящеся, взываем тако:

Радуйся, в юдоли сей земной наше утешение.

Радуйся, по Бозе и Пресвятей Богородице наше упование.

Радуйся, Ангельских ликов собеседниче.

Радуйся, святых всех сопричастниче.

Радуйся, мученическаго пресветлаго собора сияющая звездо.

Радуйся, от горних высот нас грешных посещаяй.

Радуйся, дары целебныя земнородным подаваяй.

Радуйся, к бедствующим на помощь ускоряяй.

Радуйся, молящихся молитвы милостиво приемляй.

Радуйся, любящим тя любовию святою воздаваяй.

Радуйся, всещедрый и милостивый наш предстателю.

Радуйся, всеблагий и скоропредстательный наш покровителю.

Радуйся, великомучениче и чудотворче Никито.

Странствие земное совершив и путь мучений прошед победоносно, великомучениче Никито, от дел благотворения не почил еси, но от горних высот обитель твою и люди, верно тебе молящияся, назирая, различная нам подаеши дарования: дадеся бо тебе от Господа велия благодать недужныя врачевати, обидимыя заступати, сиротствующия младенцы окормляти. Темже благодарно тя славим и Богу, тя прославльшему, поем песнь: Аллилуиа.

Весь в Бозе быв, страстотерпче Христов, о Бозе чудеса многия совершил еси в жизни и по смерти и, дерзновение к Тому получив, выну молишися за люди христоименитыя и верно тя на помощь призывающим пособствуеши. Не остави убо и нас благодатною твоею помощию и заступлением, да благодарно тебе зовем:

Радуйся, предивный христиан помощниче.

Радуйся, преславный верующих заступниче.

Радуйся, великоименитый воинов споборниче.

Радуйся, вдовиц и сирот прибежище.

Радуйся, в сониих и видениих верныя посещаяй.

Радуйся, в бедах и напастех им на помощь ускоряяй.

Радуйся, победы тезоименитый.

Радуйся, венценосче нарочитый.

Радуйся, Святыя Церкве крепкий столпе.

Радуйся, православных щите и забрало.

Радуйся, веры утверждение.

Радуйся, страны нашея сохранение.

Радуйся, великомучениче и чудотворче Никито.

Вси сынове русстии от лет древних проповедуют благодатную твою помощь во бранех, Никито предивный, яко воем православным присно на супостаты пособствуеши и молитвами твоими на иноплеменники, воюющия на нас и на веру нашу, право победы нам даруеши: сие бо во дни нашествий татарских множицею от лет древних отцы наша уведеша. Темже, тя по долгу ублажающе, поем о тебе Богу: Аллилуиа.

Витийство наше не довлеет прославити тя по достоянию, великомучениче Христов Никито, обаче ты, яко благий и милостивый подражатель Христов, не возгнушайся наших убогих песноглашений, но приими сия во благо, произволения сердец наших ведый, неотступен буди нам помощник, вся благая даруя нам твоими молитвами, да благоумиленно тебе зовем:

Радуйся, кедре благосеннолиственный, имже покрываются мнози.

Радуйся, цвете прекрасный, имже утешаются людие.

Радуйся, маслино благоплодная, елей милости нам обильно источающая.

Радуйся, кипарисе сада Христова, приходящия к тебе благоухаяй.

Радуйся, христолюбивому воинству невидимый воеводо.

Радуйся, иноверных воев страх и поражение.

Радуйся, страны христианския великоименитый покровителю.

Радуйся, со святителем Николаем присный ея предстателю.

Радуйся, на нечестиваго Мамая великому князю Димитрию невидимо пособствовавый.

Радуйся, царю Иоанну под Казанию благодатно споборствовавший.

Радуйся, соименнаго ти болярина Романова, твоего усерднаго чтителя, родоначальника дома царскаго явивый.

Радуйся, храм Божий, во имя твое им созданный, благоволением твоим осенивый.

Радуйся, великомучениче и чудотворче Никито.

Спаса Христа за люди, тя чтущия, умоли, Никито чудодейственне, и, якоже отцем нашим древле, тако и ныне нам смиренным во благая пособствовати не престай, страстотерпче Христов, победы тезоимените, но и на враги одоление у Господа народу нашему испроси, да славим тя присно и поем Царю царей победную песнь: Аллилуиа.

Стеною молитв твоих, великомучениче Никито, страну нашу выну сохраняй от всякаго зла и вся люди и подвизающияся путем правым, во Царствие Христово руководи, зане дадеся тебе благодать молитися за ны. Сего ради со усердием тебе поем:

Радуйся, девственных ликостояний неотступный хранителю.

Радуйся, благочестно иночествующих, небесный наставниче.

Радуйся, молитвами твоими, яко кокош птенцы своя, нас сохраняяй.

Радуйся, яко орел крылами своими, нас покрываяй и соблюдаяй.

Радуйся, старым сединам силы обновляяй.

Радуйся, юным в благочестии и целомудрии утверждение.

Радуйся, начальствующим во благо помощниче.

Радуйся, всем ревнующим о спасении присный споспешниче.

Радуйся, чудесы твоими нас утешаяй.

Радуйся, враги невидимыя от нас отражаяй.

Радуйся, царствующаго града священное украшение.

Радуйся, небеснаго рая светлый гражданине.

Радуйся, великомучениче и чудотворче Никито.

Пение молебное наше, пред чудотворною иконою твоею приносимое днесь, милостиво услыши, великомучениче Христов Никито, и утробу щедрот твоих не затвори нам, выну требующим твоея благодатныя помощи, но буди, якоже и до днесь был еси, благий наш предстатель и присный за ны ко Господу молитвенник, да о тебе радующеся и Бога славяще, поем Ему: Аллилуиа.

Светозарный светильник и предивный чудотворец великомученик Никита явися: той бо от лет древних отечествие наше своими молитвами и щедротами не оставляет, но яко победитель, вся враги наша видимыя же и невидимыя отражает и благочестно в мире жити нас устрояет. Темже и от нас, угодниче Божий, сие благодарное славословие приими:

Радуйся, великий наш предстателю.

Радуйся, наших врагов невидимых победителю.

Радуйся, преобладати им над нами не попущаяй.

Радуйся, вся козни их, аки паучину, расторгаяй.

Радуйся, и в час смертный любящих и чтущих тя не оставляяй.

Радуйся, от насилия диавольскаго их мощно сохраняяй.

Радуйся, о спасении нашем Бога выну умоляяй.

Радуйся, на мытарствах воздушных верным помощь твою являяй.

Радуйся, и на земли недугов лютых прогонителю.

Радуйся, болезней неисцелимых целителю.

Радуйся, безнадежных надеждо.

Радуйся, христиан похвало. Радуйся, великомучениче и чудотворче Никито.

Благодать Божию видим от святыя и чудотворныя иконы твоея действующую, Никито великоимените, к ней бо с верою притекающии исцеления получают и здравы из храма твоего отходят, темже и мы твой священный образ благоговейно почитаем и с любовию лобызаем, и поем тобою чудодействующему Христу Богу: Аллилуиа.

Поюще твоя милости и многое к страждущим сострадание, великомучениче Никито, славим и величаем тя, Богом возвеличеннаго, и от любве сердечныя воспеваем ти песни таковыя:

Радуйся, бедствующих скорый помощниче.

Радуйся, богатящихся вразумление.

Радуйся, всея Руси Богом данный покровителю.

Радуйся, страны нашея присное радование.

Радуйся, ходатаю о ней немолчный.

Радуйся, молящихся врачу безмездный.

Радуйся, ко исцелению единыя токмо веры требуяй.

Радуйся, души и телеса исцеляяй.

Радуйся, верным выну помогаяй.

Радуйся, маловерных в вере утверждаяй.

Радуйся, веры отвращихся грозно наказуяй.

Радуйся, страха Божия учителю.

Радуйся, дерзости самочинныя обличителю.

Радуйся, великомучениче и чудотворче Никито.

О великий угодниче Божий, страстотерпче Христов и чудотворче Никито! Вонми молитве нашей и малаго моления сего нашего не презри, но Христа Бога умоли избавитися нам от мучений вечных, Небеснаго же Царствия чрез покаяние сподобитися, да с тобою воспоем на земли живых песнь Богу: Аллилуиа.

(Этот кондак читается трижды, затем икос 1 и кондак 1).

О великий страстотерпче Христов и чудотворче великомучениче Никито! Припадающе к святому и чудотворному образу твоему, подвиги же и чудеса твоя и многое сострадание твое к людем прославляюще, молим тя прилежно: яви нам, смиренным и грешным, святое и многомощное твое заступление: се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити, но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несумненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на страшнем судище Христовем. Еще, о страстотерпче Христов, у Царя Небеснаго испроси всем православным христианом мир, здравие и спасение, на враги победу и одоление, всей же богохранимей стране нашей благоустроение, тишину и благоденствие. Христолюбивому воинству буди соратай и помощник на враги, и всем людем православным яви твое святое заступление: болящия исцели, скорбящия утеши, бедствующим помози. Ей, угодниче Божий и мучениче долготерпеливый! Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами, да славим и поем великия щедроты Отца и Сына и Святаго Духа, в Троице славимаго и покланяемаго Бога, и твое святое заступление во веки веков. Аминь.

Книги, статьи, стихи

Владимир Шеменев. В чём отличие великомученика Никиты Готфского от Никиты Бесогона?

В православной церковной истории есть два наиболее известных святых, носящих имя Никита: Никита Бесогон и великомученик Никита Готфский. Их имена, даты почитания и славные дела во имя Господа нашего Иисуса Христа так сильно переплелись, что мы, покупая икону или образок, порой не знаем, кто на ней изображен, тот ли Никита, о котором мы думаем и которому молимся. Никита Бесогон и Никита Готфский! — воскликнет кто-то, — так это одно и то же лицо. ►

Случайный тест

Цитата дня

Не будь привязан к данной тебе на время красоте, чтобы не предстать пред Богом лишенным всякой красоты.